ااه لحظة لفتحت وشافت وليدها وليدها لي خداوه منها وهو قد طرف وليدها لي تحرمت منو سنين وليدها لسنين لكل وهيا كتتفكرو تجبد حوايجه ككان صغير وتبكي هو دوك واقف قدامها رااجل بكتافو راجل لي من ليوم راح يكون سند ليها ومأوى تاعها راجل لي يحميها ويحارب دنيا على جالها
جاد :يما
كسمعت كلمة يما سعادتها متتوصفش ونزلت دمعة ام تحرقت على كبدتها وليوم تشوف فيه راجل قدامها دمعة عبرت مدى فرحتها واشتياقها ليه
نعيمة: وليدي وروح امك
وبدون سابق انذار ترمى فحضنها الحضن الدافئ لحنين لي دايمن نلجأو ليه وقت تضيق بينا دنيا وقت لي نحسو رواحنا نهارنا هذا لكل سمعوه شيماء وسيرام لكن مشافوش لمنظر خاطر كانو فالكوزينة
دخلت نعيمة ووليدها لصالون بعد معيطت ل سيرام وشيماء يتعرفو عليه
دخلو
سيرام: سلام وعليكم
نعيمة: اا خاه مشي من عويدك
طابسة ليها سيرام وحكات فوذنها
سيرام: رباني ها متحشميناش نعوم
نعيمة: روحي برك هههههههه
جاد: يما شكون هذو
نعيمة: سيرام بنتي يعني انا لي ربيتها بعد وفات جدها
وشيماء صاحبة سيرام وبنتي زادا
جاد:مممم مليح الله يبارك
سيرام:جوزو تعشاو
جاد: نروح نغسل يديا وينو صال دوبان
نعيمة: سيرام وريلو
داته سيرام هيا لولى وهو وراها
سيرام: تفضل ميسيو
جاد: لا ميسيو لا سيدي زكري اسمي جاد
دخل جاد يغسل وهيا بقات غايسة في زينه وبدون وعي قالت سيرام: هارباني هذا ملاك ولا بنادم
جاد: لالا بنادم
سيرام: علاش شكون سقساك
جاد: ونتي شكون هدر معاك
سيرام: علاش مع شكون هدرت
جاد مع جنوني
طابس جاد يغسل وجهه لفت انتباه سيرام لوشم لي موجود فرقبتو اما ممبعد نفضت الافكار لي جاو فراسها وراحو لطابلة لعشاء
أنت تقرأ
حب هدم كيان المافيا
عاطفيةحبابيبي في كرونيييك لي اوك كرونيك انشرو قصة مافيا حب تشوقي حماس ( حب هدم كيان المافيا ) منقولة الكاتبة الاصلية نرجس الكاتبة الغرعية شيماء
