_الفصل الثالث:
-حور: بعدما أستأءنت من سكرتير جاسر دقت علي باب المكتب
-جاسر:أدخل
-حور:حضرتك طلبتني
-جاسر:اتفضلي يأنسه حور
-حور:جلست ثم تحدثت قائلة ممكن اعرف اي سبب ان حضرتك تطلبني رغم عدم وجود شغل متاخر او اي تصاميم
-جاسر:الكلام اللي عايزك فيه ملوش علاقة بالشغل يا حور
-حور:والمعني
- جاسر: أنا بحب اخوكي أحمد جدا وهو اخ قبل ما يكون صديق وبصراحه بعد اللي سمعته انهارده عن المؤامرة الحقيرة اللي هتحصل ليكي مينفعش مبلغوش
-حور: بالله عليك يا مستر جاسر أحمد ما يعرفش حاجة أنا مش حمل إني أخسره
-جاسر: شكلك بتحبية أوي
-حور: جدا هو اجمل ما في حياتي وإذا كان علي الخطف والكلام دا فأنا هتصرف ومش هيحصلي حاجة ان شاءالله
-جاسر:طيب ممكن تقوليلي علي الأقل هتعملي اي أنتِ زي أختي نرمين هي معاكي بس هي اداب
-حور:هي أخت حضرتك نرمين مصطفى
-جاسر:اه تعرفيها
-حور:كنت اعرفها لحد ما خلصنا الثانوية وبعد كدا اتغيرت وبعدت عني وقالتلي انها خايفة عليا وبعدها عني افضل ليا
-جاسر: هو السبب ربنا بقا يرحمة
-حور:هو مين
-جاسر:من حوالي 3شهور أتخطبت لواحد ابن صديق بابا وكانت مبسوطة جدا لحد ما جه يوم وراحت تعملة مفاجأه في شقته لقيته بيخونها مع واحدة وحاول يلحقها بس اصطدم في عربية مات ومن ساعتها اتحولت 180درجه وبقت بالشخصية دي
-حور:ياحبيبتي يانرمين بس دا سوء اختيار منكم
-جاسر:كنت رافض بس هي كأي بنت فرحت بالخطوبة
-حور:وفين دور الأهل في الوقت دا هي لسه مش ناضجة كفاية عشان تختار شريك حياتها
-جاسر:اعجب بطريقة تفكيرها وخجلها كلما جاءت عينها بأتجاهه ونظرها للأسفل اغلب الوقت ثم فاق من شروده عندك حق وانا بحاول أصلح دا بس هي مش متقبلة
-حور:انا هقف جمبها وهلحقها من الشلة الفاسدة اللي اتلمت عليها وهتضيعها بزيادة
-جاسر:بجد مش عارف اقولك اي بس اهم حاجه دلوقتي انتي
-حور:متقلقش عادل إنسان محترم بس اللي وصلة لدا حسن بأخلاقة الفاسدة وانا بكرا ان شاءالله هكلم عادل وهفوقه وخير متقلقش
-جاسر:تمام بس بلغيني اول بأول باللي يحصل
-حور:تمام استاذن انا بقا عشان احمد أكيد هيقتلني لأن بنروح سوي
-جاسر:ليه تعبه الراجل كدا
-حور:ابدا هو شغال في العيادة اللي في اخر الشارع ومواعيدنا واحدة فبنروح سوي ونرجع سوي
-جاسر:تمام ربنا يحفظك ليه
-حور:تسلم سلام
_بالفعل خرجت حور من الشركة وجدت أحمد بأنتظارها
-أحمد:تأخير ساعة ليه ان شاءالله
-حور:غصب عني والله مستر جاسر هو السبب
-أحمد:جاسر صحبي هو صاحب الشركة
-حور:أيون هو دا عرفتها لوحدك دي
-أحمد:طيب يلا ياغلبوية
_رجع أحمد وحور إلى البيت فقابلت حور أماني زوجة أخيها الكبير مازن
-أماني:أزيك ياحور كنت لسه بسأل عليكي
-حور:خير يا أماني
-أماني:كنت عوزاكي خمس دقايق لوحدنا
-أحمد:طيب هسبقك انا ياحبيبتي وخلصي وأطلعي
-حور:ماشي ياقلب اختك
-أماني:بعدما تأكدت من دخول أحمد الشقة اي ياحور مش هتتعدلي بقا وتوافقي علي سعيد أخويا يتقدملك
-حور:هو دا الموضوع بصي أنا قولت مليون مرة لا يعني لا ومش هتجوز واحد بيشرب سجاير ويعالم اي تاني وكمان بعيد عن ربنا
-أماني:هيتغير عشانك والله
-حور:كنتي أتغيرتي عشان أخويا دا أنتي خليتية بقا شبهك مازن مبقاش أخويا اللي أعرفه من يوم ما أتجوزك وقفلي علي الموضوع عشان لو اتفتحت مش هسكت وبعد أذنك عشان تعبانة
_ثم صعدت حور بالفعل أما أماني فكانت تتوعد بأنها لم ترتاح إلا بزواج أخيها سعيد من حور
-حور:دقت جرس الباب فتحت الأم السلام عليكم يابطوط
-فاطمة:وعليكم السلام مرات اخوكي كانت بتسأل عليكي
-حور:اه قبلتها علي السلم وأتكلمنا
-فاطمة:اي برضو موضوع سعيد
-حور:بصراحه اه وأنا تعبت من زنها
-فاطمة:حور أنتي ليه كدا حرام عليكي يابنتي الواد بيحبك ولو مش هو يابنتي في اكتر من واحد مستنيين أشارة منك
-حور:ياماما مفيش واحد منهم الزوج الصالح اللي بتمناه
-فاطمة:أنتي فاكرة نفسك كاملة يعني ولا من كترهم الغرور ركبك
-حور:سقطت دموعها وقالت بحزن أنا يأمي عمري ما كان فيا غرور بس مش هتجوز غير الشخص اللي يرتاح قلبي وعقلي ليه اللي أحس انه محافظ علي علاقته بربنا اه إحنا بشر وكلنا بنغلط وفينا عيوب بس عيب عن عيب يفرق تصبحي علي خير وأتجهت نحو غرفتها وأغلقت الباب
-عبد الحميد:عجبك كدا قولتلك سيبيها براحتها
-أحمد:ليه كدا ياماما حور متستاهلش كلامك دا وبعدين لسه نصيبها مجاش كل شخص فينا ربنا محددله شخص معين اللي هيكمل معاه باقي حياته ولحد الوقت دا منقدرش نغير حاجه ولا نجبرها علي حاجه
-فاطمة:نفسي أفرح بيها وخايفة عليها
-أحمد:من اي يأمي حور عاقلة ومش صغيرة وميتخافش عليها
-عبدالحميد:يلا عشان نتعشي وقفلي بقا علي الموضوع دا
-أحمد:هغير وأجيب حور عشان تتعشي
_أما في غرفة حور ظلت تبكي علي كلام أمها وتناجي الله يارب أنا عمري ما كنت مغرورة ولا هكون وأنت عالم يارب أنا بتمني زوج صالح أحس معاه بالأمان ويكون سندي وضهري
-أحمد:دق باب غرفه أخته حور يلا عشان نتعشي
-حور:مسحت دموعها معلش يأحمد محتاجه أنام
-أحمد:عشان خاطري كلي معانا وبعدين نامي
-حور:بالله عليك سيبني وأنا كويسة بس عايزة أنام
-أحمد:طيب بلاش عياط وزعل
-حور:حاضر هنام علي طول وبالفعل ذهبت حور في سبات عميق
_كانت الساعة الثانية بعد منتصف الليل رن هاتف حور ظلت تتقلب في السرير بكسل ولكن استمرار رنين الهاتف أيقظها
-حور:السلام عليكم
زياد:وعليكم السلام
-حور:زياااااااد وفي الوقت دا
يتبع.........
#سو
ياتري مين زياد؟! 🤔دا اللي هنعرفه الفصل الجاي إن شاء الله.
بقلمي/إسراء أشرف ✍️❤
