_الفصل الثامن:
_بعدما نظرت حور خلفها وجدت جاسر يجلس وينظر للأرض لكنه لا يستطيع أن يتوقف عن الضحك
-حور: من الصدمة لم تستطع ان تتحدث فجريت بأقصي سرعة نحو غرفتها
-عبدالحميد: قولي بعد الموقف دا والكائن اللي كان هنا لسه عاوز تتجوزها
-جاسر: مكدبش عليك يا عمي دا انا نفسي توافق أكتر من الأول والله لأن حور بأخلاقها وأسلوبها المرح وكل حاجه هي اللي بحلم طول عمري تكون زوجتي
-أحمد: وأنا حاسس بخير ياجاسر وبإذن الله زي ما أتفقت مع بابا هيرد عليك بعد يومين
-جاسر: تمام أستأذن أنا ياعمي سلام
_قام أحمد بتوصيل جاسر إلى سيارته ثم صعد مرة أخري إلي البيت
-حور: والله مش مسامحاكم علي الموقف البايخ دا
-أحمد: أحنا ذنبنا أي حضرتك اللي دخلتي زي الهبلة من غير أستأذان
-حور: وأنا أي يعرفني أن في حد والمصيبة أن سألت ماما عنك قالت في الاوضه مع أبوكي ومجبتش سيره ان في حد تاني
-فاطمة: والله يابنتي تاه عن باللي
-عبدالحميد: حصل خير ياحبيبة بابا وبعدين جاسر طلب أيدك رأيك أي
-حور: كمان الله أكبر علي شكلي دا أنا كنت بشعري ولبسه كمان ترنج شافني بترنج 😱😔
-أحمد: هههههههه هو لو كان شافك كان مات من الضحك دا سمع الكلام وسخسخ خالص وكان باصص في الأرض ومشفكيش خالص
-حور: احلف
-أحمد: اه والله لأنه بيغض بصره ياجاهلة
-عبدالحميد: ها قولتي أي
-حور: بصراحه يابابا هو إنسان محترم وكل حاجه فيه تدل انه كويس
-فاطمة: لولووووووولي اخيرا ياحور هفرح بيكي
-حور: أهدي ياماما لسه هصلي أستخارة وبعدين ارد
_مر اليومين وبالفعل صلت حور أستخارة وكان الرد بالقبول فرح الاب والام والجميع
-عبدالحميد: أقوم بقا أكلم الراجل
-حور: أنا بقول سلام أنا بقا عشان عندي جامعة يلا يأحمد
-أحمد: يلا ياحبيبتي سلام ياحج وذهبا سويا إلى الجامعة
_داخل جامعة حور
-مها: أحلفي ياحور يعني خلاص هتتخطبي ونفرح بقا
-حور: ان شاءالله اول ما نحدد معاد الخطوبة هبلغكم
-مني: لازم نكون اول ناس
-حور: أكيد طبعا رأت حور نرمين تأتي إليها مسرعه
-نرمين: خطيبة اخويااااا أنا مش عارفه اوصف فرحتي أزاي لا ولا جاسر سيباه هيطير من الفرحة بيرقص
-حور: هههههه شكل أخوكي واقع وكان عامل فيها برئ
-سالي: أخيراً ياحور شاب من اللي بيتقدموا عجبك يا دا القيامة هتقوم ههههههه
-حور: ما تتلموا بقا هو التحفيل عليا انهارده ولا أي حد عنده كلام لسه محشور وعاوز يطلعه
_الكل لا ثم ضحكوا
-حور:طيب يلا كله علي المحاضرة
______________________________________________
_داخل شركة جاسر
-حسام:مال وشك منور كدا ليه والابتسامه من الشرق للغرب
-جاسر:ههههه اي ياعم قول الله أكبر لحسن تحسدني
-حسام:لا هو انا أقدر أحسدك ممكن أقر بس دا بعد أذنك طبعا هههه 😂
-جاسر:هحدد ان شاءالله انهارده معاد الخطوبة مع والد حور
-حسام:الله أكبر مبروك ياصحبي
-جاسر:الله يبارك فيك عقبالك يا ابو الصحاب بس أقنعت بابا وماما بالعافية يجوا معايا بعد شجار طويل
-حسام: اهم حاجه ميحصلش حاجة هناك وانت عارف والدتك هتظبط البت عشان أكيد ناوية تطفشها وتجوزك بنت اختها
-جاسر:لا متخافش أنا عامل حسابي
-حسام:بالتوفيق ياصديقي
______________________________________________
_في المساء بالتحديد في شقة عبدالحميد دق جرس الباب قام أحمد ليفتح الباب
-أحمد:أهلا وسهلاً أتفضلوا
-جاسر:السلام عليكم ثم دخل وخلفة والدة ووالدته
-أحمد:أتفضلوا وأدخلهم غرفة الضيوف
_خرج عبدالحميد وفاطمة رحبوا بالضيوف وجلسوا يتحدثوا إلى أن دخلت حور بالعصير
-حور:السلام عليكم ثم وضعت العصير وسلمت علي الجميع
-نيرة:هي دي بقا العروسه
-جاسر:اه ياماما حور
-مصطفى:ما شاء الله قمر يابنتي
-حور:تسلم ياعمي
_خرج جاسر وحور ليتحدثا سويا علي انفراد
-جاسر:أزيك
-حور:بخجل الحمد لله
-جاسر:مال صوتك وبعدين مجيتيش ليه الشركة انهارده
-حور:صوتي بخير ومجتش عشان كان في محاضرات متأخرة
-جاسر:مش لايق عليكي الكذب
-حور:احم كذب أنا بص بقا بصراحه انا كنت مكسوفه اجي وأشوفك عشان لو كنت كلمتني كنت هيغم عليا
-جاسر:ليه كل دا
-حور:انا كدا خلاص بقا
-جاسر:طيب عرفت انك وافقتي
-حور:اه
-جاسر:من غير ما تسأليني ولا تعرفي عني حاجه
-حور:بصراحه صليت استخاره ومرتاحه دا غير ان أحمد أخويا يعرفك من زمان أما لو عاوز تسأل انت تمام أتفضل
-جاسر:لا مش عايز بس عايز اطلب منك طلب وتقبلي
-حور:عارف عامل زي اللي بيغصب اني اوافق بس بالذوق هههه
-جاسر:هههه طيب اسمعي ياغلبوية أنا عايز أحدد خطوبة مع كتب كتاب لأن بجد محتاجك أوي جمبي
-حور:طيب أنا موافقه بس الأهم بابا
-جاسر:تمام الحمدلله انك مطيعه
-حور:في نفسها مطيعة مين انت هتشد في شعرك بعد الجواز يابني 😊😂😂
-جاسر:ساكته ليه
-حور:أبدا مفيش حاجه
-جاسر:بس بجد كنت هموت لما شوفت طريقتك المضحكة مع أحمد بس أنتِ مفتريه اوي مع الواد حرام عليكي
-حور:هو عينك محامي أخرج منها أحمد دا قلبي
-جاسر:لا بقا أنا كدا هبدأ أغير
-حور:بكسوف كفايا رغي وقوم للناس اللي جوا دي
-جاسر:رغي وقوم شكلي هدبس 😂😂
-حور:لو مش عاجبك أنت لسه علي البر ممكن تلحق نفسك
-جاسر:لا مفيش داعي هكسب فيكي ثواب ثم دخل سريعا إلى الغرفه
_تم تحديد موعد الخطوبة وكتب الكتاب أيضاً بعد أسبوعين ثم أستأذن عائلة جاسر
-مصطفى:وهو في السياره بس والله ناس تتحب ياجاسر يابني
-جاسر:عشان تعرف يابابا
-نيرة:انت بتقول اي يامصطفي وبعدين فيها اي أحسن من بنت خالتك
-جاسر:فرق كبير ياماما وهتلاحظي دا لما تعرفي حور أكتر
-نيرة:مهما تقول أنا شايفه أن جاسمين أفضل دي بنت خالتك برضو وكمان بتحبك
-مصطفي:خلاص يانيرة الجواز لازم يكون بأختياره وبصراحه أنا حبيتهم أوي سواء حور ولا باباها ناس طيبين فكروني بأيام جميلة
-جاسر:فرح من كلام والده ولسه يابابا هتحبهم أكتر
_بعدما وصلوا إلي الفيلا صعد كلا منهم إلى غرفته ما عدا جاسر الذي ذهب إلى غرفة نرمين التي رفضت الذهاب بسبب الصداع الذي أقتحم رأسها قبل أن تخرج معهم بدقائق
-جاسر:القمر لسه صاحي
-نرمين:قمر اي بقا انت هتخطب القمر نفسه
-جاسر:هيبقا عندي قمرين
-نرمين:ياعيني عليك يارومنسي
-جاسر:دا أقل ما عندي يابنتي
-نرمين:ربنا يسعدك ياحبيبي
-جاسر:الصداع راح ولا لسه
-نرمين:اه أخدت مسكن وأحسن دلوقتي
-جاسر:طيب أسيبك ترتاحي ثم قبل رأسها قائلا تصبحي علي خير
-نرمين:وأنت من أهل الخير
______________________________________________
_في يوم الجمعة ذهبت نرمين إلى حور دقت جرس الباب
-حور:وأنا أقول البيت نور عشان حبيبتي نرمين هنا
-نرمين:حبيبتي والله ممكن تلبسي ونروح نتغدا سوي عوزاكي في موضوع مهم جدا
-حور:تمام أدخلي لحد ما أغير هدومي وأستأذن بابا وبالفعل خرجت حور مع نرمين بموافقة الأب
_داخل المطعم طلبت نرمين الغداء وبعد تناوله
-حور:مالك قلقتيني
-نرمين:أنا في مصيبة ياحور
-حور:بعد الشر عليكي مصيبة أي
-نرمين:هحكيلك كل حاجه بالتفصيل بس لازم تساعديني 😭😭
يتبع.....
#سو
ياتري أي المصيبة اللي عملتها نرمين؟!🤔دا اللي هنعرفه الفصل الجاي إن شاء الله.
بقلمي/إسراء أشرف✍️❤
