تكفيني ابتسامتك

انا معك

اتمني ان احضن يدك لنتجول معا واصرخ باعلي صوتي
♥ هذا الرجل هو وطني ♥
ـــــــــــــــــــــــــــــــــــــــــــــــــــــــــــــــ
البارت السابع
🌟🌟🌟
في غرفة الطعام كان الجميع يجلس علي طاولة الطعام ماعدا زين وادهم ورعد
ليبدا الجد بالحديث: اومال فين باجي الشباب اتأخروا چوي
حياه بابتسامة خبيثة: انا طلعت لزين وقالي هيلبس وينزل..ثم تضع يدها علي فمها لتكتم ضحكتها علي ما سيحدث
لتنظر لها ليلي بطرف عينها:استرها يارب
لينزل في تلك اللحظة ادهم ورعد:السلام عليكم
الجميع:وعليكم السلام ورحمةالله وبركاته
ليليهم زين:اخيرا هاكل ده عصافير بطني بتصوصو
فريدة:الله يازين انت عندك عصافيي (عصافير) في بطنك يبقي اديني واحد ايبيه (اربيه)
زين:بطلي ام رخامتك دي يا لدغة
وقبل ان يذهب زين للجلوس يلاحظ ادهم ورعد شئ علي قميصه لينظروا لبعضهم ويبتسموا بشر
ادهم: زيين
زين: نع........وقبل ان يرد تلقي لكمة بوجه جعلته يرتد للخلف
(ويعيني الواد مش فاهم عمل ايه ولسة هيتكلم لقي بكس فعينو بس المرادي من رعد باشا)
رعد بضحك:اسف يزينو بس انت الي حلفتني وانا مبحلفش كدب ابدا
ليقف محمد:مالكوا يا رجالة الواد علي وش جواز مش كدا برده
زين وهو في قمت غضبه: ده انا هسود عيشت....
وقبل ما يكمل تلقي لكمة قوية جعلت الدماء تنزل من
برده
زين وهو مازال لا يستوعب شئ:حتي انت يا حاج..طب قولولي سبب مقنع يخليكم تضربوني
محمد:اسف يا بني بس مقدرش اخلف بوعدي..ويذهب للجلوس مكانه كأن شئ لم يكن
ليلتفت زين للجالسين ويجدهم يضعون يدهم علي فمهم ليحاولوا السيطرة علي انفسهم ولكن للاسف تلك المشاكسة لم تسطتع الكتم اكثر حياه وهي تضحك علي منظر زين:هههههههههههههههههههه منظرك بقي مسخرة ههههه
زين وهو علي وشك الانفجار: انا لازم افهم انتو مالكو النهارده
ادهم: يا دوش اخلع قميصك هتفهم
ليفعل زين هذا ويبقي بتيشيرت قاط ابيض كان يرتديه اسفل القميص ابرز عضلاته فجعله في قمة الوسامة(ده طبعا بعيد عن وشوا الي ادرشم احنا بنتكلم علي الجسم والعضلات 😂)
زين وهو يقلب قميصه مالوا قمي......وقبل ان يكمل رأي تلك العبارة
(والله العظيم لهضربك يازين والا هبقي مغفل)
زين:ااه يا بنت ال#### ده انا هسود عيشتك يا حياه الكلب لينظر الي مقعدها ولكن يجده فارغ..هي راحت فين.. ليشير له الجميع انها اسفل الطاوله
زين بغموض: خلاص بقي المسامح كريم انا هطلع اغير هدومي واجي
حياه وهي تخرج من اسفل الطاولة: الحمد لله مش...
ولكن وجدت من يمسكها من قفاها مثل الحرمية
زين بصرامة: علي فوق ولاقيكي تحت تاني من غير اذني هكسرلك رجلك.
حياه :والله يا زين انا كن..
زين قاطعها بصوت عالي: قولتلك علي فوق
لتجري حياه علي السلم ودموعها منهمرة علي خديها
ليذهب ويجلس علي كرسيه بكل برود ويشرع بتناول طعامه وكأن شئ لم يكن
عمر بغضب طفولي: يا بجحتك يا خي عيطها وليك نفس تاكول
حور:الي اختشوا ماتوا صحيح
عمار بجدية: زين اياك تلمسها انت عارف انها كانت بته‍زر معاك
لينظر له زين ببرود مستفز: كل وانت ساكت
لينهي الجميع افطاره بصمت
ـــــــــــــــــــــــــــــــــــــــــــــــــــــــــــــــ
في مكتب سيف كان يوجد ادهم ورعد وسيف وليلي
وعمار ومحمد 
ليبدأ محمد بالحديث: المعلومات الي جمعتوها طلعت صح يا شباب وفعلا في صفقة مخدرات واسلحة بس
المرادي كبيرة جدا وهتتنفذ هنا في الصعيد ..ادهم وليلي الي مسأُلين عن المهمة دي وفي فريق كامل جاي من القاهرة المهمه دي هتتنفذ النهاردة بليل عند###  عمار انت هتبدأ مراقبة من دلوقتي سيف ورعد مهمتكوا حاليا انكم تتاكدوا ان الفريق الي جاي
من القاهرة يجي بسرية تامة..اي اسئلة تانية
الجميع:تمام يا فندم
عمار:اقولك علي حاجة يا سيادة اللواء بس متتعصبش
محمد:قول يا دوش
عمار:هو انت ليه من ساعت م زين اتكلم معاك وانت بطلت تخلي حياه تطلع معانا في مهمات كتير
محمد:عشان ده كان قرار زين هو خايف عليها وكمان انت عارف ان حياه خبيرة متفرقعات وقنابل يعني مش هنحتجها في المهمة دي بعكس ليلي وادهم دول قناصين وهنحتاجهم اكتر
عمار:اممم فهمت  ...ااااااااااهه
كان هذا صراخ عمار عندما ضربه ادهم علي قفاه
ادهم ببرود:متتدخلش في الي ملكش فيه
ثم يتركهم ويرحل
ليلي بقرف وهي تنظر الي الباب الذي ذهب منه ادهم:ايه كمية البرود والاستفزاز ده
ـــــــــــــــــــــــــــــــــــــــــــــــــــــــــــــــ
في منتصف اليل كان بعض الاشخاص بالقصر نيام ومنهم من يفكر بتلك المهمة التي بعد عددة ساعات
ومنهم من يتقلب بسريره بأرق وجوع
في غرفة ليلي:
اوووووف انا هموت من الجوع بس تلاقي الكل نايم دلوقتي. اوووف وانا معرفش شكل المطبخ ايه. انا هنزل ادور علي حاجة اكولها في التلاجة
في المطبخ
كانت ليلي بدور في التلاجة ولقت بسطرمة وبيض بس مش معمولين ابتسمت ورجعت بذاكرتها لورا
(فلاش باك)
صوت طرقات خفيفة علي الباب ولاكن لا يوجد رد
ليلي:اوووووف يا ادهم كل ده نوم انا هدخل بقي واصحيه وامري لله
ليلي وهي تهز ادهم من كتفه:ادهم  يااا أدهم اوووف
يخربيت نومك التقيل ده يا اخي لتبتسم بشر انت الي جبته لنفسك
لتصعد علي بطن ادهم وتنط عليه
ادهم:اااااه لينظر لليلي بغيظ انتي ايه الي جابك هنا يبت انتي هاا
ليلي:يا اخي غور ليا ساعة بصحي فيك وانت زي القتلان كل ده نوم
لينظر ادهم في هاتفه: يخرب بيت لسان ابوكي الي عايز قصه... ده لسة الساعة تلاتة الصبح يا مفترية.
ليلي بغيظ:اعملك ايه يعني انا هموت من الجوع ومفيش حد يعملي اكول...قوم بقي شوفلي حاجة تتاكل في ام البيت ده
ادهم بابتسامة: تولع الكلية علي الي بيروحوها يلا قومي خليني اجبلك تاكولي بدل ما تاكليني
  في المطبخ
ادهم واقف قدام التلاجة: في بيض وبسطرمة اعملك؟
ليلي: اشطا بقي بسطرمة من ايد الشيف ادهم  ..بس كتر البسطرمة وحياه عيالك ياشيخ
ادهم: ههههه بقي عندي عيال...عيوني انا عارف اصلا ان انتي بتنقي البسطرمة وبتسيبي البيض هه
ليلي:ههههه طب ادجدعن عشان همووت واكوووول
ادهم:هههه حاضر يا لؤلؤتي
( فلاش باك )
ليلي:اوووف ياعني اروح اصحيه انا دلوقتي
@:مش ناوية تبطلي ام العادة دي
ليلي:ادهم جيت في وقتك...الله يسترك يا بعيد تعالي
اعملي البسطرمة دي
ادهم:انتي هتشحتي....انتي متأكده يابت انتي انك كنتي عايشة في امريكا
ليلي:تعالي بس ارفعني علي الرخامة دي عشان اتفرج
ادهم:ههههه ماشي يا أوزعة
ليلي بغيظ:متقولش اوزعة
وفعلا ادهم عملها البسطرمة وقعدوا كلوا في جو كلوا ضحك وهزار بس جالوا تليفون من  رعد عشان يجهزوا للمهمة وراح ادهم وليلي
في مكان خاص بالقوات المسلحة كان رعد وباقي الفريق بيلبسوا بدلة الواقي من الرصاص بس رعد لاحظ ان ليلي بتلعب في الفون ومش بتلبس
رعد:ليلي هو انتي مجهزتيش ليه احنا مش عايزين نتاخر
ليلي:منا لابسة اهو.......لينظر لها رعد كانت لابسة بنطلون اسود وتيشرت اسود خاص
رعد:انا قصدي  الواقي
ليلي:ااه قصدك البتاع التقيل ده...ههه لا يا بابا انا ولا مرة لبستوا ولا هلبسوا باي
وسبته ومشت
في مكان زي الصحرا بين جبلين كان هناك عدد من الشاحنات علي جوانب مختلفة
وادهم وليلي وباقي الفريق محصرينهم بسر لسة مهجموش بيشاهدوا بصمت
ليلي بصوت منخفض وصدمة:ادهم انت شايف الي انا شيفاه
ادهم:للاسف شيفه من بدري يا ليلي ولاد ال$$$ معاهم في العربيات دي........ اطفال بعدد كبير جدا
احنا لازم نغير الخطة الاول لازم نطلع الاطفال دي قبل ما منبدأ الهجوم والا ممكن يتأذوا يعني تجار مخدرات وكمان اعضاء والله انت حسابك تقل يا بن الاسيوطي
ليلي.: انا هقولك انت تؤمر رعد انه يبدا الهجوم وفي الوقت ده انا هتسحب وهحاول انقل الاطفال لعربيات الشرطة ومصطفي واحمد يبقوا قريبين مني عشان لوحد لاحظ الاطفال وانت عليك تخلص علي ابن الاسيوطي يا برنس ها
ادهم بتقزز:برنس بئ انا اد........
لتقاطعه ليلي: بزمتك هو ده وقت وصلت غرورك ده
وفعلا اعطي ادهم الاوامر وكل حاجة كانت ماشية تمام وتم القبض علي المجرمين بس ليلي الامور كان فيها بعض التعقيد
ليلي وهي تنقل الاطفال:يلا بسرعة يا بطل انتا وهو
~~~:انتي فاكرة اني هسيبك تطلعي من هنا سياتك
لتنظر ليلي خلفها بصدمة حاولت اخفائها وتبتسم بخبث:مصطفي باشا اخيرا قررت تكشف خيانتك بنفسك 
مصطفي:انتي عايزة تفهميني انك كنتي عارفة اني بشتغل مع الاسيوطي وحامد الانصاري مستحيل طبعا ثم دوي صوت طلقتان في نفس الوقت
ولكن يا تري كانوا من نصيب مين البارت الجاي بإذن تعالي ♥♥
🌺🌺🌺🌺🌺🌺🌺🌺🌺🌺🌺🌺🌺🌺
كيف للحزن أن يسكن روحكِ وأنتِ طفلتي المُدلّلة كفاكِ خوفاً من المجهول أميرتي إلا تعلمين بأنكٍ المرأة الوحيدة التي بحبهاِ أكتفي وبعشقها أرتوي بين قُبلة وكلمة تُلملمني لا تجزعي، لا تفزعي النّساء كثيرات في حضورك في غيابك ولكن هنَّ فقاقيع حتماً ستنفجر اقتربي مني أبعدي حاجز الخجل كلّ الحاضرات لا تعنيني لا يعنيني ألا أنتِ أحبّك يا من سرق قلبي منّي يا من غيَّر لي حياتي يا من أحببتُها من كل قلبي يا من قادني إلى الخيال حبيبتي أهديتك قلبي وروحي وبين ضلوعي أسكنتُكِ ورسمت معكِ أحلامي ووعودي تواعدنا أن نبقى معاً مدى الحياة أن نجعل حبّنا يفوق الخيال 💓💓💓
ـــــــــــــــــــــــــــــــــــــــــــــــــــــــــــــــ
ادهم 😻ليلي
زين 😘حياه
ادم 😚حور
رائد💞تقي
رعد 🥰نور
عمار  😍حبيبة
نهاية البارات.....⭐النجمة مبتعوضش 💋