عشق
جنت دا اسوي غده وندك الباب ماكو احد بلبيت فكلت شمدريهم اني الي فتحت الباب لفيت شالي زين ورحت من وره الباب صحت
عشق / منو
كال/ اااني خيتي موجود عباس
عشق/ لا خويه بل شغل
كال/ اها عود من يجي ياريت تكوليله جواد اجى عليك ويكلك وراك وراك وهوه يفهمها
عشق/ انشالله ( بس شنو قصده وراك وراك يجوز اكوشي بينهم يوووه اني شعليه اروح بيها اكله وسكت)
كال ثيمالا وراح فتت اكمل شغلي لل12 اجوي صبيتلهم الغده وكعدو يتغدون
عشق/ احم اجى ولد عليك وكال من يجي كوليله اجى عليك جواد ويكول وراك وراك وهوه يفهمها
اشو هوه سمع اسمه صار وجها و وجه امي اصفر
زهراء/ وونتي شلون تطلعيله
عشق/ اني مطلعتله من وره الباب حجه وضل يدك الباب حسبالي حيدر ابن جوارينه وطلعت عليه
عباس/ زهراء من تخلصين اريدج بموضوع مهم ولازم نلكه حل
زهراء/ نشالله حجي
خلصو وراحو كل واحد لغرفته جنت دا انضف الصاله وقريبه على غرفت ماما وبابا لان همه بلطابق الجوه وسمعت حجيهم
زهراء/ اخاف يعرفون بعشق ويجون ياخذوها ونروح بيها اني وياك للسجن
عباس/ لا همه شمدريهم لان اني من وصلت امها لعشق للبيت كالت خليها يمك هسه اجي حتى توصلني لهلي اني دست البانزين و خطفتها لعشق وبعدين هيه وراها ورث جبير مو مال نعوفها اذه مات جدها كل املاكه تتقسم على ولده وحفاده وتعرفين شكد عدهم ورث جبير
زهراء/ اي بس هسه جواد اندل بيتنه شلون وهاذه جواد حفيده لسيد قاسم وهوه من قبل يدور علينه
عباس/ انشالله الكه حل بس المهم ما اخليهم ياخذون عشق
سمعت باب غرفتهم يريد ينفتح رحت ختلت جوه الدرج حتى ليشوفوني طلعه الي مسمه ابويه اخذ سويجه وطلع ونسد باب غرفتهم كمت تزلت عل سريع وصعدت لغرفتي
( يعني الي سمعته صحيح يعني اني مخطوفه عدهم بس شلون اروح لهلي ماكو غير جواد هوه الي يكدر يساعدني بس شلون اي من يجي مره الخ اطلع عليه وكله الحقيقه بس اخاف ميصدك ويتهمني بلجذب بس اني شخصرانه اجرب ولله كريم )
صليت ودعيت ربي يوفقني بلي راح اسوي ويخليني على طريق الصحيح ونزلت سويت العصريه ونضفت المطبخ وجوي صبيتلهم العصريه خلصو وراح يحيى طلع هوه وفاطمه وامي فاتت لغرفتها نضفت البيت ولل6 سويت العشى بل7 ونص خلصت لل8 جوي صبيت العشى تعشو وراحو لغرفهم عزلت المطبخ ونضفته هوه ولصاله وصعدت صليت وكعدت اقره قرأن لل11 خلصت كعدت اكتب بدفتر اسراري ونمت
مر اسبوع وجواد ممبين وصادف يوم ثلاثاء الساعه 11 اندك الباب واني كلي امل انو هوه .....
يتبع.....
