عشق
لفيت شالي زين وطلعت صحت منو من وره الباب
جواد/ اني خيتي عباس موجود
عشق/ لا مموجد بس انته ادور على بنيه هوه خاطفها
جواد بستغراب/ اي بس شمدريج
فتحت الباب وصار كدامي من شافني اتسعت عيونه من الصدمه
عشق/ لائن اني هيه
جواد/ عشق هاي انتي
عشق/ اي البارحه سمعتهم من حجو وكالو اني المخطوفه
جواد/ يلا امشي ماخليج هنا وجدي صارله 17 سنه ايدو عليج
عشق/ بس اخاف يشكون
جواد/ شوفي باجر راح اجي وجيبلج كامرات اريدج اشديها بلبيت وعلمني شلون اشدهم عندج تلفون
عشق/ لا ماعندي
جواد/ هاج هاذه تلفوني الثاني خلي عندج اريدج تساعديني نلزمهم فتهمتي
عشق/ حاضر
راح واني فتت ورجعت اكمل شغلي لل12 جوي صبيت الغده دغدو وراحو لغرفهم خلصت شغلي وصعدت لغرفتي صليت وتشكرت ربي انو راح اطلع منهم ورجع لهلي كمت وعزلت غرفتي وشفت الجهاز اهتز رحت شلته ورديت
عشق بصوت ناصي/ الو
جواد/ هلا عشق شوفي اريدج تحجيلي شسمعتي من عباس وزهراء مثل مكلتي الصبح
حجيلته كلشي سمعته
عشق/ هسه شراح اسوي
جواد/ بس باج راح اجيبلج الكامرات وانتي عليج الباقي يلا باي
سديته ورحت ضميت لتلفون بين هدومي الداخليه ونزلت سويت عصريه ونزلو صبيتلهم
تسريع الئحداث اجى ثاني يوم دك عليه جواد كلي اطلعله طلعت ونطاني الكامرات اصير صغار جايب سته
اخذتهم وراح فتت حطيت اربعه بغرفتهم وثنين بلصاله و رحت اكمل شغلي كلي جواد انو اتعمد اكول اسمه كدامهم جانو ديتغدون
عشق/ احم اليوم اجى جواد وكال لا عباله ناسين سوايته وراح نجي ناخذها وهوه الممنون
عباس برتباك/ هاذه كم مره اجى
عشق/ بس مرتين ذاك اليوم وليوم اجى الصبح كال هيج وراح
زهراء/ عباس عود تعالي للغرفه
عباس/ اي انشالله
راحو كل واحد لغرفته عزلت البيت ونضفته وصعدت ردت اصلي دك التلفون رحت رديت
جواد/ عشق باعي وسمعي زين هاذه عباس راح يكلج تعاي ويانه نتونس انتي تروحين لأن يريدون ياخذوج لمكان ويبدون بخطتهم انو يطلبون الفديه احنى راح نعرف موقعج عن طريق تلفوني ابدن لطفي خلي بس صامت وباجر راح تبدي خطتهم خليج حذره يلا باي
سده واني بقيت متوتره قررت انو اكون قويه وما اضعف لان ضعفي راح يضيع فرصتي بلرجوع لهلي
ومراح استفاد شي من انو اكون ضعيفه صليت ودعيت ربي ينجيني وقريت قرأن لل3 نزلت سويت العصريه ونزلو اكلو
عباس/ عشق تعاي اريد احاجيكم
عشق/ حاضر
رحت وكفت يم القنفه اشرلي اكعد وكعدت
عباس/ باجر راح انروح للمزرعه وعشق تروحين ويانه وخذو جنط لأن راح انطول اسبوع
فاطمه/ بس بابا شلون تريد ناخذها ويانه
زهراء/ حتى تشتغل هناك
عباس/ هسه اني كلتلكم وباجر بل8 نروح
كمت رتبت وهمه الي طلع ولي راح لغرفته لل6 سويت العشى ولل8 صبيت اجوي تعشو وراحو لغرفهم خلصت كلشي وصعدت صليت ورتبت غرفتي طلعت جنطه اتصير وسط خليت بيها دفتر مذكراتي واربع دشايش وشالات اربعه و شحاطيتين تكرمون وعطرين ولقرأن ولسبحه وسديتها ورحت نمت
يتبع.....
