عشق
كعدت الساعه6 كمت اخذت شور ولبست دشاشه سوده وشال اسود وحطيت عطر وصليت ونزلت حضرت الريوك نزلو تريكو
عباس/ يلا تحضرو
عشق/ يمه اريد عباة لأن ماعندي
زهراء/ اي تلكين بلكنتور
رحت طلعتها و صعدو يتحضرون نضفت المطبخ وصعدت لبست العباةاصير ام الراس وخليت التلفون بصدري و عدلت لبسي وخذت الجنطه ونزلت
عباس/ يلا اني وزهراء وعشق بسيارتي ونته وفاطمه بسيارتك
يحيى/ حاضر بويه
صعدنه واني فراحانه انو راح اشوف العالم الخارج بيتنه مشت السياره واني سرحانه بلمنضر كله اشجار وخضار وبحر كلش حلو
زهراء/ هاج عشق ماي اكيد عطشانه
عشق/ اي شكرآ
شربت ماي ونطيتها عشر دقايق وحسيت بدوخه ونعاس قوي وبعد مادري شصار
كعدت لكيت روحي مربوطه على كرسي بغرفه بس فوك راسي كلوب ولباقي ضلمه احس راسي كلش يوجعني شويه وفات ابوي
عباس/ هههه وئخيرن لازم نحجيلج الحقيقه شوفي لااني ابوج ولا زهراء امج ولا هذولاكه اخوانج شوفي من جنتي اصغيره .....
عوده الى الماضي ...
محمد/ حبيبتي ديانا اذه تريدين تروحين لهلج روحي وخذي عشق وياج شكلتي
ديانا/ اي حبيبي كلش مشتاقه الهم يلا خابرلي على السايق عباس خلي يوصلني ويروح لشغله
راح محمد يخابر وديانا تحضر هدوم لعشق الي جانت بعمر الاربع اشهر ودغنيلها حتى عشق تنام
محمد/ يلا حبي اجى عباس
ديانا/ اي هياتني خلصت
نزلت ام عشق وصعدت ويه السايق عباس
عباس/ شلونج خيتي
ديانا/ الحمدلله انته شلونك ام يوسف شلونها
عباس/ الحمدلله يسلمون عليج
ديانا/ الله يسلمهم خويه بس اروح اجيب جنطتي نسيتها راح اخلي عشق يمك بلا زحمه
عباس 😈/ لا خيتي لازحمه ولاشي
راحت ام عشق وداس بانزين عباس وراح لبيته وهوه شايل عشق بئيده نايمه فات ونطاها لمرته وهمه جانو متفقين بخطفها
نرجع لأم عشق
رجعت ولكت عباس ماكو لاهوه ولابنتها خابرت زو٠ها وهوه دك على عباس وميرد
مر شهرين يدورون على عشق وعباس وعائلته ومالهم اثر
قرر جد عشق انو لئاخر نفس اله يبقى يدور على عشق لأن هيه اعز احفاده
وجان جد عشق ثاني اغنه شخص بلعالم ويصيحوله السيد قاسم ودز جواد لأن هوه اكثر شخص قريب عليه من احفاده ومساعده الأيمن انو يدور على عشق وهسه لكاها جواد بعد ودوير دام 5 سنوات من قبل جواد وقبله جان جده الي يدور
عوده الى الحاضر ...
عباس/ وهسه راح ناخذ فديه علمو رجعتج
راح وعاف عشق بين الحيره ولخوف لأن تخاف من الضلمه
ثاني يوم ...
يتبع...
