سجينة اولاد العز

الفصل الثاني

اجرى اتصال وقال: انا لقيتها لقيتها يا اكمل لقيت لي طول عمرنا بندورو عليها.
بعد ما انهى اتصاله قرر يخرج عشان يتكلم معاها.
اول ما فتح الباب اتفاجأ لما شاف السكرتيرة لوحدها وهي مش موجودة،سألها الآنسة ياسمين راحت فين؟
السكرتيرة :يا فندم كانت قاعدة بعدين سألتني عن اسم المدير، وأول ما قلتلها ان اسمك جواد عز الدين كأن لدغتها عقرب وخرجت تجري
-كور جواد  ايده وضرب بعصبية على مكتب السكرتيرة ودخل بسرعة على مكتبه عشان ياخذ مفتاح العربية ويلحقها.
-السكرتيرة ( بنت اسمها منال جميلة ولبسها محتشم عمرها  26سنة وشغالة عنده من  3سنين بتحبه بس هو مش حاسس بيها)قالت:ماله ده متعصب وليه مهتم بالبنت دي اوي كده ؟!!!

اما عند ياسمين قاعدة في التاكسي وقلبها يدق بقوة من شدة التوتر والخوف.
قطع صمتها صوت السواق: ايه العنوان يا بنتي؟
ياسمين: اه اسفة اطلع على .....واعطته العنوان
وفضلت تكلم نفسها : هو اكيد عرفني عشان كده قالي استني بره، هعمل ايه دلوقتي؟ اقول لماما؟ لالا هي اكيد هتقلق اكثر ما هي قلقانة. يا ريتني سمعت كلامها ومروحتش المقابلة دي
السواق: وصلنا يا آنسة
نزلت ياسمين وطلعت على شقتهم
اول ما شافتها ماماتها قالتلها: مالك يا بنتي وشك مخطوف كده ليه؟
-لا ابدا مفيش حاجة بس مقبلونيش في الشغل عشان كده متضايقة.
-متضايقيش نفسك يا بنتي ان شاء الله تلاقي شغل احسن منه،ثم هما الخسرانين هيلاقو زيك فين؟
- ابتسمت ياسمين وقالت : هوما هيتجوزوني عشان ميلاقوش زي، ده شغليا ماما.
انا داخلة استريح شوية، ادعيلي انتي بس.
-الله يريح قلبك يا بنتي
اول ما دخلت تمددت على سريرها وقعدت تفكر هوما اكيد مش  هيعرفو طريقي مش لازم اخاف اكيد اكيد مش هفكر كثير
وفجاة تذكرت حاجة يا نهار اسود!!! cvانا نسيتو عنده، وقعدت تضرب بكف ايدها على جبهتها عدة مرات وتقول غبية غبية غبية سبتي عنده كل معلوماتك عنوانك رقم تلفونك كل حاجة
هعمل ايه دلوقتي يا ربي اكيد هيجو ياخذوني
لالا مش هيقدرو انا مش قاصر عشان يجبروني عل حاجة انا مش هسيبهم يبعدوني عن ماما وفضلت تكلم في نفسها لحد ما انفتح بابا الغرفة فجأة شهقت من الخوف.
-الله يسامحك يا سارة خضتيني.
-ايه مالك يا بنتي شفتي عفريت قدامك؟
-هههه لا يا حبيبتي كنت سرحانة بس وانتي دخلتي فجأةزي القطر.
- قطر!!! ماشي وكنتي سارحانة في ايه بقى يا جميل ولا نقول في مين؟
-لالا يا حبيبتي مش زي ما انتي فاكرة ميروحش دماغك لبعيد.
-اومال في ايه ؟اوعي تكوني زعلانة على الشغلانة زي ما امك قالتلي وانا داخلا، ثم انتي من امتى يحوق فيكي ده انتي مطرودة من نص  شركات مصر.
- ههههه ده انا في الرفض معنديش يا امه ارحميني
-امال في ايه؟
-انتي عارفة مين صاحب الشركة لي انا رحتلها النهاردة؟
-مين؟
-جواد عز الدين.
-عز الدين ؟!!!اوعي تقوليلي انه...
-اه هو. انا خايفة يا سارة
-ايه يا بنتي متقلقيش ثم هما هيعرفو طريقك منيين؟
-لا ما الفالحة صحبتك سابتcvعندهم وفي كل حاجة عني.
-وانتي يا غبية ازاي تعملي كدة.
-ما انا مكنتش اعرفه، اول ما خرجت وسالت السكرتيرة عن اسمه وقالتلي محسيتش بنفسي غير وانا اجري وجاية على هنا ولحقتش افكر في حاجة .
-طب اهدي اكيد مش هيأذوكي دول مهما كان اهلك.
-صرخت بانفعال متقوليش اهلك، انتي مش عارفة عملو في ماما ايه زمان.
-بس ...بترت كلامها لما سمعو طرق عنيف على الباب .
فتحت هالة الباب واتفاجأت بيهم اربع شباب استنجت هويتهم بسسب الشبه الكبير بينهم وبين ابوهم.
بس عملت نفسها معرفتهمش
قالت: نعم مين حضراتكم؟ وعايزين ايه؟
ضحكة عالية صدرت عن اكمل ايه معرفتيناش يا مرات ابويا 😯😯
-عرفتكم ولا لا  مش دي المشكلة عايزين ايه؟
-انتي عارفةكويس احنا عايزين ايه، احنا عايزين اختنا لي انتي هربتي بيها زمان وحرمتينا منها وحرمتي جدي من حفيدته وسيبتيه مات بحسرته.
قالت:امشو من هنا انا محدش هياخذ بنتي مني وحاولت تغلق الباب في وشهم.
لكن دفعه اكمل بكل قوة ودخلو وجواد يصرخ ياااسمين ياااسمين  ياااسمين

ايه رايكم في البارت ؟
وايه توقعاتكم للاحداث الجاية؟
رجاءا صوتو للرواية وادعموها💜💜