قصة : ( انا ولا هي ) ل سهيلة سعيد المنجي

الحلقة ١ و ٢

قصة : { #انا_ولا_هي } 🍃💚

الحلقة الأولى { ١ } 👯🏻‍♀️

*( شهر 10 ، سنة 2020 )*

( ع شط بحر ، شاب وبنت بيتمشوا سوا )
الشاب : بقولك ايه
البنت ب هزار : العب باليه 🤸🏻‍♀️
الشاب ب جدية : بتكلم جد
البنت ب استغراب : قول !
الشاب ب ابتسامة : بس متتصدميش يعني
البنت ب قلق وهي بتقف : هتعمل حاجة تضايقني ولا ايه ، متهزرش !!
الشاب : لا والله لأ
البنت ب استغراب : اومال هتصدم من ايه ؟!
الشاب : بصي طيب
البنت : باصة اهو 👀
الشاب : بصي إن ........
البنت : باصة 👀
الشاب ب زهق : ياربيييييي ، اهدي عشان اتكلم بقا 😑
البنت : طب خلاص قول اتفضل
الشاب ب تردد : هو انا فكرت كتير صراحة ، كتير اوي إني اقولك بس .......
البنت ب زهول : ايه دة انت بتفكر ، ينهار ابيض 😮
الشاب ب عصبية : ملعون ابو الي عاوز يكلمك ي شيخة 😡
البنت ب ضحك : ههههههه خلاص وربنا قول خلاص 😂
الشاب ب توتر : فصلتيني والله 😑
البنت : معلش قول
الشاب : لو قاطعتيني تاني اقسم بالله هضربك ⁦☝️⁩
البنت : مش هقاطعك تاني وربنا خلاص بقا
الشاب ب قلق : المهم إني اترددت كتير برضو ، عشان بس خايف من رد فعلك مش عشان اي حاجة تانية ، وربنا خايف اقولك عارفك مجنونة 🤦🏻‍♂️
البنت ب قلق : طب في ايه بجد ، عشان انت وترتني !!

*( فلاش بااااااااااااك )*

*( شهر 8 ، سنة 2020 )*

( جوة كلية ، شلة بنات واقفين سوا )
وردة ب تعب : ااااه مش قادرة ، البرد هيموتني يمااااا ، اااااه 🤧
سمر : الله يخربيتك اعدينا بقا !
وردة : مش قدرااااا ، حاسة إن مناخيري هتقع من وشي بجد !!
سمر : ايه الي جابك طيب م كنتي قعدتي ف البيت طلاما تعبانة كدة !
وردة : مقدرش ، لو قعدت ف البيت هتعب اكتر من كتر النوم ، مبتحركش من ع السرير اصلاً 
كريمة : طب خدتي علاج ؟
وردة : اه باخد ، وسعي شوية وسعي 😨
( تزقها من قدامها وتعطس )
سمر ب ضحك : احيه بقا ، احنا هنطلع ودي بالمنظر دة يلهوي 😂
الكل : ههههههه 😄
وردة ب عصبية : والله العطسة الجاية هتبقا ف وشكوا عشان تتريقوا كويس 😡
سمر : ههههههه خلاص هدي حالك ✋
( يقرب شاب لابس ايس كاب وكمامة وجوانتي ومعاه مناديل كتير )
ألياس وهو بيديها المناديل : امسكي 😷

*( ملحوظة .. وردة بنت جميلة ، بشرتها بيضة ، عيونها عسلي ، شعرها اسود ، قصيرة حبتين وجسمها كيرڤي ، من عيلة كويسة مادياً ، ليها اخ متجوز ، عندها ٢٠ سنة ، بتدرس ف الكلية )*

*( ملحوظة .. سمر بنت جميلة ، بشرتها خمرية ، عيونها بني ، محجبة ، طولها متوسط وجسمها مظبوط ، من عيلة كويسة مادياً ، معندهاش اخوات وبباها متوفي ، عندها ٢٠ سنة وف نفس كلية ورد )*

*( ملحوظة .. الياس شاب وسيم ، بشرته بيضة ، شعره بني ، عيونه رمادي مايلة ل اللبني ، طوله متوسط وجسمه رفيع بس رياضي ، عنده ٢١ سنة وف نفس الكلية معاهم ، من عيلة غنية مادياً وملهوش اخوات ووالده متوفي ، هو وسمر ووردة صحاب جداً ومبيتفرقوش عن بعض ف اي مكان سوا )*