قصة : ( انا ولا هي ) ل سهيلة سعيد المنجي

الحلقة ٣ و ٤

قصة : { #انا_ولا_هي } 🍃💚

الحلقة الثالثة { ٣ } 👯🏻‍♀️

( يقفل الياس )
الياس وهو بيسقف : مين ﻷ رااائع 😊👏
( سمر تبعت ل وردة برايڤت )
سمر : بت
سمر : زفتة
وردة : وي مدمازيل 😌
سمر : عاوزة اقولك حاجة
وردة : say say 💩
سمر : بس احلفي ب اغلى حاجة عندك الأول إن محدش يعرف حاجة عن الموضوع دة ، بالذات الياس
وردة ب قلق : في ايه ي بنتي ؟!
سمر : انا بحب الياس ❤
( يقف الزمن ، للحظة بس يقف الزمن ! )
وردة : بتحبي مين ؟!
سمر : الياس ي بت
وردة : اة
سمر : اة ايه تاكي اوة !
( ايد وردة بتترعش عمالة تكتب وتغلط وتمسح وتكتب م الأول )
سمر ب استغراب : رحتي فين ؟!
وردة : موجودة
وردة : دة من امتى بتحبيه ؟
سمر : من قريب صراحة ، يعني لما قربت منه اكتر ، انتوا تعرفوا بعض من فترة اما انا بقالي ست شهور اعرفكوا ، بس حبيته اوي ، بس طبعاً مش هقوله غير لما هو الي يقولي الأول
( كل دة ووردة منهارة م العياط )
سمر : ولا رأيك اقوله ولا ايه ؟
وردة : مش عارفة ، انتي شايفة ايه طيب ؟
سمر : مش عارفة برضو ، هستنى شوية يمكن هو يقول الأول ، اظن احسن لو هو الي قال الأول ، ولا ايه ؟
وردة : اكيد لو هو الي قال طبعاً
سمر ب استغراب : شيفاكي مش متحمسة يعني !!
وردة : لا انا اتفاجأت بس إنك مقلتليش طلاما من فترة يعني !
سمر : خفت تقوليله صراحة ، ع اساس إن احنا مش بنخبي حاجة ع بعض ، بس عشان كدة قلتلك برضو ، مقدرش اخبي عنك حاجة ♥️
وردة : حياتيييي ي سووو 😘
سمر : حبيبيييي ❤
وردة : بس ايه الي خلاكي تحبيه ؟!
سمر ب عشق : قولي ايه الي ميتحبش فيه ، دة كفاية عيونه لما بيبصلي بمسك نفسي بالعافية من إني اقوله انا بحبك ، سيبك من كل دة ، بصراحة كدة بيفكرني ب بابا الله يرحمه ، كان حنين اوي عليا وكان لما ابقا زعلانة يقعد يقول حاجات تضحكني ♥️
وردة ب قهرة : اة 💔
( وردة عمالة تعيط )
سمر : من ساعة بابا م اتوفى وانا محستش ب الأمان غير لما عرفتكوا ، انتي اختي الي امي مجابتهاش وهو حبيبي ، حمايتي كمان ، انا بحبكوا جنبي ، انتوا الأتنين ، بقيتوا جزء من حياتي خلاص ♥️
وردة : ربنا م يحرمنا منك ابداً ♥️
سمر : يارب ي قلبي
( تترمي وردة ع السرير تنهار م العياط ، تقوم تجري ع برة ، هما ساكنين ف بيت عيلة هما دور واخوها دور عشان بيسافر كتير ، تطلع الدور بتاع اخوها ، تخبط ع الشقة وهي منهارة م العياط )
وردة : افتحي ، افتحي ي غديييير 😣
( تفتح مرات اخوها )
غدير ب خضة : في ايه ؟!
وردة : خدته خدته خلاص خدته مني خدته
غدير ب استغراب : هي مين وخدت ايه ؟!
وردة ب قهرة : خدته ، هموووت خدته ، خدت حتة مني خدت قلبي خدته ، كرهته خلاص كرهته والله خلاص مش عوزاااااه ، مش هقوله مش هقوله خلاص 💔
غدير : اهدي بالله عليكي بس ، اهدي وفهميني !!
( تاخدها ف حضنها )
وردة ب عياط : ااااه ، ااااه هموت وربي هموت قلبي هيقف 💔
غدير ب قلق : والله هيقف بجد لو مهدتيش اهدي !!
وردة : مش قادرة ي غدير ، مش قادرة والله 😣
غدير : احكيلي حصل ايه طيب !!
( يعدي الوقت ، الياس ف اوضته ، يرن الفون بتاعه )
الياس وهو بيرد : لسة فاكرة ي واطية ي كلبة ي جزمة ي سافلة ي سهلة ي رخيصة
سمر ب زهول : اييييييه ، بوليعة وطفحت ف وشي !!
الياس : بقا تقولك مترنيش تقوليلها حاضر وتسمعي كلام الكلبة دي 😠
سمر : والله ابداً ، انا كنت بعمل حاجات
الياس : حاجات اة ، وعاوزة ايه ي خرة دلوقتي ؟
سمر ب غيظ : هعوز من وشك ايه ، انا غلطانة إني عبرتك اصلاً كتك القرف 😠
الياس : لما يقرفك
سمر : ماشي
الياس : ماشي
( يسكته )
الياس : وبعدين ؟
سمر : ايه ؟
الياس : تاكي اوة
سمر : لما يأويك
الياس : اقفلي ابت اقفلي
سمر : غور 😒
( يسكته )
الياس : همشي بويكا الصبح هتيجي ؟
سمر : والكلية ؟
الياس : مجتش ع يوم ، انا معنديش محاضرات بكرة شوفي انتي نفسك وانا هتصل ب الزفتة التانية اقولها
سمر : طيب ماشي
الياس : باي
سمر : ب .........
( يقفل ف وشها قبل م ترد )
سمر ب غيظ : ي حيوااان 😑
( عند وردة ، قاعدة مع مرات اخوها )
وردة ودموعها بتنزل : انا مش عارفة اعمل ايه ، قوليلي حل 😥
غدير : قوليلها إنك انتي كمان بتحبيه ي وردة
وردة ب خضة : لا مقدرش ﻷ ، مقدرش اقولها كدة هبقا حيوانة اوي ف نظرها !
غدير : اومال هتعملي ايه طيب ، هتسكتي ؟!
وردة ب قلة حيلة : اة هسكت ، هسكت ي غدير 😟
غدير : بس انتي بتحبيه مينفعش تسكتي !!
وردة بدموع : وهي كمان بتحبه مينفعش اتكلم ، وانا معنديش استعداد اخسرها دي اختي مش صاحبتي ، وهو كمان مش هخسره 💔
غدير : ع العموم متسبقيش الأحداث ، هو لو بيحبها كان قال من زمان صح 🤷🏻‍♀
وردة : الله اعلم ، مهي بتحبه من زمان ومقالتش غير دلوقتي !
غدير ب حيرة : انا مش عارفة اقولك ايه بصراحة !
وردة وهي بتقوم ب تعب : انا هطلع انام ، دماغي وجعاني اوي 😓
غدير : اطلعي وبكرة يحلها ربنا
وردة : يارب ، تصبحي ع خير 😔
غدير : وانتي بخير
( تطلع وردة البيت ، تدخل اوضتها تلاقي الفون بيرن ، تمسكه ، تلاقيه الياس ، قلبها يوجعها ، متردش وتنزل دموعها ، يرن تاني )
وردة وهي بترد : اييييه ي زنان انت !
الياس : مبترديش ليه ي حيوانة ؟!
وردة وهي بتمسح دموعها : نايمة ي رخم نايمة
الياس : الاهي م تقومي ي بعيدة 🤷🏻‍♂️
وردة : شكراً
الياس : همشي بويكا الصبح ، هتيجي ولا نظامك ايه ؟
وردة : عندنا كلية بكرة
الياس : مش لازم نروح بكرة
وردة : طب قلت ل سمر ؟
الياس : اة كلمتها
وردة : طب جاية ولا ايه ؟
الياس : معرفش لسة هأكد عليها ، قلت اشوفك انتي كمان
وردة : طب شوفها الأول وقولي
الياس ب انفعال : الله يحرقكوا انتوا هتلقفوني لبعض م تخلصي اوردة 🤷🏻‍♂️
وردة : طيب ماشي جاية ، قولها بس وقولي هي جاية ولا ﻷ عشان ابقا عارفة
الياس : طيب ماشي باي
( يقفل الياس ويتصل ب سمر )
سمر : الو
الياس : هتيجي ولا ايه ، انا قلت ل وردة وجاية
سمر : خلاص اشطا جاية
الياس : اشطا
سمر : هننزل امتى ؟
الياس : ع عشرة الصبح كدة تكوني عندي
سمر : طيب ماشي
الياس : تصبحي ع خير
سمر ب حب : وانت بخير ♥️
( يقفل الياس ويتصل ب وردة )
وردة : الو
الياس : ايه ، اتفقنا الساعة عشرة الصبح تمام ولا ايه ؟
وردة : اوك
الياس : مالك بقا ؟
وردة ب خضة : مالي ؟!
الياس : اتخانقتي مع اخوكي ؟
وردة : لا مصطفى لسة مرجعش اصلاً
الياس : اومال مين منكد عليكي طيب ؟
وردة ب توتر : محدش منكد عليا ، ليه بتقول كدة ؟!
الياس : اصل ولا بحة الصوت دي ولا الشنة بين كل كلمة والتانية دول م البرد عشان متقوليش برد ، انا عارف صوتك اما تكوني معيطة ي وردة ، انتي مش عشرة يوم دول ٣ سنين ، في ايه بقا ؟!
( تتنهد وردة ب ضيق )
وردة ودموعها بتتزل : مافيش حاجة 😥
الياس : لا في والله ، قوليلي مالك ، بتخبي عليا !