قصة : ( انا ولا هي ) ل سهيلة سعيد المنجي

الحلقة ١١ و ١٢

قصة : { #انا_ولا_هي } 🍃💚

الحلقة الحادية عشر { ١١ } 👯🏻‍♀️

سمر : عندك حق ، عمرك م هتعرف ، عشان هي ملت المكان الي كان المفروض انا املاه ، بس هي جواه دلوقتي ، انا ماليش لازمة 💔
( تنزل دموعها اكتر )
سمر ب عياط : بس هونت عليكوا تسيبوني كدة ، هونت عليكوا تتفقوا تعمله فيا كدة ، انتوا مفكرين انتوا كدة صحاب كويسة ، انتوا ابشع صحاب عرفتهم ، كنتوا سبتوني زي م انا ، مكنتش قلتلي وانا كمان ، كنت قلتلي ك اخت ، مكنتش حسستني إنها طالعة من قلبك ، مكنتش عشمتني فيها ك حبيب ، مكنتش خليتني ابنيلك احلام ف خيالي ، خليت كل الي بنيته خيال وحقيقة اتهد ع دماغي دلوقتي ، ليه كدة ، انا وحشة اوي كدة ، وحشة وخدت حبيب من حبيبته ، وحشة خدتك منهااااا 😣💔
( الياس مش عارف يقول ايه )
سمر ب صريخ : كملت معايا كل دة ليييييييه ، ليييييه !!
( تضربه ف صدره كذة مرة ، يحاول يهديها )
سمر وهي بتزقه : منكوا لله ، ربنا ياخدكم من حياتي مش عاوزة اعرفكم تاني ، ربنا ياخدكم 😖
( تفتح باب العربية وتنزل ، الياس قاعد ندمان ومصدوم من رد الفعل متوقعش يكون كدة ، تنزل دموعه ، ف بيت وردة ، قاعدة ف اوضتها ، يرن فونها )
وردة : الو
سمر ب عياط : انتي حيواناااا
( تتخض وردة من نبرة الصوت )
سمر ب انفعال وصريخ : انتي وهو اوسخ ناس عرفتهم ف حياتي منكم لللااااااااه 😣
( تقفل سمر ، وردة مخضوضة ومش عارفة تعمل ايه ، تتصل ب الياس )
الياس : الو
وردة : انت قلتلها ؟
الياس : اة قلتلها 😐
وردة ب انفعال : انت متخلف ليه كداااا 😧
الياس ب زعيق : عشان قلت ل امك انا مش زفت بلاستيك ، مش عوزاني عنك م عوزتيني ، بس مش هكدب ولا امثل ع حد ي وردة 😡
وردة ودموعها بتنزل : انا فكرتك حبيتها 😥
الياس : ولا حبيت ولا زفت ، انا مش عارف اتنيل احبها ك حبيبة ، مش هغصب قلبي ولا نفسي ع حاجة مش عاوزها ي ستي انا حر 🤷🏻‍♂️
وردة : انت بوظت كل حاجة بينا احنا التلاتة ، هبص ف وشها ازاي بعد الي حصل دة !!
( ميردش )
وردة : انا قلتلهالك قبل كدة إنك لو قلتلها حاجة مش هتلاقوني ف حياتكم تاني ، وانا عند كلامي دة ي الياس 💔
( تقفل وردة )
الياس ب عصبية وزعيق : غوروا ، غوروا كلكوا ، يارب خدني بقاااا 😡😓
( تعدي الأيام ومحدش فيهم بيكلم التاني ولا نت ولا فون ولا حتى ف الكلية ومش دايماً بيروحوها ، ييجي شهر رمضان ويعدي منه ايام ، الساعة عشرة بالليل ، الياس ف اوضته ، يخبط الباب )
الياس : ادخل
( تدخل مامته )
الام : عامل ايه ؟
الياس : الحمدلله
( تقعد حنبه ع السرير )
الام ب قلق : مالك اليومين دول ، حساك متضايق من حاجة !
الياس ب ابتسامة : لا ماليش ، انا فل 😊
الام : بتخبي عليا !
الياس : مقدرش
الام : انا عارفة إني مبقتش افضالك زي الأول بسبب الشغل ، بس غصب عني والله
الياس ب فهم : عارف
الام : طب قولي بقا مالك ، فضفضلي انا معاك اهو
( يبصلها ويبتسم ، تاخده ف حضنها ينام )
الام : احكيلي الي مضايقك ي قلبي !
الياس ب ارتياح : مينفعش ابقا ف حضنك واتضايق ، نسيت كل حاجة خلاص ♥️
الام : ربنا يشيل عنك اي وجع ي حبيبي ويفك ضيقتك دي ، احكيلي بقا بدل م اقوم اجيب الشمعة 🕯
الياس : ههههه لا خلاص هحكي 😄
( يحكيلها ع كل حاجة )
الام : بص ، هقولك حاجة ، عمر الحب بالذات م يكون ب الغصب ، يعني مينفعش نقول هحبه بعد الجواز ، هحبه لو ارتبطنا ، مينفعش الكلام دة ، الحب دة حاجة م القلب ، عاملة زي الماية كدة ، وصلت للشجرة وصلت ، موصلتش حاول تنسحب ب اي طريقة ، الحق قلبك قبل م يدبل 🍂
الياس : وانا لحقته 😟
الام : وهو دة الصح
الياس : بس خسرت الأتنين 💔
الام : وكسبت نفسك ، كسبت قلبك ، كسبت نفسيتك الي بتضغط عليها مع كل كلمة حب بتطلعها من بؤك وانت عارف إنها كدب ، لسانك راسمها بس عمرها م هتبقا من قلبك ابداً
الياس ب حيرة : مش عارف اعمل ايه بجد 🤦
الام : ارتاح ، ارتاح شوية وخد هدنة من اي حاجة ، ادي ل قلبك فرصة يهدى شوية ، فكر ف نفسك ، انت من ساعة م عرفتهم وانت وردة وسمر وسمر ووردة ، والياس فين طيب ؟ نفسك ليها حق عليك فكر فيها ، عشان خاطري انا
الياس ب حزن : اوك 😔
الام : فرفش كدة ، احنا داخلين ع عيد بقا 😉
الياس ب ابتسامة : حاضر 🙂
الام : عمك عازمنا عنده يومين كدة
الياس ب استغراب : ليه ؟!
الام : معرفش ، اتصل بيا بيقولي ابن اخويا واحشني ، عاوزنا نروح نقعد معاه يومين
الياس : امممم
الام : انا قلتله ماشي قلت نغير جو ، ايه رأيك نسافر بكرة ؟
الياس ب تنهيدة : اوك
( تاني يوم بعد الفطار ، يسافر الياس ومامته الصعيد يزوره عمه ، يوصل الياس ومامته ، العيلة كلها تقريباً ف استقبالهم )
مرات العم ب ترحيب : ي مرحب ي مرحب بالغاليين 🤗
العم : تعالى ف حضني ي واااد 😃
( يروح يحضنه الياس )
العم : اتوحشتك ي ابن الچزمة 🤗
( الياس يبص ل مامته وهو ماسك ضحكته )
الياس ب ضحكة مكتونة : وانت ي عمي والله 🤭
( تقرب بنت )
هدى : حمدلله ع السلامة ي واد عمي 😀
الياس وهو بيقرب عليها : هدهد عاملة ايه 😃
( يحضنها ، يمسكه شاب من قفاه ويقوم الكل مصدومين ، يتخض الياس )
الياس ب خوف : في ايه ي جدعان 😨
هدى ب احراج : ي كسوفي !
متولي : انت اتچنيت عتحضنها 😡
الياس ب استغراب : وفيها ايه مش بنت عمي !
مرات العم ل ام الياس : چرا ايه ي سلوى ، انتي معتعلميش ابنك الأصول ولا ايييه !!
الام ب توتر : ااا مافيش الكلام دة هنا ي الياس ، معلش ي جماعة انا نسيت افهمه حصل خير 😊
الياس وهو بيزق متولي : سيب بقا ي عم انت مصدقت !
متولي ب غيظ : بجولك ايه ي لب*س انت إني مش مرتاحلك 😠
( يضحك الكل )
الياس : لب*س ايه اسمي اليااااس !!
متولي : م تنجوا اسامي مسلمين 😠
الياس : حد قالك إني يهودي !
متولي : وماله محمد ولا احمد ، ولا حتى متولي ع اسمي
الياس : اوعدك اول عيل هخلفه هسميه ع اسمك 😊
( يعدي اليوم ، الساعة واحدة بالليل ، الياس ف اوضة وطبعاً مفيهاش تكييف ورايح جاي ف الأوضة هيموت م الحر ، يطلع يقف ف البلكونة يتفرج ع منظر الأراضي والجو الطبيعي ، يخبط الباب )
هدى : ي واد عمي
( يدخل الياس الأوضة )
الياس : تعالي ي هدهد
( تدخل هدى )
هدى : يلا السحور چاهز
الياس ب استغراب : بتتسحره بدري كدة !
هدى : لا ولا بدري ولا حاچة ، بس عبال م العيلة بتتچمع بيكون الوجت فات ، يلا هم
الياس : اوك جاي
( يتجمع الكل ع السفرة يتسحره ، ضحك وهزار وأكل وجو يحبه الياس جداً ، يبعده شوية عن الي هو فيه ، تاني يوم ، تدق الساعة واحدة الضهر ، الياس ف سابع نومة ، يخبط باب الأوضة ، يصحى الياس مفتح عينه بالعافية )
الياس : اييييه 😞
( يدخل ابن عمه )
ناصر : هم ي واد عمي بجينا الضهر !
الياس ب نعاس : سيبني بس ي ناصر ، لسة المغرب مأذنش 😞
ناصر ب استغراب : مغرب ايه ، انت هتجوم المغرب ؟!