نوفيلا " ديجا " كاملة ✔

البارت الثالث

_انسة ديجا انا جاسر صديق النقيب يحيي محمود البدراني ، اكيد هو فهم حضرتك انى بإنتظارك ..!

ردت تاليا بهدوء وتهذيب :-

-ايوه النقيب يحيي بلغنى ان هيبقي فيه حد بإنتظارى ، هيوصلنى المكان اللى هقعد فيه وهيكون معايا اغلب الوقت ..!

تحدث جاسر بلهجة عملية واردفت :-

_طب اتفضلي حضرتك معايا ، اوصلك للبيت ترتاحى وبعد كده هفهمك الأمور هتمشي ازاى ...!

خرج معا من المطار ، فتح سيارته واجلسها بجواره ثم تحرك بعيدا عن ذلك المكان ، ولم ينتبه احد لذاك الشخص الذي كان يراقبها من بعيد ويكاد يشتعل غيظا من حديثها مع احدهم ، فاق ع صوت احدهم يتحدث باللغة الايطالية :-

"هكتب الكلام مترجم عشان ضعيفة شوية ف الايطالى "😇

_سيدى ، السائق بإنتظارك ..!

اردف هو وعيناه لا تفارق المكان التى رحلت منه السيارة :-

_حسنا حسنا ..!

وسار تجاه تلك السيارة التى كانت بإنتظاره وعقله يرفض التفكير سوى بتلك الفتاة ...!

سألته بنبرة يشوبها الخجل قليلا حيث قالت :-

_جاسر ، لو تسمحلى اقولك جاسر ع طول ..!

ابتسم جاسر فى حبور وتحدث :-

_طبعا ، مفيش مشكلة ، ايه بقا السؤال اللى انتى عايزة تسأليه ..!

تحدثت تاليا بهدوء وبنبرة جدية :-

_حضرتك مستقر هنا فى ايطاليا ولا ايه ، اصل حضرتك بتتكلم مصري كويس ..!

تحدث جاسر بإهتمام وهو يردف :-

_انا مصري إيطالي الجنسية ، اتولدت فى مصر لأب مصرى وأم ايطالية ، الأب كان فى مهمة تبع شغله فى ايطاليا واتعرف ع أمى بالصدفة ، اعجبوا ببعض وقرروا يتجوزوا ، حملت فيا وقرروا الاتنين ينزلوا مصر وفعلا نزلوا مصر واتولدت انا واخدوا الجنسية ، وبعد كل ده ابويا عرف انها شغالة مع المافيا الايطالية ، لما عرفوا انها كارت محروق اتكشف قتلوها ، واتحول فى شغله للتحقيق ،
كان ضابط فى المخابرات المصرية وجه ايطاليا لمهمة محددة وبعد ما خلصها اقنع امى انها تسافر ،  المافيا الايطالية قدرت توصلى وخطفتنى وفهمونى كل ده أن ابويا قتل امى وقدروا يزرعوا نقطة الإنتقام جوايا ، قدروا يخلونى اخد الجنسية كان عمرى وقتها 15 سنة ، سنين كتير مرت ومرة بعد مرة اشتغلت معاهم ووثقوا فيا ، لحد ما وقع تحت ايدي اوراق لعمليات الاغتيالات اللى عملوها طول السنين اللى فاتت ، وكان من ضمنهم أمى ، اتواصلت مع السفارة المصرية بحكم انى معايا الجنسية وقدروا يوصلونى لقاعدة المخابرات وانا يعتبر حلقة الوصل بينهم وببلغهم بكل الاخبار فى الاول كانوا شاكيين فيا لكن دلوقتي انا موضع ثقة عندهم ، وكل العمليات الإرهابية اللي فشلت كانت بسببي انا ..!