غزل:تيم امتى بنزوجوك ونفرحوا فيك
أدم:والله حقا قريب تشيب
غزل:ههههههههه
اما تيم كان عقله كلله مع جوان
غزل: تيمم تيمم
تيم:شنفي شن تبي ي خرا
غزل:وين كنت؟؟
تيم:مالكش علاقه هيا عدي تمرقدي
غزل وقفت وجت بتمشي جاها اتصال
تيم وادم شبحولها بإستغراب!!
غزل بتوتر:هههه اكيد وحده من صحباتي
وشبحت الفون لقتها جوان ...
غزل :جوااان
تيم:خيرها خيرها
غزل:ردددي عليها بسرعهه
ادم وغزل شبحولهه بمعنى خيرك؟؟،
غزل:الوو جوني
جوان وهيا تشهق:غغ ززلل
تيم :افتحي المكبر
جوان: غ غ زل وينك ك
غزل :حبيبتي خيررك
جوان وهيا ترعش: قرييءءيب مسكننءءي غ غ زلل انا خاءءيفه
غزل:ي....
تيم: جوان مااتخافيشش واطلعي مننه الحوش تووه
جوان اول ماسمعت صوت تيم سكرت...
تيم خذى التلفون من غزل:جوان جوان
غزل: سككرت
أدم كان ساند روحهه ع الحيط ويفكرر
"هل يمكن انه انس يأذي بنته؟؟لو عرف انها تتجسس عليه؟؟او لو عرف انها متعاونه مع الشرطه؟؟"
________________________
جوان اول ماسكرت مشت دارت حمام وهيا تبكي اول ماطلعت رقدت طوول
اما لليان كانت في غرفتها وتقرى
في الصبح⛅⛅:
سلوى طقت ع باب جوان مرتين ومافيش رد اول ماخشت ماالقتش جوان بالغرفه؟؟
لليان:خير شن في؟
سلوى:ااا مافي ش..
لليان:سلوىى بابا بس اللي يمشي عليه كلامك مش عليا اناااا...قولي شنفي
سلوى نزلت رأسها :جوان مش في غرفتها
لليان:ك ككيف؟؟
سلوى: جوان مش في غرفتها دورت عليها ماالقيتهاش
لليان:وين طلعت هاذي اليوم جمعهه؟؟
سلوى:نستأذنبك بنعدي نضم
لليان :امبههه
______________________
نعيمه:بسس انوس لازم تقوللهم بناتك عشان ماينصدموش بعدين ...
انس:اككيد توه نقوللهم بس توه انتي اسمعي الكلام ومااتقوليش شئ
نعيمه: ااككيد بنسمع كلامك ياتاج رأسي
انس ابتسم
"نعيمه كانت وحده من زوجات انس ،نعيمه ماعندهاش خوت ولا خوات ولا اب ولا ام،عمرها في39،كانت شخصيه مسرع ماينضحك عليها وبتاع فلوس "
انس:هيا اني بنتوكل.
نعيمه:يلا فأمان الله
انس طلع من نعيمه مشى جري لوصال
انس: طق طق
وصال:اخخيرا جبت
انس: خير الناس تقول
وصال: خير شنو لك شهر مش باينن
انس ولله اشغال ولله ماني لاقية وقت بيش نحكك راسي
وصال شبحتله من فوق التحت
"وصال مرته الاوله بعد ام جوان ،كان عنرها في40,وكانت مرأه شخصيتهاعصبيه ومستحمله عشان انس وفولسه
_______________________
"رقدت واني نكتب🙊ههههه خنكملوا"
كانت جوان مقعمزه ع ااشط وكلمت غزل اتجيها..
غزل:جوونيييي
جوان:غغززل🥺
غزل: خخيرك حبيبتي شن صارلك امس
"وقعدت جوان تحكيلها اللي صار"
جوان :بس انا حنلقى حلل..حنلقى حلل
غزل: كيف؟؟
جوان:نذكر مره شبحت بابا يسكر في خزنه عنده بالمكتب اككيد فيها شئ يفيد
غزل:ايي....بس افطني لروحكك غزلل هلبااا
جوان:مااتخافيش نحس في روحي كل مره نتقوى اكثر من المره اللي قبلها..
غزل: طالمه هكي.....انا ارتحت
جوان:ابتسمتلها
غزل:ايي شن رأيك تباتي عندي اليوم؟؟
جوان:انتي اللي تعاليي...ومنها انا بنشوف الخزنه الليله
غزل: بسس تيم مش حيخليني
جوان: انا حنحكيله..
غزل:اوك
وقعدن يفضفضن لبعضهن♥️
_____________________
ادم:صباح الخير عمتي
ام تيم :صباح النور وليدي..كيف حالك
ادم: والله الحمدلله...كيف حالك انتي وشن اخبارك
ام تيم:نشكروا الله بخير
ادم:دومها دومها...وين تيم؟؟
ام تيم:مزال راقد توه نعدي ننوضه
ادم: لا عمتي تعب عليكك ..انا توه ننوضه
ام تيم:تمام الله يرضى ععليك
ركب ادم لتيم ولقاه في سابع نومهه
ادم خذاه طنجرة اكل وقعد يغني ويصفق:شكلك عصلايه ديما...حصلتي سمح التبسيمه.....سلم بونا اللي ربانا يجري كيف الجيش ورانا...ياسعد اللي ناسب هلنا يغرف في الكاشيك عسلنا🙊💃💃
ناض تيم زي المخلوع:شنفي شنفي غغغزل زوجتوها منغير مانندريي؟؟؟؟
ادم قعد يضحك:لالا غير نوتي لعرسك
ناض تيم خش الحمام وقربع الباب اما آدم كملها ضحك....
طلع تيم لابس سروال جينز مع سوريه سوده وسبيدروا اسود
آدم:اححح😂
تيم:خير شن قصتك انته اليوم
آدم قعد يشبحله بحب:كبدت
تيم ضربه بالمخده وآدم طلع وهوه يضحك
نزلوا الزوز فطوروا وطولل للخدمه
اول ماوصلوا تيم وآدم لقوا جوان وغزل يستنوا فيهم
تيم+آدم:صباح الخير
جوان+غزل:صباح النور
تيم:كنت بنكلمك الحمدلله اللي جيتي
جوان:اه ايي ...انا جيت عشان نكلمك ع غزل
تيم:خخيرها؟؟
جوان نبيها تبات عندي اليوم!!!
تيم:ششنو ،نبيها تبات عنديي؟
جوان :ايي
تيم:للأ
جوان: باللهي اعليكك اليوم بسس
تيم شبحلها بحده:انا اختي ماترقدش في حوش قاتلل
جوان حست كأنه حسد غرزله موس ع قلبها💔لأنها كل ماتبي تنسى تتذكر من جديدد
اما آدم فنص في تيم
جوان مشت جرري لسيارتها وهيا غارقه في الدمووع
_____________________
في الليل:-
تعشوا البنات مع انس وكل واحد فيهم قالب وجهه ومش في مزاجهه
جت الساعهه2في الليل جوان استنت استنت لحتى سمعت غرفة بوها تسكرت وهوه رقد طلعت جري بخطوات رقيقه فتحت مكتب بوها،اللي ماعمرها فكرت اتجي شوره،بإختصار مكانش مهم للدرجه هذي زي وقتهاا،اول ماخشت شافت مناضر غريبه يعني كان مكتب عادي لاكن لما تتعمقي فيه تلقي حاجات اثريه هلبا وصور وكان شبه ديما مضلمم
لاكن جوان ماشغلتش بالها هلبا بيه وتوجهت للخزانه بسرعههه فتحتها ولقتها برمزز.....
"كان قلبي يخفق يخفق ،بطريقه غريبه،
وكان الخوف محتويني!!اول مره نخاف بطريقه هذي،وياريت من غريب من بابا!!اللي رباني وتعب بتربيتيي،خفت منه،كرهته تعاونت مع الشرطه ضدهه"
فتحت الخزنه وقعدت نفكر في الرموز شن ممكن تقعد درت عيد ميلادي وعيد ميلاد اختي وعيد ميلاد بابا وماما ودرت هلبا ارقام مألووفه ومافيش فايده!!لحتى جتني فكره لاكن قلت مستحيل شن تخرطي انتي جوانن،بعدين قلت عادي التجربهه مش غلط كتبته ايي كتبت تاريخ وفاتت ماما...واهني كانت الصدمهه ،الخزنه فتحتت💔...رغمانه الخزنه فتحت وفيها مليون دليل ع بابا بس شغل بالي سؤال واححدد ،لليش يوم وفاتهاا ليش مش عيد زواجهم اوعيد ميلادهااا،وقف بالي التفكيرر الخوف انه حد يمسكنيي جريت بسرعه بناخذ نص الاوراق والفيديوها ونحس بحد مسكنيي من كتفيي.....😨
______________________
آدم:لليش قلتلها هككي يخرااا
تيم:قصدي سفت شن طلبت منني بككل صحت وجهه
آدم: ماانضنيش حيقتلها هوه رااه قبل مااتجي انته كانت غزل ديما عند جوان
تيم:مااتذكرنيش باللهي
غزل:هاي..
تيم :خوذلك...شن جيبك انتتييي
غزل: جيت نحكيلك انك ماعندكش مشااعر وربببي تاففهه حقير
آدم قعد ماسكك الضحكهه
تيم:ش شششنيي مااسمعتش كويس وجي ماسكها من شعرها
غزل قالت بسرعه:جواان اليوم حتخاطر بروحهااا وتخش لمكتب بوها ادور ع دليللل
تيم سيب غزل وقعد مصدوم هوه وآدم..
فنفس الوقت جاته رساله شبحلها وهوه مصدوم .....😨😨
______________________
هذي حلقة اليوممم ياحبايبي♥️رأيكم؟
من اللي شد وتين من خلف؟؟وهل في قصه وراه تاريخ وفاة امم جوان؟؟وشن نوع الرساله اللي جت لتيم؟؟!وليش انصدمم؟؟؟.....كلله حنعرفوه بالحلقات الجايه♥️تفاااعلووووووووووو ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
جريمة _الماضي
Mystery / Thrillerعائله متكونه من بنتين والأب جوان ولليان اخوات🤞♥️جوان عمرها20سنه اما لليان22..وابوهم انس اما الام ف توفت من لما كان عمر جوان6سنوات .....في الروايه هذي حيكون في جريمات متتعدده وحيكون في مجرم وقاتل ومقتول وحنتعايشوا جو التحقيق والمغامره والخيانه وال...
