قاموا لغرفهم ليناموا.
مطر لليث:مش هتنام انت تعبان.
ليث:انا جعان مش عايز انام دلوقتي.
نهضت ايمان:طب انا هروح اشوف نجاه خلصت الاكل ولا لسه.
ثم تركتهم وذهبت للمطبخ.
كارمن:وانا هروح ارتاح شويه.
ثم ذهبت.
مطر وهي تأخذ عشق من ليث:روح ارتاح شويه ولما الغدا يخلص هقولك.
ليث:اوك.
نهض ليث وذهب لغرفته بينما نهضت مطر وذهبت لايمان.
ايمان:ليث فين.
مطر :طلع يرتاح.
ايمان:طب الاكل جهز.
مطر :اوك... ثم نظرت لعشق:عشق اطلعي اصحي بابا واونكل باسل واونكل اسر.
باسل بنعاس من خلفهم:باسل اهو.
عشق:اونكل باسل شيلني.
حملها باسل.
مطر:امال فين اسر.
كارمن:مش راضي يصحي.
ايمان:طب اطلعي يا مطر صحي ليث.
مطر:حاضر.
ذهبت مطر للغرفه.
في الغرفه.
جلست مطر بجوار ليث.
مطر:ليث اصحي الاكل جهز.
قام ليث ببطئ ونزل مع مطر.
ليث وهو يجلس :هو اسر فين.
ايمان:نايم وكارمن بعد ما تاكل هتطلعله الاكل فوق.
كارمن بهمس لمطر:اشمعنا انا يعني.
مطر:عشان انتي مراته.
كارمن:وانتي اخته.
مطر:مليش دعوه انتي مراته ووتتحميلي شويه.
كارمن:يوه.
بعد مده انتهي الجميع من الطعام وصعدوا لغرفهم.
»»$»»$»»$»»$»»$»»$»»$
في غرفه باسل.
كان يجلس علي الفراش بملل ثم تذكر نور.
امسك هاتفه ورن عليها.
»»$»»$»»$»»$»»$»»$»»$
في منزل نور.
في غرفتها.
كانت تجلس علي الفراش بملل.
قاطع مللها صوت رنين الهاتف.
فتحت الهاتف.
نور:الو مين معايا.
باسل:انا باسل.
نور:ازيك يا باسل.
باسل:الحمدلله.
نور:عايز ايه.
باسل:عايز اقابلك.
نور:لاء.
باسل:انتي كل حاجه لاء.
نور:مش كفايه انك بتكلمني ولو بابا عرف هيزعقلي.
باسل:خلاص يا نور انا اصلا كنت قاعد زهقان فقولت اكلمك شويه بس انتي باين عليكي انك مش عايزه تكلمينى.
نور:مش قصدي......
قاطعها باسل:خلاص يا نور معدش في مبرر وعلي فكره انا عمري كلمت بنت اصلا وانتي اول واحده اتكلم معاها اصلا فمتاخديش عني فكره اني بتاع بنات...واسف لو ازعجتك...سلام.
اغلق الهاتف قبل ان يسمع ردها.
نظرت نور للهاتف والدموع تنهمر علي وجنتها. دخلت احسان للاطمئنان عليها.
احسان بخضه:في ايه يا نور بتعيطي ليه في حد زعلك.
نور بكذب وهي تمسح دموعها :مفيش يا ماما دا في واحد بيعاكس وانا اضايقت.
احسان:بيعاكس تلقيه عايز يتجوزك وانتي بتصديه.... يا بت انتي كبرتي ولازم تتجوزي بقي.
نور:يوه يا ماما هو كل يوم نفس الكلام ده... انتي ليه مش مقتنعة انا عايزه اتجوز عن حب مش جواز وخلاص.
احسان:حب ايه وزفت ايه احنا اخدنا ايه من الحب... زمان كان العريس اول ما يجي نشوف هو مناسب ولا لاء ونجوزها علي طول من غير ما ناخد رأيها ولا حتي تشوفه ولا الحب دا ومفيش حاجه اسمها طلاق اما دلوقتي بقي بيتجوزوا عن حب وبعد الجواز بشهرين يطلقها.
نور:حاضر يا ماما لما يجي عريس مناسب هوافق.
احسان بفضول:قوليلي بتعيطي ليه.
نور:انا وصديقي اتخانقنا.
احسان بفضول اكبر:اسمه ايه.
نور بزهق:اسمه باسل حاجه تانيه يا ماما.
احسان:اه تعالي عشان تحطي الاكل.
نور:لاء انا عايزه اقعد هنا.
احسان:تعالي يا بتاعة باسل بدل ما اقول لابوكي.
نور بنفاذ الصبر:بدأنا.
نزلت نور مع والدتها لتحضر الطعام.
»»$»»$»»$»»$»»$»»$»»$
في غرفه كارمن.
