دخل ليث ومعه اسر وباسل وكارمن.
ليث:نجلاء انتي يا نجلاء.
جاءت نجلاء مهرولا اليه:ايوه يا بيه.
ليث:فين مطر وماما.
نزلت ايمان:انت جيت يا حبيبي.
ليث:اه يا امي.
ايمان :مين دول يا ليث.
ليث:هقولك بعدين.. مطر فين.
ايمان بخبث:تعبت فطلعت الاوضه.
ليث بقلق:تعبت مالها.
ايمان:تعبانه يا ليث زي اي واحده حامل تعبت عادي.
ليث:نجلاء روحي شوفي مطر مالها وقوليلها تنزل.
نجلاء :امرك يا بيه.
صعدت لغرفه مطر لكي تخبرها بما امرها به ليث.
بعد مده نزلت مطر.
كانوا قد جلسوا علي غرفه الاستراحه.
جلست بجوار ليث وهمست في اذنه:مين دول. ليث بهمس:هقولك بعدين.
ليث:دنيا وسيف واولاد فين.
مطر:راحوا لاهل سيف.
ايمان:بما اننا عيله مع بعض فعايزه اسالك سؤال يا ليث.
ليث:اسألي.
ايمان:لما سألت مطر مالكوا قالتلي مفيش.
ليث متصنع الغباء:فين السؤال.
ايمان:السؤال انه انت ومطر مالكوا.
ليث باختصار:انا ومطر هنتطلق.
صدم الجميع من اجابته ماعدا مطر وايمان.
مطر نظرت له ببرود لكن ايمان يأست لانه قال نفس اجابه مطر.
ايمان: وابنكوا.
ليث ببرود:مالو.
ايمان بغضب:ممكن تبطل البرود دا.
لتتابع:انتوا فكرتوا في نفسكوا ومفكرتوش في ابنكوا الي هيتمرمط بينكوا الي هيكون محتاج اب وام متفاهمين مش اب وام مطلقين لو الحل الطلاق دا هيريحكوا فمش هيريح ابنكوا انتو دلوقتي متجوزين يعني المفروض انكوا تكونوا قد المسؤليه الجواز مش لعبه تتجوزوا وقت ما تحبوا وتطلقوا وقت ما تحبوا وعيالكوا يحتاروا بينكوا انا مربياك عشان تبقي اب بجد قد المسؤليه خايف علي عياله زي ما ابوه كان بيخاف عليه مش اب مهمل زيك يا خساره تربيتي فيك يا ليث.
نظر ليث الي الارض بخجل من كلام والدته عنه وايضا مطر نظرت للارض بخجل لانها من تسببت في سماع زوجها هذا الكلام المؤلم ولانها من طلبت الطلاق وليس هو وكل هذا من اجل حمايتها من الموت.
بينما حزن اسر وباسل وكارمن من اجل هذان الاثنين الذان سوف يبتعدا عن بعضهما.
قام ليث واتجه الي والدته وقبل يديها:اسف يا امي.
وكذلك مطر قبلت يديها :اسفه لان انا الي طلبت الطلاق.
ايمان بحنان:علي فكره يا مطر حرام تطلبي من جوزك الطلاق عشان كده بتنكري فضله والرسول حرم كدا ولو سجدي لحد تاني غير ربنا فتسجدي لجوزك.
مطر بابتسامه :شكرا علي المعلومه دي يا ماما.
ايمان:هو مين يا مطر الي رباكي.
مطر:جارتنا.
ايمان:اسمها ايه يعني.
مطر:اسمها فريده ومتجوزه ابراهيم الحسيني. ايمان:هو جاركوا.
مطر:اه في ايه يا ماما.
ليث:ابراهيم الحسيني عمي بس في ظروف خالتنا نتفرق وهو ابو سيف جوز دنيا.
مطر:اممم.
باسل باحراج:لو سمحت يا اونكل عايز انام.
اسر لكي لا يزيد من احراج صديقه:وانا كمان.
ليث وهو ينهض:تعالي اوريك اوضتك فين.
احتضن اسر باسل:اوضه مين دا هينام حضني. ليث: لاء.
ايمان:ليه يا ليث سبهم.
ليث:عليهم مدرسه بكره وهيسهروا يا امي.
باسل بمرح:عندي عذري امي ماتت.
اسر:كح كح كح انا تعبان وعندي برد مش هقدر اروح المدرسه.
ليث :اطلع يلا علي فوق .
فروا بخوف الي غرفه اسر.
مطر:يلا يا كارمن هطلعك اوضتك.
كارمن:يلا.
ذهبوا الي غرفه ما ودخلوا.
مطر:يا ريت الاوضه تعجبك.
كارمن:عجبتني جدا.
مطر:تصبحي علي خير.
كارمن:وانتي من اهله.
خرجت مطر وذهبت الي غرفتها.
رأت ليث يجلس علي الفراش ينتظرها.
قام ليث واقترب منها وهي تبتعد حتي التصقت في الحائط وحاصرها بيديه.
ليث:ينفع كده.
مطر بعدم فهم:كدا ايه.
ليث:انك تروحي لكارمن وتتأخري.
مطر:انا متأخرتش.
ليث:بجد.
مطر:بجد.
ليث:طب جهزي هدوم عشان هاخد دوش.
دخل المرحاض واخرجت مطر ملابس له من الدولاب ولها ايضا.
خرج ليث ودخلت هي وبعد مده خرجت.
مددوا علي الفراش،غاص ليث في النوم علي عكس مطر لم تستطيع النوم قامت من علي الفراش وارتدت اسدال الصلاه ومنامه لكارمن واتجهت لغرفه اسر وكارمن للاطمئنان عليهم.
»»$»»$»»$»»$»»$»»$»»$
في غرفه اسر.
