Unicode :
သူတို့တွေ အတန်ကြာအောင် ပွေ့ဖက်ထားခဲ့ကြသည်။ Jungkook အငိုတိတ်သွားတဲ့ အချိန်မှာ Jimin က ခပ်တိုးတိုး ပြောလေသည်။
" ဘာလို့ တုန်နေသေးတာလဲ။ စိတ်လှုပ်ရှားနေတုန်းလား "
" အင်း "
Jungkook စိတ်တွေပိုပြီး ငြိမ်သွားတဲ့ အခါမှာတော့ Jimin ကို စကားတွေ အများကြီးပြောဖြစ်ခဲ့ပါတယ်။ သူဘာကြောင့် တွေ့ဖို့မဖြစ်နိုင်တော့ဘူးလို့ပြောတယ်ဆိုတဲ့ အကြောင်းရယ် ယခု သူခံစားနေရသမျှ အရာအားလုံးရယ်ပေါ့။
" အခု အရွယ်ရောက်ခြင်းအတွက် လူသွေးသောက်ပြီးပြီမလား "
အနည်းငယ်စိတ်မကြည်သေးတဲ့ Jungkook ရဲ့ ပါးလေးနှစ်ဖက်ကို သူ့လက်ဖောင်းဖောင်းလေးနဲ့ အုပ်မိုးကိုင်ရင်း မေးလိုက်တဲ့ Jimin
" အင်း...."
" ဒါဆို ဘာတွေကို ကြောက်နေသေးလဲကွာ "
Vampire တွေက လူသားတွေနဲ့ အတူတူနေလို့မရဘူး သား .....
သူဒီကို ထွက်မလာခင်က သူ့ အဖေပြောလိုက်တဲ့ စကားတွေသာ သူ့နားထဲမှာ ဝေ့ဝဲနေသည်။
" အဲ့ဒါက ...."
ထိုစကားတွေကြောင့် Jungkook ထပ်မံပြီး မျက်ရည်တွေ တာကျိုးလာရပြန်သည်။
" ဟင် မင်းထပ်ငိုပြန်ပြီ။ ဘာလို့လဲကွာ "
Jimin က ခပ်ဖွဖွရေရွတ်လိုက်တော့ Jungkook က Jimin ကိုယ်လေးကို သူ့ရင်ခွင်ကျယ်ကြီးထဲ အတင်းသိမ်းကျုံးထည့်ထားကာ ဖက်လိုက်လေသည်။
" Aigoo....ငါ့ရဲ့ ကလေးဆိုးလေး။ မင်းက ကြောက်နေတုန်းပဲလား။ ဒါဆို ငါတို့ ဘာဆက်လုပ်ကြမလဲဟင် "
Jungkook ဆီက ပြန်ဖြေတဲ့ စကားမကြားရတာကြောင့် Jimin ဘက်ကပဲ ဆက်ပြောရလေသည်။
" ငါတို့ ကတိတစ်ခုလုပ်ကြမလား "
တက်တက်ကြွကြွလေး ပြောလိုက်တော့ Jungkook က Jimin ကို ဖက်လျက်သားလေး ပြန်တုံ့ပြန်လာလေသည်။
" ဘာလဲ Jimin-ssi...? "
Jungkook ဆီက Jimin-ssi ဆိုတဲ့ နာမ်စားလေးကို သူတစ်ခါမှ မကြားဖူးတာကြောင့် ခပ်ဖွဖွရယ်ပြီးမှ စကားဆက်လေသည်။
YOU ARE READING
› W i n t e r F l o w e r ‹ || KM || {Completed}
Romance( Unicode + Zawgyi ) Twitter ပေါ်မှာ နာမည်ကြီးတဲ့ Jikook fanart artist တစ်ယောက်ရဲ့ Vampire AU လေးကို Fiction တစ်ပုဒ်အနေနဲ့ ဖန်တီးခြင်းသာ ။ Twitter ေပၚမွာ နာမည္ႀကီးတဲ့ Jikook fanart artist တစ္ေယာက္ရဲ႕ Vampire AU ေလးကို Fiction တစ္ပုဒ္အေနနဲ႕ ဖန္တီးျခ...
