عشق الامير

البارت الخامس

......
بعد ماراح خالو اجه بابا ورزلني بعدين كال بابا اني لمصلحتج حجيت يعني لو يصير مشكله شلون... .... راد يكمل ندكت الباب فتحتهه وطب عمي كفخني

فاطمه ...... ضليت صافنه عليه ودموعي تنزل اني بابا شكد عصبي بس ابد ميمد ايده عليه يعني يتعارك وياي ومرات اتنازل حته ما انكتل ابد ماواصله مرحله الضرب  يعني ابويه مضاربني وهسه عمي وابنه يمدون ايدهم عليه ...

واجه مصطفى ... همين اني طبكت الباب بوجهم ودخلت اركض لغرفتي سديتهه وكعدت امي تصيح تريد تفهم وهمه طبو صياح وغلط عليه وعله بابا شويه وهدئو ... نزلت لكيت بابا مدد بالكاع وامي تبجي ماما شكو فهميني ... كالت ابوج لحكي رح يموت ......
الدنيا وكفت للحضات ماعرفت شسوي اني بهيج مواقف اضل صافنه بعدين استوعب ... رأسا دكيت ع معتز لانه كال عنده شغل اليوم بالكوت معامله
وكتله خالو الحكني ..... همين نص ساعه يله اجه
.....
احنه بيتنه بنص عمامي يعني بابا بالنص وعمامي 2 منا و2 منا وعماتي بيوتهن بالافرع نفس المنطقه
محد بيهم وصلنه وكال ليش دتصيحون وامي حامل حاليا شهر 2 وموزين عليهه هيج مواقف بس محد بيهم كال خاف اخويه بيه شي هوه عنده سكر
.....
المهم اجه خالو ونقلنا  للمستشفى الجبيره مال الكوت وضلينه ننتظر الدكتور
......
اول ماطلع كال هاي جلطه بدائيه يعني موزين عليه اعصاب ولا نقاشات حاده لانه احتمال نخسره
......
اخذنه العلاج ورجعنه للبيت ... نيمناه واني حظرت ملابسي ... لانه بابا مريض الله واعلم شيسوي هذاك بيه وخاف يجي وكلشي يصير اخذني معتز ورحنه
لكيت خالو جايب حوراء ودتنظف البيت
... خاف نسيتو البيت بس من نريد نجتمع بيه ندخله ف اني صالي هواي مرايحه ف البيت محد بيه وهسه هيه جاي تنظف لانه متروك ....

دخلت وحجيت ويا وهوه كال الله كريم انتي خليج هنانه لترحين كتله ماشي
......

ساعه واجه بسام وعباس وكالعاده شغلنه الديجي وركص وغنه علما تعبنه .... كل واحد بينه همومه فوك راسه بس من نجتمع ننساهه او نتناساهه
وضحك وركص علما نتعب ومقالب وعركات اشكال ههه 😍😍

........كاعدين جان خابر غفار صديق عباس

فاطمه ... دك التلفون وكام يحجي تركي .. تذكرت صديقه غفار هذا من احنه صغار يجي يلعب ويانه بس اهله سافرو وبعد محد تواصل ويا بس عباس
المهم سده ويا وكال هذا جاي ومتيه وواكف بالكراج كلشي ميعرف لانه اصلا ميفتهم عربي صاله فتره بالخارج ....
كتله ايييي جتي والله جابهه كوم
لبست اني ...تلبيسه كابوي وقميص ابيض وحذاء جوزي .... (بالكوت البس حت عبايه صح اني لابستهه اجباري عني بس بابا من نروح لبغداد يكول بكيفج لانه يدري خوالي اذا اكو احد حجه ويايه يكسرو المهم يعني مسموح البس هيج لبس )...
........ غير مكان ...

امير .... بعد ماطلعت من المستشفى وكلني امل اعرف هذاك الولد (مصطفى )شبيه لانه عندي فضول اعرف هاي البنيه شتصير منه واحساسي هيه مسويه بيه هيج زين شنو السبب ضليت افكر اخير شي رحت لدوامي وبديت اشتغل .. بس مانسيت الموضوع وهاي البنيه شغلتهه مو خاليه معقوله اكو شي .. اهووو امير شعليك اسكت وكمل شغلك .. شنو شعليك غير هذا شغلي ا .... ودخل
امجد صديقي .. كال ها شو اليوم تحجي ويه نفسك شنو معقوله امير واكع بالحب