عشق الامير

بارت 17

مرحبااااا .... ادعمو القصه بالتصويت اذا عجبتكم

....

امير .. بعد ماحجيت وياهه وحظرتني ضليت بالبصره لحد نهايه الامتحانات والدي كال نروح زياره .. صراحه وافقه لانه صار فتره مارايح للنجف

والصراحه اكثر من يومين قريت ع الكروب عباس رح ياخذ فاطمه ويرحون .. بلكي اشوفهه شتاقيتلهه اوووووف 😥😥تعبت من هالشي ..

حددت موعد بنفس اليوم اللي رح تروح بي فاطمه  ويانه مهند وسما ومرت ابويه .. وابويه ...

فاطمه .بده الدوام وامير ماكو وبلشنه امتحانات كلش افتقدته واريده يسألني شلوني وشجاوبت هففففف .. امتحنت وخلصت امتحانات هالفتره الحياه مابيهه طعم رجعنه لبغداد بس الشباب ماجوي هالايام بس اني وعباس بالبيت بسام وزهراء رح يزوجون بنهايه هالشهر .حوراء بكلوريا متكدر تجي معتز امتحانات مال كليه .. انوب . مدري شبيه هاي الفتره بس افكر بأمير

.. رحت ع عباس .. حبيبي

عباس .. ها حبي شكو

فاطمه .. مختنكه

عباس .. سوده عليه ليش

فاطمه .. لاسمالله عليك بس مدري شبيه

عباس .. يعني شنو

فاطمه .. كاعد افكر بشي ماعرف ليش

عباس .. شنو هذا الشي ..

فاطمه .. هو يصير الانسان يحب

عباس .. اي عادي

فاطمه .. يعني اني اذا حبيت عادي

عباس .. احجيلي شكو لو اكوم اكتلج

فاطمه .. لتصيح بس احس نفسي دا احب

عباس .. خوش منو هذا سعيد الحظ .. ببالي امير

فاطمه .. كائن حي يستطيع التنفس عن طريق
الرئتين .. ماردت اكول اسمه 😂😂

عباس .. يااا عبالي سمجه يتنفس بالخياشيم احجي بسرعه منو هذا 😒😒

فاطمه .. اوووف اول شي كلي اني اذا احب شلو اعرف

عباس .. 24 ساعه تفكير ونظرات وميروح من بالج وتضحكين ع ضحكه وتتغيرين علموده ..

فاطمه .. طلعت صدك عزه بعيني هسه شسوي  .. كتله هااا لالعد ماحب جوز معجبه

عباس .. بمنو ..

فاطمه .. واحد ع النت بس وين ما اروح اتخيل شكله ..

بعد 3 ايام سنويه ام عباس .. وعيد ميلاده بنفس الوقت .. ف احنه نسوي السنويه قبل ميلاده حته نحتفل براحتنه .. يعني اليوم رح نروح للنجف .. بسام وزوجته رح يجون ويانه حجينه ع الكروب
وتفقنه ورح نروح اليوم ..

رحنه زرنه اني وزهراء وبسام وعباس ويه الزلم .. دعيت اخلص من الاني بيه ..

ومن دخلنه للامام عدلت حجابي ولبست عباي .. صار هواي مالابستهه