عشق الامير

البارت 21

.....

امير .. رجعت للبيت واني طاير فرح .. بس وفاه والدي شلون ميصير افرح اله بعد السنه مالته ..

هفففف والحل شنو ..
السلام عليكم

خالتي .. عليكم السلام وليدي حمدلله ع سلامتك

امير .. الله يسلمج خالتي رايدج بموضوع

خاله .. اي يمه كول

امير .. اذا لكيت بنت الحلال تروحين تشوفيهه

خاله .. يوم السعد اللي اشوفك فرحان يمه انت شيخ لازم تتزوج ولازم تجيبلك جاهل يشيل اسمك وتريح امك وابوك بكبرهم ..

امير .. خاله لكيت البنيه .. بس هسه شلون

خاله .. هااع ساعه المباركه من باجر اروح اشوفهه شنو باجر من هسه اذا تريد بالمبارك يمه

امير .. خالتي تروحين تشوفيهه ونمشي زلم ونقرا فاتحه بعدين وره سنه ابويه نعقد

خاله .. هايهيه يمه كللللووووش

سمااا ... هلاهلا كامت تهلهل الحجيه شكو

خالتي .. وصمخ حته صمخ نزلي كولي صباح الخير

امير .. هههه هلو هلو شلونج

سما ..بخير شيخ

امير .. دومج بخير مهند وين .. هلاهلاهلا صباح الخير .. اجه ابن مرام .. علي ..

علي .. خخالوو شييخ صباح العسل ماما تكول

امير .. ههه انت العسل فدوه لعينك مراام وينج

مرام .. هله شيخ شلونك ..

امير .. حظنتني بستهه من راسهه بخير انتي شلونج

مرام .. دامك بخير اني بخير ..

امير .. رايدج بشغله

مرام .. اي كول

امير .. لا بعدين وغمزتلهه

مرام .. تأمر شوكت متريد

امير .. صعدت لمهند .. مالكيته بالغرفه صحت خالتي وين مهند

مهند .. هاي ويني شبيك تصيح من الصبح

امير .. تقربت ليكته بنص جبال كتب هاي شنو ولك

مهند .. دا ادرس متشوف

امير .. مو عطله اخذ استراحه

مهند .. لا مترهم لازم ادرس من جد وجد

امير .. ايي ومن زرع حصد اعرفهه ههههه

مهند .. ههههه اليوم الشيخ مرتاح شعلامك

امير .. لا مابيه ..

طلعت .. كمشت تلفوني ..
صباح الخير .. اميرتي نايمه .. نوم العافيه من تكعدين حاجيني لانه مشتاقلج ..
اعشقج فاطمه .. ❤💙💚..