المسار احقاد __ مكتمله__ بقلم انجيلا الخوري

الجزء السابع

#الجزء السابع #احقاد
امان:مضطرة كرمالك كرمال نفسك لان واسطات الدنياا مابتنفعك واذا بدك تنتقمي لاختك فبدك اطولي بالك ليثق فيكي وقتا منشوف اذا بدو ينتقم او لا رغم انو شايل الفكرة من بالو
ليال:انت بتعرف
امان:امين كتاب مفتوح قدامي وقت الي بدك تعرفي اي شي عنو تعالي لعندي انا بساعدك ومابتردد واذا بدك تكسبيه لاتتحدي غرورو لان مستعد يكسرك انا ماعم قلك تنسي كرامتك ابدا بس امشي عمبدأو احترمي حالك ليحترمك وانت لومابلشتي بلاول ماكان هيك عمل
ليال:قلتلو كذاب وطز
امان:ههههه منيح نفدا بلحبس تعالي هلا بتتصالحو
ليال:مابدي شوفو
امان:طيب انت لاتزعلي
حط ايدو عكتفا بجيت نارا الي شعلت نار اول ماشافتن:كيفك لياال
ليال:تمام وانت
نارا:ممتاازة بشوفتك طبعا ماشالله لحقتي تعملي رفقة وكماان مع الرائد امان فعلا نيالك
ليال:اي سيادتو طيوب
نارا:طيوب ههههه سيادتك انت طيوب شكلاا موسمعانة ولابهدلة من بهدلاتك حررام عنيااتك ليال
ليال:شوقصدك
نارا:كل خير بيبي كل خييير ماقصدت شي نيالك بهل طيووب بس انتبهي تزعليه وقتاا بتقلب الطيبة لجنان
امان:خلصتي
نارا:سوري ازعجتك عم نتناقش موهيك ليال
اطلعت ليال مستغربة من حكي نارا الي واضح انو عم تحكيه غصب عنا وعم تحاول تخفي عصبيتا
امان:متل العادة
نارا:هههه بعرف رح اطنشني والمصطلح اسمو عندك بظن زبل
امان:تماما رح ازبلك سلام ليال
راح امان واطلعت نارا بليال من فوق لتحت:نصيحة ماتقربي من هطيوب كتير
تركتا ومشت
ليال:شو هل عيلة المجانين الله لايوفقك ياوداي بليتني بكل بلوة لخبرو بكل التفاصيل قبل مايقوم قيامتي
_______________
امين:شوو
امان:تماما متل ماحكيت صار جذبتا لالي بس مافهمت شواستفدت
امين:امان رفيقي البهيم ليال من النوع النمرود مابيسكت واتوضح هل شي بحركاتا وبطريقة كلاما متل ماتوقعت رح اتأظهر عصبيتا باي وقت وانا وصلتلا الفكرة الي بدي ياها
امان:وانا لي لسايرة ساعة واقعد حدثا
امين:لانو ياحماار انا وياك خطتاا وتركيزا علينا هلا رح تصير تتوددلك لتحاول تفهم وهيك هني رح يضيعو بين فكرة انو بدي انتقم وفكرة انو لاا خلينا عم نتسلى فين عكيفنا
امان:كم مرة صرت قايلك هلفكرة ابليس مابفكر فيا
امين:تاني مرة
امان:بالله معناتا كنت فكر ماقلك اي حبيبي امينوو انت فشر ابليس قدامك
امين:هاد مدح ولاذم
امان:بظن مدح
امين:اذا هيك تسلم امانوو
امان:هلاامينوو
______________
كانت واقفة عشباك غرفتاا وعم تطلع بسما:اربع ايام مااجا علبيت شقدك مخبص لك محمود لحتاا عم تشتغل كل هلقد لي حاسة حالي بكرهك لك واادي وياترى انت مين يابو عيون سود لي قلبي رجف لما سمعت اسم امين المسار كانك نفس الشخص الي عم يجيني بلحلم ياريت اتذكرك حاسي حالي بحاجتك بس مين انت ميين
دق الباب:اتفضل
ملهم:شبو الحلو
ايلول:ولاشي عم فكر
ملهم:امممم شورايك نروح ناكل بوظة
ايلول:عنجد
ملهم:اي يالله بس البسي البيروك والعدسات
ايلول؛حااضر
ملهم:مرضية ههه
ايلول:انقلع ولاا
ملهم:لاطولي ناطر
_________________
دخل للحفلة وعيون كل الصبايا عليه كانت اناقتو والكاريزما الي بيملكا قادرة تجذب اي شخص:كيفك سيدي
نصر:والله ياامان انا بعترف انك بلمدني غير شكل
العميد:وانا بوافقك الراي ماشالله حولك
امان:عندكن عروس احكو لاتخجلو
نصر:ههههه
العميد:هههه لاتبطلا لعادتك
نصر:وهي اجاا ملك الكريزما التاني بعترف انو رفيقك احلا منك
العميد:بوافقو الراي ماشالله على امين
دخل امين وجوري الحفلة كان لابس سبور شيك وجوري فستان احمر قصير وماسكين ايدين بعض كانو كوبل لفت انظار كل الموجودين وصل امين لعندن:مسالخير
_:مسالنور
غمز امان جوري من غير ماحدا يشوفو وهي ابتسمتلو
نصر:ماشالله بتجننو
العميد:والله خايف نصيبكن بلعين التنين احلا من بعض
امين:ههههه تسلمو سيدي
امان:رفيقي احلا
نصر:امان لاتبلش بلبنت
امان:اي شوعم نكذب ليك يؤبرني على هلعيون والرموش ولاالسمار ولاا الضحكة او الطول اي شوبدو يحكي الواحد ليحكي كامل مكمل
جوري:اي اميين
امان:كيف
جوري:موانت قلت يؤبرك فعم قلك امين
فرط ضحك نصر والعميد وامين
امان:بستاهل الله لايردني لوضليت خرسان
نصر:قد ماكنت طويل لسان عند اي انثى بتخرسك بكلمة
زور امان جوري وهي عم تغيظو بضحكتا
صغر نصر:انتو بيت المسار شوبتااكلو
التفت الكل كانت داخلة نارا وامير لابس بدلة ونارا فستان زهر مفتوح من عند الصدر وضهرو كلو مبين طويل والو فتحة عند الرجل ومسرحة شعرا لورا ادنا بقي امان عم يطلع فيها من فوق لتحت ويحاول يتجاهلاا بس ماكان بارادتو كان في شي عم يتحكم فيه وبخليه يطلع فيها بتعمق قطع طريقن مجد قبل مايوصلو تركن امير وبقت واقفة هي ومجد وعم يضحكو دخلت ليال عل حفلة ولابسة فستان اسود قصير عنمط شورط وكنزة الها خيطان لونن اسود :مسالخير
رد الكل ماعدا امين
ليال:انت خطيبة سيادتو
جوري:اي اناا جوري
ليال:تشرفنا وانا ليال
حط امين ايدو عخصر جوري وشدا لجهتو :متدايقة حبيبي
جوري:لاابدا الحفلة بتجنن
العميد:انا بتشكر جيتكن لحفلة تسريحي وجودكن بيسعدني
باركولو كلن بتسريح ومجد مسك ايد نارا وصارو يرقصو ويضحكو حلل امان غرافتو وهوي متدايق بس جننتو حركة مجد لما حط ايدو عضهرا الي باين من فتحة الفستان اطلع بلكل شافن مشغولين بلحكي مشي لجهتن سحب نارا من ايدو خلال ثواني وصارت بحضن امان :سماح لسيدك
كان مجد عم يحاول يضبط حالو من كلام واستفزاز امان ابتسملو بصعوبة:تفضل سيدي
امان:مشكور بتعرفي تانغو
نارا:اي
اشر امان للي مستلم الديجي اشارة فهموها وحطو اغنية تانغو حط ايدو الاولى عخصرا وشدا وتانية مسك ايداا ورجعو اول خطوة لورا هني عم يطلعو بعيون بعض ورجعو تقدمو لفت نارا ورجعت لحضن امان نزل ايدو وهي نزلت على ايدو وعم يطلعو بعيون بعض:شوالمغزى من رقصتنا
امان:تسلاية تضيعة وقت لالي
نارا:انا موتسلايتك عم تفهم
كانت بدا تمشي بس شدا ورجع لفا لعندو وكانو عم يتابع رقص:شبكي شوحكيناا
نارا:ليك انت زودتا التزم حدودك
امان:واذا مالتزمتن شوبتعملي
نارا:لاتحكي بهل اسلوب وكاني موفهمانة عليك بدك تخبر امين خبرو واذا بدك انا بقلو بلكي بيقتلني وبرتاح
امان:لالاا هيك مومتفقين بلموت بترتاحي وانا مابدي ياكي ترتاحي ناوي جننك
نارا:اطمن جنيت ومشي الحال وعم روح ع دكتور كمان ارتحت هيك ريحت راسك
لفا لايدو وصارت قدامو وشد عخصرا لدرجة كانت اصابعو رح تخترق جسما وحكا بين سنانو:لالسا ماريحتو ومارح ريحوو لحتاا موتك بلحياة
نارا:بطلب من مجد يحميني منك
امان:مجد موشايفك غير مليكان وبس بتعرفي شوقلي انو يحطك ويتفرج عليكي بكفي وبوفي
نارا:بالله جد مذووق هلمجد عنجد هوي وملهم عندن نظرة ذوقية عاالية
امان:عادي الي رخصت حالا وقتلت بترخص حالا لشغلات تانية احترمي اسمك علقليلة
نترا من ايدو قدام الكل وتركا ورجع حاولت تبتسم وتصلح الموقف اول ماجيت عينو بعين امين نزلا فورا كان عم يطلع فيه ببرود ويزورو وهوي حافظ انو وراه هل زورة في براكين قرب منو امان وامين بعدو عذات نظرتو:كنا عم نمزح بس مافي شي
بقي عم يطلع فيه نفس النظرة وماحكا وامان متلبك وصلت نارا لعندن
امان:ناراا قليلن انو كنا عم نمزح حاج كلن مصدومين
نارا:اي هههه اكيد فهمتو غلط بس امان عم يقلي مابعرف ارقص وتناقرنا بلمزح
بقي امين عم يطلع فيهن وامان تلبك بزيادة:يييي مانك مسدق امين تعي ناروو وهي بوسة
باسا من راساا وحط ايدو عكتفاا:وهيك شوو
اطلعت نارا فيه واطلعت عايدو الي لاففا عكتفا وابتسمت من كل قلباا حركت امان الا ارادية شعلت قلب نارا
امين:انتو ادرى اي شوو بدنا نبقا هيك سيدي اسمحلو لامان يشعلاا
العميد:اذا امان بيبديلنا الحفلة فمعناهاا سهرة ولعاانة
امير:هلاا بحط سارية السواس
امان:شوعرفك
امين:اوعكك خليك محترم شوي
امان:ماشي يابتهوفن
جوري:شورايك برقصة تانغو امان
اطلع امين بجوري هوي وعم يبتسم ورافعلا حواجبوو انتبهت جوري انو زلقت حطت ايدا عرقبة امين :كل مين وشريكوو
قرب امان ودحش حالو بنص وبعدا عنو:حبيبتي امين مابيعرف تانغو
امين:مين قلك تعالي جوري
مسك ايد جوري وراحو علستيج:ضليتي ساكتة ولما حكيتي كنتي روحتينا
جوري:والله نسيت متعودة ارقص انا وامان
امين:اي انسيلي عوايدك
بدو يرقصو بكل احترافية وجوري تتحرك بخفة بين ايدين امين وكانها احترافية وليال عم تطلع فيهن وحاسة بديق
قرب امان منها:شوياحلوو
نقذت :خوفتني
امان:من قبل كانو احلا
اطلعت فيه وكانو فهمت قصدو:الله يرحما
امان:انت بتعرفي ترقصي
ليال:انا وين وتانغو وين
امان:تعالي بعلمك بس سلميني حالك
مسكت ايددو وراحو عرقصة ونارا قعدت علبار تشرب هي وعم تطلع بامان وليال كيف عم يضحكو مل امير وحب يطلع ويغير جو طلع لبرا وصار يتمشى فتح موبايلووعصور وصار يقلب بصورو هوي وميلاا فتح مقطع هني عم يضحكو ويغنوا بسيارة
_:واضح انك بتحبا كتير
التفت امير شاف مرة كبيرة بلعمر شكلا بخوف قربت وقعدت حدو:ليش افترقتو
امير:شوعرفك انو مفترقين
_:لانو كنت عم تطلع عصور وبعيونك حزن كبير لي افترقتو
امير:لانو هيك نصيبنا
_:مافيك ترمي كلشي عنصيب انتو بايدكن بتصنعو قدركن
امير:بس هلا صعب بعد 3 سنين كتير صعب نحنا هلا متل الاعداء عيلنا مابيتفقو
_:اخطفا وروحو
امير:كذبت كتيير وجرحتني كتير مافيني روح وهون في مين بحاجتي
_:لهلا ماجاوبتني بتحبا
امير:مابعرف بس شوفا بيتلخبط كل كياني انا قدست حبا بس هي خانتني قالتلي بحبك بس راحت وحملت منو وماكفاها هيك وقت التقييت فيها بتعاملني بنفسية وكاني انا السبب
_:يمكن البنت مجروحة منك اعطيها وقت
امير:هيي كذابة بدا تاثر عليي لتخليني وقف ضد امين انا سمعت كلشي
_:شوسمعت
امين:ولاشي انا مضطر روح بلاذن
تركا ومشي تنهدت المرة:الله يسعدك ويحقق الي ببالك
انتبه امان انو مجد كتير عم يقرب من نارا وهي سكرانة قرب منهن بسرعة ومسكا من ايدا:تعالي معي
نارا بسكر وتقل:ماابدي اتركنيي
مجد:بظن سمعت شوقالتلك اتركا مابدا ياك
امان:ليك انت مورايقلك روح من وجهي
مجد:انت زودتا كتير هاا
امان:لولا انو نحنا بحفلة العميد لكنت فرجيتك قيمتك اشر امان لحسكة اجا ومعو كم عسكري وقفو قبال مجد:في شي
حسكة:نحنا منسألك في شي حضرة النقيب
امان:تعالي لااطلعي جنااااني عليكي
نارا:ماابتفهم مابدي رووح معك رووح لحالك ياشاطر
امان بعصبية:ناراا
نارا :نارا نارا نارا بتعرف شوو انا كتير بخاف منك لانك وحش بتخوف بس بتعرف شوكمان هههههه احيانا بكون بدي اقتلك بس بتطلع فيني هنظرة الي بتقلبني قلب
امان:بعدين منحكي تعالي
نارا:ثم إن بعد عينيك لاحولا ولاقوة الا بالله هههههه ياويلي من عيونك الشريرة
بقي عم يكتم ضحكتو ويحاول يبقا جدي:اذا شافك امين بيعملك مشكلة تعي يالله
نارا:لوين اخدني ياملعون
امان:وين مابدك
نارا:خدني عجامعة محل ماحبيتك
امان:متل مابدك بس تعالي ولاتعملي شي
مسكا من ايدا وسحبا وطلع من غير ماحدا يشوفو وركبا بسيارة:مابدي روح معك مابتفهم
صرخ امان:خلصنا بقاا
دمعو عيون نارا وحكت بقهر:مابقا تصرخ عليي عم تجرحني كتير انا بحبك ومابدي اكرهك لوشوماعملت
امان:خلصنا بترجاكي رح جبلك قهوة
نارا:القهوة بطيب جرحي لاامابطيبو مابدي قهوة جبلي شي بنسي خليني انسا انا مين وشوعملت وكيف غلطت وخنت ليك اعمل الي يدك ياه فيني اذا بدك حبسني وعذبني بس ماتطلع فيني هيك نظرة الشفقة انا كرهت حالي حاجتي بقاا
غص امان وحاول يكتم دموعو:الي عملتيه موهين
نارا:بعرف والله بعرف اني حقيرة وكلبة وبلا مخ حتا بوعدك بس نخلص من كلشي رح اقتل حالي هيك بكون ارتحت عل اخر وريحتك مني موانت بتكرهني
امان:لوتعرفي قدي بكرهك وقدي حاقد عليكي وقتا كنتي بعمرك ماطلعتي بوجهي خلصنا نامي او اي شي بس اسكتي رح اخدك عفندق ماخرج تروحي علبيت بهل منظر
دخل عغرفة الفندق هوي حاملاا لان كانت مدودخة عل اخر :انا انا بدي
امان:شوبدك
استفرغت نارا ع امان:اووف ياااا نارا اووف
حطا عتخت وشلح قميصو فورا:ليكي نامي لاتخليني ابلش فيكي
نارا:خليك معي
تنهد وطلع عليهاورفع تلفونو وعمل اتصال:وينك انتي.. تعي بدي منك خدمة صغيرة رح ابعتلك الموقع ماطولي
التفتت لاقاها نايمة وعم تحكي بنوماا
_________________
فاقت الصبح هيي وراسا عم يوجعاا:اووف ياراسي وين اناا
انتبهت لغرفة الفندق اطلعت بحالاا كانت لابسة بجامة اكبر من مقاسا وجن جنانا:لااااااااا ياربي لاااا امان انا بذكر امان اللله لايوفقك امااان لالا مستحيل يعمل معي هيك شي مستحيل قد ماكان بيكرهني مستحيل
فورا قامت وطلبت يبعتولا تيابا وطلعت من الفندق
اول ماوصلت كانت عم تدور عليه شافتو واقف هوي وليال:تعال معي
امان ل ليال:مابطول
لحقا لوصلو قدام شجرة اطلعت فيه بقهر وحكت بغصة:شوصار مبارح
امان:شوصار
نارا:انا عم اسالك لاتتبارد شوعملتلي
امان:عملتلك؟
صفن شوي وهوي عم يطلع بمنظرا كيف عم ترجف ودموعا ع خدا وشعرا منكوش بعدين عرف شوفكرت وحكى بينو وبين حالو مومشكلة بفركة ادن صغيرة ست نارا
نارا:لك شبك شبك عم احكي معك شو صار
امان:عم تحكي وكاني جبرتك
صارت تروح وتجي هي وحاطة ايدا عراسا:انا ماعم اذكرر شي ماعم اذكر كل الي بتذكر انو دخلتني علفندق وو(اجت ببالا ذكرى وقت امان شلح قميصو)وشلحت قميصك فهمني انت شوووعمللت
امان:عادي ولووانبسطنا عاد كلو كان برضاكي لي هيك معصبة
صرخت نارا فيه بكل قهر:يعني صاار وانت وصلتني للحالي الي كنت فيها الصبح
امان بكل برود:يس صار
نارا:لك اللله يلعنك حقييير عامل حالك بتحبو لامين انت واحد كذااب قلي عملت الي بدك ياه هيك ارتحتت انتقمت لك ياريتك موتتني اهون بكرهك بكرهك
امان:موطالب منك تحبيني
نارا ببكي وصريخ:كل هل قد حقدك مغيرك كل هلقد متغير وصااير متوحش اماان كل هلقد بتكرهني لك انا كنت مستحيل سدق انك بتعمل هيك وليكك عملتا انت دمرتني امان قلي هيك اخدت انتقامك ارتحت مني الله لايسامحك امان الله لايسامحك
تركتوومشت هي وعم تبكي وقفا صوتو:موانا الي بغدر رفيقي قد ماكنت بكرهك مابئذيكي بهي طريقة اذا بدك تتاكدي اتصلي واحكي نور
مشت هي وعم تبكي وفاتت علحمامات وقفلت الباب صارت تغسل وجها هي وعم تبكي:اهدي نارا اهدي نور لازم افهم منا
مسكت موبايلا ودقت لنور
نور:اهلين نارا عاش مين سمع صوتك
نارا:نور شوصار مبارح
نور:شوصار
صرخت نارا:نوور بترجاكي احكيلي رح جن
نور:لتكوني قصدتي عتيابك اي دقلي امان واجيت بدلتلك تيابك مشان ترتاحي بالنومة اكتر ورجعنا عبيتنا
نارا:بس هيك
نور:طبعا شوبدو يكون غير هيك
نارا:ولاشي انا مضطرة سكر منحكي بعدين
سكرت موبايلا وقعدت بلارض تبكي دق الباب:نارا هاد انا امير فتحيلي الباب نارا حبيبتي سمعت صوتك عم تبكي فتحيلي
قامت ومسحت دموعا اطلعت عحالا بلمراية وابتسمت وفتحتلو الباب وطلعت:تعاال معي
لحقا امير وقفو بلحديقة:شوصاير معك
نارا:بتساعدني
امير؛بشو؟
نارا:بلاول جاوبني بتساعدني
امير:معك علموت بس قليلي بشو
نارا:لحتا لحتا نعرف اذا انجيلا عايشة اولاا
امير:شوشوشوقلتي عيدي ماعم استوعب الي سمعتو صح لك شوعم تحكي انت
نارا:امير اهدا بترجاك وخليني فهمك
امير:شوبدك تفهميني لك هني قتلوا قدامو وبايديه حمل كفناا كيف بتقلليلي عايشة
نارا:هني ماقتلوها قدامو سكرو المخزن وبعدا صار تفجير واحتمال تكون الجثة الي نحملت موجثتا
امير:والسنسلة الي كانت برقبتا ونوجدت بلمكان
نارا:امير ركز هدول شغلات بسيطة لحتا يضللونا
امير:وانت شوالي خلاكي تدقدسي عهيك شي
نارا:ملهم يوم الي كان عندي وشربناه الدوا صار يقول انو ايلول وانجيلا واحد يعني الي اسما ايلول هي انجيلا
امير:مجرد احتمالات
نارا:لهيك لازم نتاكد وبدي تساعدني
امير:كيف
نارا:رح خبرك كلشي انا رجعت اتقرب من ملهم لاعرف كلشي
امير:مجنونة انت
نارا:واياد حمد صهر الوادي هوي الي ولد انجيلاا
امير:وهاد بشو حيفيدنا
نارا:هوي كان المساعد بقتلا منستفاد منو كتير
امير:بشو عم تفكري
نارا:بلاول قلي انت معي
امير:معك
ابتسمتلو نارا وضمتوو:يالله ياامير شقد حضنك بيريحني من لما كنا صغار كنت اجي ارتمي بحضنك وانت تعمل فيها اب هههه
امير:هههه واديل وامين اصدقاء العيلة
نارا:اي ههههه
كان واقف عشباك عم يراقبن هوي وعم يبتسم بعد عن الشباك وطلع من مكتبو :خبرو ليال تلحقني لعند اللواء
دق الباب ودخل:احترامي سيدي
نصر:اهلين امين
امين:بدي اذن لدخول امير لعيادة الدكتور اياد
دقت الباب ضربت التحيو وقعدت:طلبتني
امين:اي سيدي شوقلت
نصر:شوناوي تعمل وليش امير بتعرف انو دخول الامن لهنيك مشكلة
امين:المشكلة انو نحنا نضل ساكتينلن اطمن رح يدخل امير ولاحدا رح يفتحو تمن بحرف
نصر:شوبيضمنلك
امين:بعد سهرة الخميس بتعرف انطرني لبعد بكرا بس وراقب انهيار اويلار لاسفل السافلين
نصر:الاذن معك انت مخول نعمل شومابدك المهم تنهيلي الوادي
امين:اطمن اسمحلي سيدي ليال تعالي
طلعو سوا :انت رح تدخلي شركة الوادي الخميس بناءا علفيديو الي انتشر بخصوص حكي ابنو ملهم
تركا ومشي رن تلفونو :شوعم يخطت هاد
امين:اي حسكة
حسكة:سيدي لقو الممثلة ديلار مقتولة ببيتا
وقف امين هوي مصدوم:شوقلت
حسكة:متل ماعم قلك ومفظعين بجثة
غمض امين عيونو بتعب:لاحدا يلمس شي بتسلمو القضية لنارا وامان واوعك اعرف انو واصل شي لصحافة اي صحفي بيتواجد بتشحطوه علفرع
حسكة:حاضر سيدي
امين:رح ابعت طبيبة شرعية هي خطيبتي خود بالك منها
حسكة:حاضر
شوعم يصير يالله مين قتلاا مستحيل انا مادخلني
______________
وصلت سياراتن سوا نزلو تلاتتن :جوري؟
جوري:امين طلب
امان:ونارا؟
نارا:استلمتا
امان؛حلوو شريك تفضلو
دخلو سوا واتفاجئو من المنظر نقذت نارا ولفت وجها فورا
اطلع فيها امان هوي عم يحكي حسكة:شوصار
حسكة:مابعرف سيدي الناطور اجا الصبح يدق عليها جايبلا غراض ماردت ولما وصلت الخادمة معا مفتاح شافتا هيك
امان:حدا لمس شي
حسكة:لاسيدي
امان:تمام والصحافة
حسكة:منعنا دخولا وشمعنا البناية كلا منعنا اي حدا يطلع او يفوت
جوري:امان
امان:عطيتك الاذن
طلعت من جزدانا مريول ابيض وضبت شعرا بطاقية ولبست كفوف وقربت من جثة ديلار الي كانت مرمية بلارض ودما حميمة وبدت تتفحصا
انتبهت نارا لورقة موجودة تحت الكنبا وطت وسحبتا كان مضمونا :‏”كنت أود لفت انتباهك حتى ولو بخبر موتي.“
قرب امان واخد الورقة وقراها هوي مستغرب:انتحاار؟؟ جوري
جوري:شوية وقت
نارا:انا رح حقق مع الجيران
امان:ماشي
جوري:انا بحاجة تنقلوا للمشفى هنيك باخد راحتي اكتر وموجودو كل العدة
امان:حدديلي تاريخ الوفاة اهم شي
جوري:متوفية بحدود الساعة 3 و3ونص الصبح اكتر من هيك مابقدر فيدك
امان:طيب حسكة دورتو بلبيت
حسكة:سيدي مافي اداة
امان:تعال معي والبقية طلعو الجثة علمشفى فورا وممنوع دخول حدا غير جوري
_:حاضر سيدي
_______________
نارا:اي ساعة وصتك
الناطور:بحدود ال12 بليل طلبت مني جبلا لغراض الصبح بكير
نارا:حسيت فيها شي من صوتا مزعوجة متدايقة او اي شي
الناطور:ابدا متل العادي بتوصيني علغراض وبتسكر
نارا:من كم سنة بتشتغل هون
الناطور:من 12 سنة
نارا؛ومن ايمت ديلار ساكنة هون
الناطور:من 5 سنين تقريبا
نارا:بيتا اجار او ملك
الناطور:بظن ملك
نارا:الها مشاكل مع حدا
رن تلفون نارا وكان ملهم فصلتو :شو
الناطور:هلا هي فوقية وبتسمع حكي عطبقيات بس ولامرة علقو
الخدامة:اي في
زورتا نارا:شششت لسا ماجا دورك
الناطور:اي بذكر من فترة اجت بنت شكلا غنية وعلقو هي وياها
نارا:لي علقوا
الناطور:مابعرف
نارا:انت شوبتعرف
الناطور:والله مابعرف شي
نارا:بتتوقعها تنتحر
الناطور:ممكن مابينحزر عليها شي
نارا:وين كنت مبارح بليل لليوم الصبح
الناطور:بلبيت ماتحركت
نارا:روح على بيتك وممنوع تتحرك من غير مايكون عنا خبر بس قبل اكتب على هي الورقة جملة أمر أمير الأمراء
استغرب الناطور؛حاضر
تركن وطلع :وهلاانت شواسمك
الخدامة :ساندي
نارا:تمام ياساندي من ايمت بتشتغلي عندا
ساندي:من حوالي 3 سنين
نارا:وكيف معاملتا معك
ساندي:كانت كتير منيحة كانت تعاملني وكاني اختا الصغيرة
نارا:اختا الصغيرة حلو كتير وهلا ياساندي احكيلي الي صار بزبط
ساندي:انا قلت كلشي للمساعد
نارا:اي عيديه
بلعت ريقا وحكت:اجيت اليوم الصح متل العادة بحدود ال8 لنضف البيت ودخلت
نارا:لي مادقيتي الباب وهي بتفتح
ساندي:لانو بتكون نايمة مشان ماتنزعج وتصرخ وتبهدل
نارا:تصرخ؟ هلا قلتي منيحة بتعاملك متل اختا لصغيرة
ساندي:اي هوي بتعاملني هيك بس احيانا بس تعصب بتصرخ
نارا:طيب كملي
ساندي:فتحت الباب وفتت ولقيتا مرمية بلارض هيك
صارت ساندي تبكي:طيب ركزي معي الباب بلعادة بكون مقفول
ساندي:لاا بس مسكر
نارا:واليوم؟
ساندي:كمان مسكر
نارا:مين الي على عداوة معو
ساندي:من البناية مافي بس من فترة انسرق بيتا وبعتولاا ضابط وبعد بكم يوم اجت الممثلة قمر علقو سوا متل العادة وراحت
نارا:قمر مهنا؟
ساندي:اي هي
نارا:بتتوقعي تقتلاا
ساندي:لوبدا تقتلا فيها تقتلا بطرق تانية موتدبحا كان فيها تقوصا او تخنقا
نارا:يعني انت مع الخنق او لقواص
ساندي:طبعا لاا بس حكيت عادي
نارا:بتتوقعيها تنتحر؟
ساندي:مستحيل كانت كتير بتحب الحياة
نارا:وين كنتي مبارح من اليل لصبح
ساندي:خلصت تنضيف ورجعت عبيت اخي عايشة عندن
نارا:اكتبي جملة أمر أمير الأمراء
ساندي:ليش
نارا:اكتبي وانت ساكتة وممنوع تتحركي من غير مانعرف
ساندي:حاضر
خلصت نارا تحقيق مع الكل ونزلت كانت ناطرة امان:شوو
رفعتلو ورقتين او ورقة رسالة الانتحار وتانية الورقة الي كتبو عليها الجمل:هدول
امان:اركبي معي فهميني
نارا:مابدي اترك السيارة منلتقا بلفرع
امان:تمام
ركبو سياراتن وانطلقوا
_________
قرب حسكة وهمس لامين:سيدي تم
همسلو امين :متاكد
حسكة:اطمن سحبتن
امان:شوعم توتوتو
امين:شغلة فاضية
دق الباب ودخلت جوري :مسالخير
_:اهلين
جوري:الضحية متوفية بين ساعة 3 و3ونص الفجر متعرضة لطعنة ببطنابعد ماتندبح مدبوحة من اعلى الجهة اليمين بحيث مقطوعا الشرايين وماتت فورا والاهم انوهي ماتت من الدبح مومن طعنة
نارا:مستحيل انتحار
امان:طبعا مستحيل اكيد مارح تدبح حالا وترجع تغز السكين ببطنا
جوري:لسا في شي هي حامل بلاسابيع الاولى
نطق الكل سوا بصدمة::حاامل
نارا:هدول الممثلين بصاحبو عادي يعني الي قتلا احتمال كرمال الجنين
امان:وخصوصي انو مومنسروق شي من البيت يعني متقصدين يقتلوا
نارا:شفت سجل الكميرات
امان:ولاد الكلب ساحبينو
سعل حسكة وامين سوا
امان:شبكن
امين:تشردقت
حسكة:متلو سيدي
امان:نارا شوالورقة الي كانت معك
نارا:بجملة الي كانت بلورقة الي لقيناها عل ارض كان مكتوب كلمة أود الهمزة من فوق كانت معكوفة بهي طريقة تماما متل مابيكتبا الناطور
امين:يعني الناطور
نارا:بعدنا مومتاكدين الكل اثبت انو هوي كان بلبيت بهل وقت وهي مالها مشاكل غير مع الممثلة قمر
امان:رح طلع امر استدعاء قمر الكل حكا عنا
وقف امين بسرعة:جوري واضح انك تعبانة تعالي وديكي
جوري:طيب بلاذن
_:الله معكن
نارا:شوتحليلك
امان:الناطور او الخدامة شوالي ببدفعنن ليقتلوا
نارا:يمكن المصاري
امان:لو المصاري مابيقتلوها بهي الطريقة
نارا:فعلا موتة فظيعة حرام دابحينا وكانها خاروف
امان:قمر مهناا انا متاكد انو الها ايد بلموضوع
نارا:شورح تعمل
امان:رح طلع امر استدعاء وروح اشحطا
نارا:ناوي تعمل ضجة اعلامية؟
امان:انا مادخلني هني رح يعملو لحالن رح تجي؟
نارا:بفضل ضل بعيدة عن الاعلام بنطرك هون
امان:ماشي
طلع امان وبقت نارا:غريبة فنانة محبوبة متلا مين الو ايد بقتلاا
_____________
اول مافتح الباب وانصدم اول ماشافو:امين
امين:مابدك تدخلني
جيهانغير:طبعا تفضل فوت اذا جاي بخصوص نور
امين:انا موجاي كرمال نور لانك رح طلقا انا اجيت بخصوص ديلار ياجيهانغير ديلار
انصدم جيهانغير اول ماسمع اسما وبلع ريقو:مين ديلار
امين:ديلار خلف
جيهانغير:انا مابعرف حدا بهل اسم
امين:طيب كنت ناوي ساعدك بس شكلك موحابب يفضل تزورنا بلفرع
جيهانغير:امين وقف شوصاير
امين:انقتلت
جيهانغير:شوو
طلع امين السيديات من جيبتو وقرب من شاشة وصلن عليها كانت تسجيلات كميرا للبناي بين جيهانغير مبارح طالع من عندا
طفا امين الشاشة:احكي كلشي
جيهانغير:انا ماقتلتاا انا مابقتل امين
قعد امين علكنبا وشغل سيكارة ونفخ بوجهو
جيهانغير:سدقني ماقتلتا انا مابقتل
امين:حتا لوعرفت انها حامل
جيهانغير:حامل؟؟
امين:قتلتا كرمال الطفل
جيهانغير:انا ماقتلتا امين انت بتعرف رفيقك
امين:والله انت تغيرت يارفيقي وماعاد عم اعرفك احكيي كلشي
جيهانغير:نحنا على علاقة مومن زمان من اسبوعين تقريبا وانا ماكنت بعرف انها حامل حتا مبارح بعد ماطلعت من عندا ماخبرتني
امين:كذاب
جيهانغير:وحياة صداقتنا بتعرف من ايام زمان صداقتنا مقدسة ومامنحلف فيها كيف ماكان انا مادخلني والله
امين:انا مافيني ساعدك
جيهانغير:امين بترجاك انت مافيك تعمل فيني هيك رح يكسرولي رتبتي يسرحوني فورا والله مادخلني
#يتبع