المسار احقاد __ مكتمله__ بقلم انجيلا الخوري

الجزء التاسع

#الجزء التاسع #احقاد
جيهانغير:ديلار غدرت بقمر وهني راجعين عالحدود وحطتلا مخدرات ومسكو قمر وشحطوها وانحبست وهربت ديلار بالدولارات وصارت ممثلة خلال وقت قصير وقتا في حدا طلع قمر بكفالة ورفعا لتصير من منافسين ديلار وهون بلشت حرب السوشال ميديا بس هنن بالظاهر علقانين كرمال الدولارات وقمر كل فترة بتجي تهددا بالقتل اذا مابتعطيا حصتا
______عودة_____
بكميرا السوبر ماركت قدرنا نشوف قمر هي وطالعة من عندا الساعة 3 ونص وبايدا كيس اسود هربانة فيه اتبعناها بكميرات بقية الشوارع الي مشت فيهن لوصلت لشقة مهجورة دخلت على جنينتا الخلفية ودفنت الدولارات وطلعت لامين شاف ولامين دري وبهيك بكون عنا قاتلين الاول الناطور والتاني قمر
مجد:سيادة الضابط فيك تخبرنا كيف وصلت لكل هالمعلومات
امين:بظن هي سرية التحقيق وامان مومخول يطالع كلشي لبرا هوي سلمكن القاتل وخلصت مهمتو
نصر:امين معو حق ونحنا منوثق فيكن نارا ابدعتي واثبتي حالك متل العادة اما امان فشهادتي فيك من زمان بتعرفا دائما حسك الامني سابقك وناجح معك
نارا وامان:شكرا سيدي
نصر:وهلاا بماانو لقينا القاتل اسمحو للاعلام يتدخل وبرابو عليكن مرة تانية
طلعو كلن وبقو امين وامان ونارا
قرب امين من نارا:اميرتي الحلوة يااحلى وارق انسانة بالدنياا ياقوتي انت انا هلا اتاكدت انك اخدي مكانك وبجدارة
ضمتو وهوي ضما لحضنو وامان واقف عم يطلع فيهن وعم يحكي بقلبو:قديشو مغشوش فيكي
نارا:انا عندي مشوار مضطرة اطلع
امين:ماشي
طلعت وتركت امين وامان سوا كان بدو يطلع امين وقت وقفو امان:بعد من وجهي موطايق شوف وجهك
امان:كذاب
دفشو امين وطلع لحقو امان ودخل وراه علمكتب:مافيك تزاعلني ليكك انت كل نهار بتضل مجحش مابزعل منك
امين:لانو مشان هيك ياحماار ماا
امان:لكن مشان شو
امين:مشاان تفتح عيونك منيح وتطلع حواليك وتنتبه عحالك شوكنت رح تعمل كنت رح تسرحو لوطلعت كلمة وحدة بس كنت رح تبهدلو
امان:بيستاهل
امين:بيستاهل؟انت الله لتحاسبو عغلطوو هوي غلط بس مابتدحش عواطفك بالشغل وين ايام سهرنا سوا وحاربنا سوا وضحكنا سوا وزعلنا سوا امان نور بتردلا اعتبارا بس موعحساب تكسر رتبتو ماتعب كل عمرو كرمال هيك
امان:عصبت كيف قدر يخونا وهي حرام بتحبو ماتحملني عقلي
امين:رح يطلقا متل ماقلناا نفذ كلامناا وطلع منها لانو بريء لوضليت عحيونتك كنت رح تبليه بجريمة قتل قتل امان قتل
امان:ماكنت رح اعمل هيك والله سدقني
امين:اصلا بعرف وموزعلان منك بهدلتك هيك مشان ماتغلط لقدام لي انا مين الي غيرك معقول زاعلك
امان:طبعا ولاشي انت وبدوني مشش انسان فاضي انا ملونلك حياتك ياابيض واسود
امين:اي على عيني امانوو
امان؛امينووو في مجال بس تحب تعلمني كرمال ماغلط ماتبوزم مابيلبقلك ياقطة
امين:ههههه خراس جاهز لبكرا
امان:انا الي جااهز بكرا عنا تسلاية اخت اختاا
امين:شوهالاصوات
امان:صوت الفنانة شاحطينا عالنيابة ههه
امين:امشي امير بالبيت تعبان منسهر عندو
امان:بتعشوني
امين:انت وين بتروح بلاكل
امان:ببطني
امين:امشي امشي قبل ماتنبحت
امان:وين مبارح سهرانة يابنت الكلب
امين:اذا بتغني هيك شي شالحك بالطبون
امان:به به به
_____________(سهرة الخميس)___________
بصالة اويار الي من اضخم صالات البلد واغناها لطريقة تصميما والاثاث الدهب الي فيهاا
دخلو سوا كان مشنغلاا وعيون الكل عليهن كان لابس طقم سبور وهي بنطاال اسود وكنزة بيضة خيطان وفوقن جاكية رسمية الها زرار دهبية وسكربينة سودا ولابسة بيروك اشقر وحاطة عدسات لون اسود ومركبة رموش ومغيرة مكياجا طالعة مختلفة تمام
رحب الكل فيه:ملهم بيك شرفت
ملهم:شكرا الكن تفضلو خدو راحتكن نحنا رح نقعد عطاولتنا اي وحابين نقعد لحالنا
_:انت بتامر ملهم بيك
قربت منو وهمستلو:شوهااد
ملهم:لسا ماشفتي شي
ايلول:هلاهدول دهب
ملهم:اي
ايلول:ياويلي ما احلى سرقتكن
ملهم:غبية هون مومكان عادي في اجهزة انذار ونظام الاشعة الحمرا مجرد حدا يفكر تفكير بس بتزمر كلا سوا
ايلول:الله يبعتلكن واحد متل جان ستوكهولم يسرقكن
ملهم:جان شو
ايلول:ستوكهولم
ملهم:بس تعرفي اسمو عيدي الدعوة
ايلول:اطلبلي شي اشربو
ملهم:تكرمي جبلناا عصير فريش ويسكي
ايلول:هلا عصير اطلبلي متلك
ملهم:ليكي انا احتمال موتي اليوم كبير الاول لان طلعتك والتاني لاني طلعتك لاويار والتالت تشربي وويسكي كمان انضبي الله يرضى عليكي
قربت وحدة من ملهم وباستو:بيبيي اشتقتلك
ملهم:اي وانااا ياقمر
ايلول:شورايك تنقلعيي من هون
البنت:عفوا عم تحكيني الي
ايلول:شايفة قليلة ذوق هون غيرك موشايفتيني قدامك ماعبيت عينك
ملهم:انت روحي بشوفك بعدين
راحت البنت :انت مجنونة
ايلول:استحي عحالك ولاا قال بيبي قال
ملهم:اووف ياا قطعتي برزقتي تضربي اي
ايلول:ملهم للمرة المليون خراس حبيبي خراس
ملهم:حاضر مرة ابي ههههه
ايلول:شوقلت شوقلت عيد لشوف
ملهم:عم امزح والله
ايلول:ليك ولا بشلح هل سكربينة وبحطااا براسك قدام الكل ومابسأل
ملهم:خلص سكتت
ايلول:اي شطور
_______________
اياد:انتو كيف بتفوتي هيك
امير:انا النقيب امير المسار معي امر بتفتيش العيادة
اياد:وشو السبب
امير:اسباب خاصة يادكتور فتشووو
فتشو العساكر وبدو يخبطوو بالعيادة:سيدي مالقينا شي
قرب امير منو بهدوء وحكا:5/13 سمعان بهالتاريخ
جفل اياد اول ماسمع:تاريخ عادي شبو
امير:ولاشي تذكرو كتير منيح وسلم ععمك ابو زوجتك سلام اياد بيك
____________
ليال:معي امر تفتيش الشركة اذا بتريدو بلا مشاكل انتشرووو
انتشرو العساكر بكل مكان وقلبو الشركة فوقاني تحتاني
قرب مدير العلاقات من ليال:شوبدكن
ليال:انتو متهمين بتهريب سلاح وغيرو وغيراتو رفقا بالفيديو الي انتشر لصاحب شركتكن
العسكري:سيدي مالقينا شي
ليال:انسحااب سلام بلغ تحياتي لمديرك وقلو ليال حداد بتسلم عليك سلام
__________
نزل الموبايل من ايدو وهوي عم يحاول يضبط حالو:يارب دخيلك
ايلول:شوصار
ملهم:الامن داهم عيادة اياد والشركة و
ماكفى كلاموو الاا دخلو العساكر وعراسن امين
قام وقف فورا والاسلحة كلا انرفعت
اول ماشاف امين رجف فورا:ايلول بسرعة
قربو الحراس من ايلول ليامنولا طلعتا وهي عم تلتفت لملهم واجت عينا بعيون امين الباردات رجف قلبا اول ماشافت عيونو نفس الي بيجوها بلمنام
ملهم:بسرررعة
دارت وجها عنو بسرعة وطلعو الحراس لغرفة الوادي فوق وامين مستغرب من نظرتا الو وقفت تراقبن من فوق
ملهم:انتو كيف بتتجرئو
امين:على فكرة ماكان لازم تهرب البنت نحنا ما منقتل نسوان
ملهم:شوبدكن قلي مستغني عن روحك
امين:يمكن مابعرف اذا مستغني او لاا
دخل امان:هلووووو ياجماعة ييي ملهم هون لك كيفك ياحلوو يي وعم تشرب كمان دير بالك تنام لان مابينعرف شوبتخبص بلحكي
جن ملهم:هاد انت
امين:كانو عصب
امان:كانوو
ملهم:لفو واطلعو لانو مارح يحصل خير ابدا
امين:اووف ملهومتي طول بالك خلينا نحكيلنا كلمتين
ملهم:شوبدكن
امين:انت هلا بتعرف قدام مين واقف
ملهم:الرائد امين
امين:صح امين بس موالرائد انت واقف قدام مالك نص اويار امين المسار قدامك شريكك شورايك ليك معك حق تنصدم لان شراكتي مكسب بس معلي بتتعود
فرط ضحك ملهم:ههههههههه فرطت ههههه
اطلعو امين وامان ببعض وضحكو وحكو سوا:ههههه يي فرط
ملهم:خلصوني شوبدكن
امان:شكلك اطرش مابتسمع او عم تتظاهر بالطرش صحابكن تنازلو عن حصتن وبكامل قواهن العقلية والجسدية
ملهم:انت شوعم تحكي
امين:متا ماقلك وهدول الوراق
رفع امين لوراق بوجه ملهم قرب حاول يقراهن وانصدم :انت شوعم تحكي
امين:عادي شريك هني اول 80 سنة بالحياة صعبات
امان:وادي الصغير شبك انخرست انطق لك ابني
_كانت واقفة عم تراقب كلشي وتدقق بامين وامان:مين انتو لي حاسي حالي بعرفكن وبلاخص انت الي مين نفس العيون انا متاكدة انت نفسك امين المسار الي اتهموك بقتل جعفر يالله من عيونك شوعاملين فيي وبافكاري
_صحي ملهم من صدمتو وقرب من امين وقف قدامو والتقت عيونن عيون فضحت الكره والحقد
اتجاهلو ملهم ومشي وامين مستغرب عم يطلع فيه لوين رايح
ملهم:تعالي رح نمشي بسرعة
ايلول:شوصار
قرب مسكا من ايدا متجاهل اسئلتاا ونزلا بسرعة والكل عم يراقبن كانورح يطلعو لما وقفن صوت امان:ايلول
وقفت بارضا كانت بدا تلف وقت شد ملهم عايدا:اوعك تلفي اوعك
اطلعت بعيونو:هاد هوي فك شيفرة حياتي
ملهم:اذا بتلفي بتنسيني عم تفهمي وبتصطفلي منك لابي
كان بدا تلف بس وقفتا افكارا:لنفترض احساسك غلط بتكوني خسرتي ملهم
طلعت من الصالة بسرعة وقلبا عم يخفق بسرعة قرب ملهم من الحراس:بتوصلوها عالبيت وممنوع حدا يحكيها حرف او اي انسان يعرف بوجودا
_:حاضر معلم
____________
وقف امان مقهور وعم يحكي بقلبو:خاب احساسي وماكنتي انتي
امين:اماان
امان:اي
امين:مين ايلول
امان:مين ايلول
امين:الي ناديت عليها من شوي
امان:ااا ايلول هاد
دخل ملهم وقعد عالطاولة واشر لامين يقعد قرب وقعد قبالو:اشرحلي كلشي
امين:مافيا المسار تنازلو عن قسم اويار لالنا
ملهم:قدي بدك؟
امين:ولاشي نازل اقعد بخلقتكن بس
ملهم:ورتبتك بتسمحلك
امين:بعدين بتعرف اذا بتسمحلي او لا
ملهم:طيب مبروكة بس لواخدتا كلا كنت ريحتني اكتر بس مومشكلة معك معك بتاخدا
اطلعو امين وامان مستغربين ببرودة ملهم
رن تلفون ملهم اطلع عالشاشة وابتسم ولفلن شاشة الموبايل:حبيب قلبكن يتصل وصلو الخبر
فتح الهاتف وحط السبيكر:ملههم شوعم يصير
ملهم:الي سمعتو
الوادي:واللله لاحرقوو
ملهم:فصل بوجهي قال بدو يحرقك
امان:انت مابتهمك اويار
ملهم:كلكن مابتهموني سهرة موفقة
تركن وطلع ركب بسيارتو ومشي وقف عالشط غمض عيونو بقهر:اخخ باجعفر اخخ يااخي وين رحت وتركتني انا تعبت من كلشي مابدي كون هون ماابدي
فتحت الباب وركبت:انت كيف
نارا:حددت موقع جهازك وين مختفي
ملهم:حابب ابقى لحالي شوي ممكن
نارا:لاا ماحاتركك لوحدك قلي شبك
ملهم:تعبت من هالحياة ومن كلشي تعبت من اني كون ملهم الوادي من اني اعمل زعامات انا موهيك انا متخرج دكتور مع ذلك ماسمحولي اشتغل بمهنتي حرقو احلامي ودعسو عليهاا سافرت لاهرب من القرف بس جابوني غصب عني تعبت من هالعيشة تعبت بضل اطلع بعيونا وانا عم اكذب شوقلاا قلا نحنا دمرنااكي
نارا:مين هي
اطلع فيها ملهم وكان عوشك ينطق بس سكت باخر لحظة:انسي تقلت بالشرب لوين وصلك
نارا:مش حتاخدني عبيتك
ملهم:انا مابجبر بنت على شي
نارا:وين هيي
ملهم:مينا
نارا:حبيبتك
حكا وبكل قهر:اغتصبوا رجال ابي وهربت ماعاد عرفت عنها اي شي
امتلو عيون نارا بالدموع:تركتك؟
ملهم:معها حق انا مابستاهلا ماحافظت عليها
نارا:كيف قدرت
ملهم:مابقدر هوي ابي خلص انسي لوين وصلك
نارا:بدي ابقا معك محاتركك وانت بهيدي الحالة
ملهم:شكرا دلع بس انا محتاج ابقى لحالي
نارا:طيب بس حتتصل واطمني عليك مش هيك؟
ملهم:اكيد
نارا:طيب بونوي
ملهم:خليني وصلك
نارا :بدي اتمشى
ملهم:طيب بونوي
قرب وباسا من خدا وهي نزلت من السيارة اطلعت فيه شوي وبعدا مشت بحزن:اذا ابنو مدمروو شوعامل ببقية الناس لكن
___________________اليوم التالي
ضربا كف وقعت عالارض من قوتو:حيووووانة
قامت وقفت بهدوء
الوادي:لي بعتك لعندو اااا مشان تعرفيلي شوبدو يعمل قلتيلي مابدو ينتقم ريحت بالي بس هاد شوعم يعمل لك هاااد دمرنيي
ليال:قلتلك ماقبل يحكيلي شي موواثق فيني
الوادي:بتخليه يوثق بتعملي اي شي لي بعتك اناا ااا مشان تفرجيه طولك وعرضك ليكي وليي اقسم بالله بدفنك عم تفهمي بدك تنقبري تعرفي كلشي فهمتيي
ليال:فهمت
الوادي:اذا اضطريتي بتقتليه
رجف بدن ليال:شوقلت
الوادي:بتقتليه شو شوصرلك ليكي ولي اقسم بالله اذا بتحبيه بقتلك قبلو عم تفهمي
ليال:انت شوعم تحكي انا شوبدي فيه
الوادي:انا نبهتك وكنك لياال بتغلطي وهلا بتنقلعي بدك تعرفيلي كلشي سمعتي
ليال:سمعت
الوادي:انقلعي يلاااا
طلعت بسرعة من عندو هي ومتوترة:الله لايوفقك حيوان
اطلعت حواليها منيح وبعدا اجو شباب غطولاعيونا وركبو بسيارة ومشو فيا
________________
فايز:انت شوعملت جاوبنييي شوعملت
امين:..
فايز بصريخ:لك لااتسكت انت شوعم تعمل منتبه على حالك
امين:منتبه
ابوحيان:امين انت غلطت وكتيير انت عم تشعل حرب
امين:اي وتشعل لي خايفين
ضرب فايز الطاولة البلور وقلبا كلا انكسرت وامين بعدو قاعد نفس برودتو ماعم يتحرك :خلصت
فايز:لاتجنني امين انت موعلى اساس مابدك تنتقم من الوادي
امين:مين قال
ابوحيان:امين احكي بقا شوالي عم تعملو الي صار مبارح شو
امين:عادي شغل
هند:امين ابني فهم عمك وجدك شوالي صار
امين:الي صار انوو اناا رجعت مولحتى اقعد ورامكتبي انا رجعت لاخرباا علوادي ومافيا عيلتكن
اديل:هيك حرب
امين:وهوي هيك اديل انا اعلنت الحرب ومابنهيها غير بموتي اوموت الوادي
هدي فايز شوي وقعد:انت هيك عم تحرق حالك لي خطبت لكن ااا
امين:خطة اوهمت الكل فيها لوصلت للي بدي ياه(تحول صوتو من هدوء لصريخ) فهموو كلوو مخطتلو كلوو حتا قعدتي معكن هي مخطتلاا ومارح اهدا لالعن شرفوو
اطلع فايز لامير ونارا الي كانو قاعدين حد بعض وساكتين:انتوو كنتو بتعرفو
اطلعو ببعض وحكو سوا:منعرف
فايز:براااابووو براابو يااحفاد الوزير براابوو بهنيكن مخطتين لكلشي لك فشرو المجرمين قدامكن الي قدامك وزير قلي كنت جبتلك ياه
وقف امين واطلع بعمو هوي عن يصرخ:لك خلصناا بقااا ياوزير شوعملت ااا ولاشي قدر الامن تبعك يدينو شي لاا ليكو عم يتفتل من مكان لمكان وانا شوو ترك بقلبي حرقة قتل مرتي وبنتي قدام عيني بعتلي راسا شوناطر مني اااا قلو دخيلك لاتكفي على كل عيلتي بترجاك ببوس ايدك اا شوياوزير شواعمل بحرقة قلبي بالي عم يصير فيني ماتو بسببي قتلا قدام عيني ليحرق قلبي حط رجلو على راس حفيدو للوزير وقلي احفرا بذاكرتك كتير منيح اوعك تنسى ياامين اوعك تنسى وانا مانسيت حافرة بعقلي متل ماحكى 3 سنين وانا هربان لانسى ماقدرت عم تلحقني باحلامي بخيالي تقلي وين بنتنا الي امنتك فيها ويناا ورحمة ابي مارح اهدا لاشرب من دمو لدوقو نفس العذاب الي عذبني ياه لاحرق قلبو عولادو متل ماحرق قلبي ولاحرق مافيا المسار رح احرق الكل
شهقو الكل وقت حكى امين شوعمل الوادي منو وخصوصي انو حط رجلو عراسو
ابوحيان:ابني انت شوعم تقول
امين:سمعوني منيح انا قدامكن وعم خبركن بكلشي عملتو ورح اعملو بدك تتبرا مني بدك تسرحني بدك تقلعني بدك ماعاد تعترف فيني براحتك بس لاتطلبو اني اتراجع انا ماشي وقت الي بعرف انو عيلتي معي وقتا برجع
لف امين ومشي مسح امير دموعو وحكا:امين
التفت امين
امير:ماعاش الي بيترك ابن عمو لوحدو
نارا:ولاعاشت الي بتترك اخوا لوحدو
رزان:ولاانا مابترك اخي
ضحك امين وفتحلن ايدو وركدو ضموه اطلعت اديل بجدا ابتسملا :بعدولي وانا معكن
ضمو الخمسة بعض وبقلبن غصة وحرقة كبيرة
هند:وانا مابترك ابني بنص الطريق
ابوحيان:موامين المسار الي بيطلع من بيتو اذا فايز مخالف فالله معو امين مابيمشي
فايز:اي قلعوني قلعوني هلاكلكن تحالفتو سوا مع امين
اطلع فيه وارتسمت عخدودو بسمة حزن:موانا الي بترك ابن اخي لحالو موبيت المسار الي بخافو
قرب ضموو وضحكو وانبسطو كلن الو:وهلا شورح يصير
امين:بدت حرب عالعلن اديل ومرة عمي رح تلتزمو البيت مابتطلعو الا مع حراسة كاملة نارا وامير انت قدحالكن عمي بدي تعطيني الامر لاعمل قسمي باويار مقر لتدريب العساكر
فايز:عطيتك
امين:جدي بدي دعواتك
ابوحيان:الله يحميك ياروحي
وقف امين:وهلاا صار فيني زور قبرا
طلع من البيت وركب بسيارتو هوي مبسوط من عيلتو الي ماتركتو
_____________
دخل المقبرة وبايدو بوكي ورد اسود قرب حطو عقبرا وباس الشاهدة:بعرفك بتحبي الاسود جبتلك باقة منو سامحيني تاخرت لشوفك بس ماحبيت اجي قبل ماكون ماشي بخطوة انتقامي سامحيني حبيبتي تاخرت عليكي بس انت دائما بعقلي وبقلبي بحبك وبعشقك ياحرقة هالقلب
حط الباقة حد باقتو وقرا الفاتحة وقعد حدو وارتكى عليه:اشتقتلا
اطلع فيه امين وحط ايدو عكتفو وشد عليه:هي بمكان احسن من هون بكتير
امان:شوعملو
امين:عارضو بلاول بس بعدين كلن وقفو معي كنت متاكد مارح يتركوني
امان:وهلا بلش الجد
امين:صحيح يلا نمشي منرجع منجي بوقت تاني ناطرتنا مغامرة تانية
امان:يلا
باس امان الشاهد ومشي قرب امين باس الشاهد ولحقو:لك امان كانو برد
امان:حبيبي انت بشتوية حاليا البس منيح
امين:بتديق خلقي من كترة لبس
امان:انت روح موت احسنلك يازلمة ليك لابس عشر كنزات
امين:انت تقيل دم فبتحتاج لتدفية اكتر
رن تلفون امان قبل مايركبو السيارة :اي.. انت شوعم تقول..متاكد .طيب جايين
امين:شوفي
بلع امان ريقو وسعل:كرم عساف
امين:نعم نعم نعم
امان:ناطرنا اكلناها ما
امين:ماا شرف امشي
______________
كان قاعد عالطاولة ومتربع وعم يتامل الحيطان وكلن واقفين قدامو صف واحد:طولو
نارا:اكيد صار معهن شي
التفت عليها بسرعة:انت ياشقرا كتير حلوة
نارا:عفوا
كرم:قلت حلوة
نارا:شكرا سيدي
كرم:ماتعرفنا
نارا:نارا المسار
كرم:اختو لحبيب القلب
نارا:مينو
قرب وهمسلا امير:امين
‏نارا:ااا اي سيدي اختو
‏كرم:امير دقنك طولانة حلقا
‏امير:حاضر سيدي
‏كرم:وانت حسكة كيفو معلمك
‏حسكة:الحمدالله سيدي
‏كرم:مجد انت كمان البس بدلتك كاملة مانك بعرض ازياء
‏مجد:حاضر سيدي
‏كرم:وانت شواسمك نصكن جداد
‏ليال:ليال حداد
‏فجاة نط كرم ووقف قدام نارا وهي رجعت لورا خافت:اوباا سوري انت الي اجيتي بلواسطة ما
‏نارا:ماا
‏اطلع كرم بكل الواقفين:اخوها لاراحت ولااجت
_______
‏_كانو واقفين علباب:فوت انت اول
‏امين:ماتفوت انت اول
‏امان:لاانت المسؤول هون
‏امين:لامعليش مسامح فوت انت
‏_______
‏كرم:اكيد واقفين علباب عم يعزمو بعض عالفوتة خلينا نعملن سربرايز افتحلن الباب
‏قرب العسكري وفتحلن الباب اول ماشافوه جمدو بارضن وضربو تحية سوا:احترامي سيدي
‏كرم:انشالله بحترمكن انت وهوي وينكن لهلاا ياعصافير
‏امين:امان قلو
‏امان:قلو انت شودخلني
‏امين بهمس:انت بتعرف تكذب انا مابعرف
‏امان:يارب سامحني اي سيدي كناا عالطريق الله وكيلك عجقة سير الناس نمل كلو طالع بسياراتو لهيك تاخرنا
‏كرم:وين كنتو
‏امين:قلك عالطريق
‏كرم:انتو التنين اذا بتركدو مع الكلب مابلحقكن بالكذب
‏امان وامين:الله يسامحك سيدي
‏امان:ماقلتلنا شوجابك سيدي
‏امين:عنجد شورجعك بقصد نورت
‏كرم:قالولي براغي القلب عم يعملو مشاكل فقلت ياكرموو روح ربيهن شوي
‏امان:بتمون سيدي
‏كرم:طبعا بمون امينو لسا كم سنة
‏امين:وحدة سيدي
‏كرم:ونواسة
‏امان:سنتين سيدي
‏كرم:ليش مومتلو
‏امان:علقت مع العقيد اخرلي ترفيعي
‏كرم:اوو مابتلحقوني بكون طلعت عالرتبة البعدا قبل ماتصيرو مقدمين
‏التفت لنارا؛امينوو هلمحققة كتير حلوة اختك ما
امين:ماا
كرم:اي باردة متلك سمعوني انت وياه وياها كلكن من اليوم ورايح بدكن اعادة تأهيل من اول وجديد نظامكن هون ماعجبني عالساعة 7 ممنوع حدا يتاخر
امان:طلاب مدارس لانو
كرم:نواسة شوقلت
امان:عم قول ياهيك النظام يابلا
كرم:ليكو بعد ال7 بدقيقة قابركن هون كل مين بيتواجد بمناوبتو الي بفكربس تفكير انويطلع اثناء دوامو سالخ جلدو وهاد الحكي للكل وخصوصي كرماء عيلة المسار وشريكن مفهوم
رد الكل:مفهوم سيدي
كرم:كهربا ونواسة الحكي الكن بالتحديد اقعدو عاقلين تمام ياحلوين
امان:حاضر سيدي
كرم:كهربا مارديت ماعجبك كانو
امين:معقول مايعجبني انت كلك عاجبني
كرم:يلا انصرااف وكهربا عملي قهوة
امين:مابعرف
كرم:ماورانا شي بتتعلم حبيبي خود وقتك عمهلك ياقطة امان لاتتاوب
قطش امان متاوبتو:حاضر سيدي
كرم:يلا ماطول بالقهوة وانت نواسة قعود
امان:من اولها مابعرف شي
كرم:ولك يسلمليي الوفي لك ريتوو يؤبرني الي مابيحكي عن صاحبو انقبر احكي ولاكر
امان:خلص عاقبني جاهز
كرم:نفس العادة القديمة مابتتغير وين كنتو
امان:بالمقبرة
كرم:وشوعم تعملو هنيك
امان:سيدي الي مابتعرفو انو قتلو مرة وبنت امين
كرم:شوقلت
امان:مرتو فجروها قدامو والبنت بعتو راسا
كرم:عم تمزح شي
امان:لا
انقهر كرم كتير وتوتر:طيب طيب يعني الي عملو مبارح انتقام
امان:اي
دق الباب ودخل امين:انشالله تعجبك
شرب كرم شفة:لك يقطع عمرك عهل قهوة متل شكلك
امين:ماتعملا لحالك طالما مابتعجبك قهوتي
امان:امين
كرم:شوقلت حبيبي
امين:سيدي الله وكيلك مابعرف اعمل قهوة
كرم:عادي بعرفك حمار
ابتسملو امين:ليك ولا انت بالذات ماتبتسم مفهوم كهربا
امين:مفهوم
كرم:وينو الكر التالت
امان:مينو
كرم:عزقة
امان:ااا جيهانغير بفرع المكافحة
كرم:رح جبلكن حبيب قلبكن لعندكن نواسة انقلع وممنوع تشوف حبيبك باوقات الدوام
امان وعم يضبط حالو:حاضر سيدي مقلوع
كرم:اقعود
قعد امين وعم يتجاهل يطلع بكرم:اطلع فيني
اطلع فيه:امر
كرم:العوض بسلامتك
امين:الله يسلمك
كرم:ماكنت بعرف من اسبوع لرجعت من روسيا
امين:مالي زمان هون كنت مسافر كمان
كرم:لتنسى؟
امين:اكيد
كرم:لاتكذب
امين:طيب عم كذب بظن حياتي الخاصة مابتعني سيادتك
كرم:سماع هالكلمتين طالما انا هون لاتحلم تشتغل من راسك لان مابسمحلك
امين:اذا خلصت سمعني مكتبي قبال مكتبك وقت مابدك تسمحلي بتروح وبتقلي منتلاقاا بالامن العسكري وقتا سرحني غير هيك بدك تسمحلنا سيدي بالاذن
طلع امين من مكتب كرم هوي عم يفور ويغلي :شورجعك هلااا ناقصك
دخلت النادلة علمكتب :تفضل سيدي هي قهوتك
كرم:يسلمون ياقمر لك يااحلى حبة قهوة
_:شكرا سيدي
كرم:ريتو ماحدا يشكرني من بعدك
ابتسمت وبينو سنانا لقدام برعبو :روحي عمكتبك بسرعة ولييك فورا بسدقو يخربيتك على هالسنان قطعتي نسلي بعدني شب
( المقدم كرم عساف شعرو ملون وبلابيض الشايب عيونو سود وكبار وحلوين طول وعرض كتير بيهتم بحالو ونسونجي درجة اولى)
________________________
كانت قاعدة بلارض وعيونا مورمين من كتر البكي وشاردة بالعدم والقطع مكسرة حواليها بكل مكان دق الباب ودخل واتفاجأ اول ماشاف المكان هيك وركد لعندا:ايلول ايلول ردي عليي
اطلعت فيه بعيونا الفيروزية الي كلن دموع:طلاع لبرا
ملهم:مارح اطلع
صرخت باعلى صوتا:لك طلااع انقلع يلا
ملهم:مارح اطلع لاعرف شبك
ايلول:شبني كتير بهمك شبني ااا
ملهم:انت شو عم تحكي
ايلول:الي كانو مبارح مين مارح تجاوب مااا اصلا كنت بتفاجئ لو انك جاوبت اعتقونيي اتركوني بحالي حلو عني
ملهم بصريخ:بدك نعتقك يلاا روحي يلاا روحي ماحدا ماسكك روحي شوناطرة يلا ايلول هيك بترتاحي اذا بترتاحي روحي ولاترجعي يلا
بعدلا وهي ركدت لحقا :افتحولا الباب
_:يامعلم الاوامر
ملهم:قلت تركوها تطلع مابتفهمووو
فتحولا الباب وهي ركدت من غير ماتطلع وراها هي وعم تبكي وافكار كتير عم تجي براساا(كنتي طالبة عرض زواج بطريقة اكشن)(انت نجمتي)(امين انا مومهم خلص بنتنا)(انت اختي)(بنتا مالاذنب بترجااك)(وااااادييي)(انا الرائد امين المسار)
افكار كتير براسا وهي عم تركد وضايعة لماا طلعت بوجها سيارة وخبطتا وقف ملهم مصدوم الي كان لاحقا:ايلولللل
نزل من سيارة فورا:اووف هي طلعت بوجهي
قرب ملهم هوي وعم يبكي:ايلول فيقي بوس ايدك فيقي لخبرك كلشي ردي علي
كرم:بدل ماتندب خلينا ناسعفا
ملهم:اذا بصرلا شي رح اقتلك عم تفهم
كرم:وكانو انا قلتلا تعي اطلعي بوجهي
اجت سيارات ملهم حملا وركبت بالسيارة وطلع معا فورا وساقو فين علمشفى:ايلول اصحي كرمال الله
________
كرم:خلينا نطمن علمخلوقة لنلحقن
ركب بسيارتو ولحقن نزل من سيارة بعد ماوصلو وحملوا عالنقالة ودخلوا وملهم واقف عم يبكي:يارب ماالي غيرا لاتخليا تروح قبل ماترجع لعيلتا
كرم:عليها العافية
ملهم:انت شوجابك روح قبل ما يجي ابي ويقتلك
كرم:يييي شبنا عم نطمن بس
ملهم:امشي من هون بسرعة
كرم؛واذا مامشيت
اشر ملهم لرجالو الي كلن حاوطو كرم:مطربق المشفى فوق راسك
امان:بدك اطربق فوق مين ياروحي انا
كرم:والله سريع
اتفاجأ امان اول ماشاف ملهم:ملهم
كرم:أوأو انتو بتعرفو بعض
امان بحقد:مابعرف غيرو
كرم:ليك المشفى صارت كلا امن شورايك تشرف معنا
ملهم:شكلك موعرفان حالك وين انت هون بارضي والي بفوت بالغصب مابيطلع غير محمل
ابتسملو كرم هوي ومعصب:انا رح مرقلك ياها لان شكلك ولد وموعرفان حالك مع مين علقان وبدي اطمن عالي اسما اي
ملهم بسرعة:سمية بتقصد سمية اختي
كرم باستغراب:سمية مين
ملهم:اختي الي جوا
كرم:لي سمعت انو
ملهم:اكيد سمعان غلط اذا بتريدو انا بعتذر منكن بس فضو ممكن
كرم:بس لادفع تكاليف
امان:مانو بحاجة قدامك مالك نص صالات اويار
التفت امان ومشي وكرم عم يطلع بملهم من فوق لتحت التفت ومشي ورا امان:وقف ولا الي قلتو صحيح
امان:صحيح ملهم الوادي
كرم:ونص التاني
امان:صار لكهربا
كرم:حبيتو لهل شب هاا والله وعندك تسلاية ياكروم
امان:جبتني بسرعة على شي فاضي بتسمحلي اخد ساعة
كرم:لوين رايح بهساعة
امان:شوف حبيبتي
كرم:كندا
امان:لاا تركنا من زمان ارتبطت بغيرا
كرم:شوهلحكي انت مرتبط وسيدك لاا احترم مشاعري لامافي
امان:سيدي الله يخليك ساعة بس مابتاخر والله
كرم:طيب انقلع بلشت عير
امان:سلام سيدي
راح امان وبقي كرم عم يطلع عالمشفى:لي تلبك