المسار احقاد __ مكتمله__ بقلم انجيلا الخوري

الجزء الحادي عشر

#الجزء الحادي عشر #احقاد
ركبت بالسيارة وهي ماعم تطلع فيه:مسالخير
اطلعت فيه باسى: مساالنور
امين:شبكي
جوري:ممكن تمشي
امين:طيب
مشي امين بالسيارة وقف قدام شط البحر ونزل منا واطلع فبها:يلا انزلي
نزلت وقفو عمقدمة السيارة:رح تبقي ساكتة
جوري:اي
امين:مارح تقليلي شبك
جوري:لا
امين:حدا زعجك
جوري:لاا
امين:بدك اسكت
جوري:مابعرف
امين:احكيلك نكتة
جوري:نكتة وانت
امين:مابعرف امان بضل يحكيلي ياها وبيفرط رغم انو بايخة بس من كتر مابيفرط وبيتمردغ ضحك بضحك
جوري:اوكي حكيلي
امين:في خسة عم تحكي خسة قالتلا الاولى وين كنتي راحت ردتلا ماخسك
جوري:هههههههههههه ااخ فرطت
امين:على فكرة كتير بايخة لي عم تضحكو
جوري:هههه انا ضحكت لانك عم تقلد امان بلحكي وعم تحرك براسا وتشط الحرف متل وقت يحب يتبايخ
امين:ههههه
جوري:انت كيف متحملو
امين:كيف متحملو بلعكس انا بلا امان كنت ولاشي صح بصرخ وبعيط عليه كلو لمصلحتو طبعا بس مافيني عفراقو
جوري:وكيف تركتو 3 سنين
امين:ومين قلك تركتو انا تركت عيلتي 3 سنين بس ماتركت امان كنت حافظ كل تحركاتو كنت اجي شوفو بالليل
جوري:عم تمزح
امين:ابدا سدقي انا كتير بحبو
جوري:والله وهوي بحبك كان كل نهار ماشغلتو وعملتو امين هيك وامين هيك
امين:بتاكلي
جوري:باكل
امين:طيب تعالي نشتري من هون
اشترو ورجعو وقفو يحكو ويضحكو ارتكت جوري على كتفو:فيني اعتبرك اخي
امين:انا بهل حياة الي اخوات هني نارا واديل ونور ورزان وهلا صرتي كمان طبعا اعتبريني اخوكي هاد سؤال
جوري:بس انا خطيبتك يابيبي
امين:اي اهلين خطيبتي ههههه
جوري؛اهلين فيك بتعرف تغير مزاجي
امين:لسا بيتغير اكتر وقت ندق للرقاصة
رن تلفون امين:ابن حلال لك اهلين اماانو
امان:وينك
امين:واقف انا وجوري عالبحر
امان:نعم نعم شوقلت فتاح السبيكر لشوف
امان:جوريييي ولييي
جوري:ليك سدقني مادخلني هوي دقلي قال مالل منتسلى قلتلو امان بغار بس قلي ماعليكي منو
اطلع امين فيها مستغرب وهي اشرتلو بترجي مايحكي
امان:امين صحيح
امين:قلت البنت محبوسة بالبيت بغيرلا جو المهم تعال
امان:مابدي نعسان بس كان بدي اطمن عليك انت منيح حاسك مزعوج
امين:في شغلة قالقتني عم فكر فيها
امان:شوهي من شومزعوج قلي
سكر امين لسبيكر؛بكرا بخبرك كلشي
امان:امين انت بعدك عالخطوة التالتة
امين:اكيد
امان:انت متاكد
امين:طبعا
امان:طيب بكرا منحكي ديربالك عحالك
امين:وانت كمان تصبح على خير
امان:تلاقي الخير
امين:يلا وصلك تاخر الوقت
جوري:عنجد شكرا كتير
امين:بس تحبي تحكي بسمعك
جوري:اكيد
_________________اليوم التالي___
كانو واقفين ومزروعين كلن متل الالف وهوي عم يمشي قدامن:امان لاتتاوب
قطش امان متاوبتو:حاضر سيدي
كرم:وين نارا
امين:مارح تجي مريضة
كرم:خير خير شبا سنفورة
امين:عم يوجعا راسا
كرم:ريتو امان ولاهي
امان:شكرا لمحبتك الزايدة سيدي
كرم:سمعوني انت وياه وياها اليوم عنا حفلة غير شكل بتاخدو عدة وبتنزرعو باويار بدنا نخلص باسرع وقت يومين ليكون القسم جاهز مفهوم
_؛مفهوم سيدي
كرم:سمعو وركزو منيح مابتتعاطو معن ممنوع رفع السلاح ابدا ومن هلا شهر عم تفهمو شهر واحد بس بدو يكون الوادي منتهي بتشتغلو تحت تصرف امين بكلشي اكتر من شهر بيوم واحد بس هادد الفرع فوق راسكن عم تفهمو
_:مفهوم سيدي
كرم:الحمار الي عن يتاوب لايتاوب
امان هوي وعم يتاوب:سيدي الله وكيلك نعسان حرام عليك
كرم:نواسة حبيبي من عيوني بصحصحك
مسك كاسة المي ورشقا على امان كلا:احح يازلمة شبك
كرم؛شوقلت
امان:عنجد كنت بحاجتا بوردت
كرم:سيليكون
ليال:نعم سيدي
كرم:رح تكوني المسؤولة عن العساكر بلقسم الخلفي نواسة
امان:خير
كرم:خير يصيبك يابرغي قلبي رح تكون المسؤول عن القسم الامامي طبعا كلو في حال احتجنا لدخول عزقة
جيهانغير:نعم سيدي
كرم:ونعامة الي ترفسك رح تنسأل عن الاسقاط المظلي
امان:ااووو شكلا شعلت اكشن
كرم:امانو
امان:حاضر خرست
كرم؛موضة
مجد:نعم سيدي
كرم:انت رح تنسأل عن المدفعية
مجد:كييف
كرم:مواختصاصك مدفعية
مجد:اي
كرم:معناتا انت هيك مسؤول سمعوني بيوم وليلة بعطي امر تدمرو اويار بتنهوها بدي مجزرة
مجد:انت هيك عم تخالف القوانين هني ماقالو تشتغل هيك هني طالبين الوادي وبس
كرم:حدا حكا شي ماسمعت يرجع يعيد لان ياانا انطرشت يااما هوي لسانو بدو قص ابن الوزير انت حبيبي موحابب تعبك كتير رح تدير الخطط ومسؤول عن الخريطة
امير:امرك
كرم:اما امينو فهوي يستلم الوادي وبعدا على حسابو يعمل الي بدو ياه فيه امينو طبعا مارح يرد لانو مطنش الحكي كلو يؤبرني وبخصوص نارا فهي مادخلا طبعا لانها مسؤولة عن تحقيق وانتو ضباط تجهزو بعد يومين دخولنا لاويار
طلعو كلن من عندو:امين تعال شوي
مشو امان وامين سوا لقعدو عمقعد:شبك
اطلع امين بامان نظرة مومفهومة:انت عم تكذب علي بشي
امان:لا
امين:اكيد امان
بلع ريقو امان هوي ومتوتر:اي
امين:مستعد اتحمل كذب العالم كلو الا انت لاتخدعني امان ماني متحمل
امان:امين
امتلو عيون امين بدموع:تعبان امان تعبان كتير متمني نام ومافيق حاسس حالي مخدوع بس انت كون سادق والبقية كلن يكذبو عادي بتحمل انجرح من الكل الا منك
كان امان عم يطلع بامين بعيون حيرة وقلق عم يستحقر حالو كيف عم يخبي عنو قرب وضمو وامين ارتخاا بحضنو عم ياخد نفس بقوة
كانت واقفة عم تراقبن من بعيد هي ومتكتفة قرب وقف حدا اطلعت فيه:غريبين
كرم:بس حلوين بعمرك مابتلاقي بوفاؤن لبعض او ربع حبهن لبعض
ليال:بعمري ماامنت بالصداقة كنت حسن عادي رفقة مصلحة او تسلاية مواكتر بس الطريقة الي بخافو فيها عبعض غريبة ابتسامتن لبعض كمان غريبة المحبة الي بعيونن غريبة وقت امان خاف يكون امين بالتفجير كان عم يبكي متل الطفل ويقول مابتحمل اخسرو الا امين يالله الا امين هون بتحتار ياترى علاقتن الغريبة اونحنا الي عايشين بدنيا غريبة
كرم:بتعرفي لي اسمن نواسة وكهربا لان النواسة مابتضوي ولا بتنور من دون كهربا والكهربا اذا ماضوت مالها طعمة هالتنين اسدق شخصين شفتن بحياتي بيعرفو يقدسو الحب بتعرفي لي امان متاخر ترفيعو لانو العميد حكا عن امين بغيابو انو حيط وبمامعناه راح امان خابطو قتلة ومشكلة كبيرة تدخل ابوحيان ونفدو امان من سجن وتسريح ههههههه عفكرة انا كتير بحبن لانن
ليال:بيقدرو يفهمو على بعض ويعرفو كلشي صح
كرم:صح
ليال:سؤال بقي لي جيهانغير اسمو عزقة
كرم:لانو اقصر واحد بيناتن
ليال:هههههه وانا سيليكون لانو عاملة شفط ونفخ
كرم:اي ههههه
_____________
رن تلفون امين :اي
مجهول:معلم هاد بكون قصر ملهم الوادي
امين:شوقلت
امان:شوفي امين
امين:انت وين
مجهول:بمكاني معلم
امين:انا جاي
امان:لك شوفي
امين:خليك اوعك تلحقني
مشي امين ولحقو امان التفت امين عم يصرخ:اوعكك تلحقنيي
امان بعصبية:موعلى كيفك لوين مقلوع بتقلي وبعدا بتروح
امين:ورحمة انجيلا ياامان اذا بتخطي وراي خطوة ماعاد تشوف وجهي
التفت امين مشي وصراخ امان باعلى صوتو:حيوووان ولااااااا
مشي امين هوي وعم يحاول يهدي حالو:رح اعرف شو عم تكذبو رح اعرف
_____فلاش باك______
كان طالع من غرفة التحقيق لما شافا عم تتلفت حواليها دخلت عمكتبو فورا من غير ماتدق استغرب من تصرفا وقرب من الباب يسمع
امان:شوفي
نارا:اليوم رح روح لعندن علعشا قلي الي اسما ايلول عاملة حادث
امان:شوو
نارا:اطمن هي منيحة المهم اليوم منتاكد من كلشي
امان:لازم نامنلك حراسة
نارا:مافي داعي مارح يصير شي انا بخبرك بكلشي بصير معي
امان:اي ساعة
نارا:ع8 انا مضطرة تطلع قبل مايشوفني المقدم
امان:نارا
التفت:نعم
امان:ديري بالك عحالك
______عودة_____
كرم:والنقطة الاهم خلال ثواني بجحشو عبعض
اطلعت ليال فيه هي ومستغربة من الي صار قداماا
دخل امان هوي ومعصب
كرم:امان
امان بصريخ:نعمممم
كرم:شوهالنبرة ولااك
امان:بعتذر سيدي بس ببوس ايدك اتركونيي بحاالي بس شوي
دخل امان وطبش الباب وراه ومسك تلفونو وعمل اتصال:وينك
نارا:بالبيت
امان بصريخ:لي ماداومتي
نارا:امين ماخلاني
امان:هاد شوعم يصير معو
نارا:مابعرف مبارح كان بقمة عصبيتو بس مااظهر
امان:ليكي نارا اناا مابخسر امين كرمالك كرمال تضلي بنظرو الاخت الحنونة وانا هوون عم اعمل اكتر شي بيكرهوو وهوي اني اكذب عليه
نارا:فهمني شوصاير
امان:انت الي بدك تفهميني شوصار بسهرة مبارح بالزبط شفتيها؟
نارا:بعد 10 دقايق مطعم التراس كون هنيك
امان:ماشي
_____________
بغرفة كلهاا عتمة واضوية خافتة وفيها كمبيوترات الكل قاعد ومركز عليها كان واحد منهن عم يشتغل عالكمبيرتر وامين مرتكي عالكرسي عم يراقب:ليك معلم من القمر الصناعي بين معناا الموقع عالتمام وهاد القصر
امين:بدي المخطط للقصر
_:مهلني دقيقة
اي معلم هاد هوي مخطط القصر بالكامل قصر ملهم الوادي ملهم عندو بيت بوسط البلد بس هون واضح قصر عيلة واحتمال هون بيجتمع مع الوادي او يمكن مقر تاني لاويار
امين:فيك تخترق الكميرات
_:يمين بحلا
__:بامرك معلم
بقي عم يشتغل عالكمبيوتر دقايق معدودة وامين ع اعصابو:مشي
امين:رجعلي بتسجيل مبارح بسرعة
__:هاد هوي
اشتغل تسجيل ليلة مبارح
امين:قدمو عالساعة 8
قدم التسجيل للساعة 8 وامين عم يراقب دخول نارا للقصر مع ملهم وطلعت منو لحالا مغمض ع عيونا بالحالتين
__:معلم قدامن غابة محصنة بالكميرات عندن استطلاع عكل الغابة بتحب ارجعلك لتسجيل اول مبارح
امين:مافي داعي لان المخطط بقول انو هاد قصر عيلة الوادي سمعني بدي طريقة ادخل فيها لجوا القصر
_خطيرة معلم بين كل رجال ورجال موجود التالت الحراسة غريبة متل النمل
امين:مابهمني بدي ادخل لو اضطريت احفر نفق
ركز امين بكلمتو الاخيرة الي طلعت:نفق اي نفق سمعني بدي نفق يوصلني لجوا من وين شوف بسرعة
_:دقيقة لندخل للغابة
دخل من كميرات القمر الصناعي للغابة:معلم اقصر طريق من عند شجر الكينا هاد30 كيلو لتكون تجاوزت حدود القصر ومن مخطط القصر
امين:بدي اصغر غرفة اوصل بقلبا
_:لاصغر غرفة هي موجودة باخر البيت الكردور التاني الغرفة الخامسة بتاخد 800 متر
امين:معكن يومين تكونو حافرين نفق بادوات كاتمة بيوصلني لقلب الغرفة
_:بس يامعلم
امين:نفذ الي عم قولو وركزو معي منيح بالي رح قولو
_______________
امان:يلا احكي
نارا:هيي انا متاكدة
لمعو عيون امان :ا اانت مت متاكدة
نارا:اي نفس العيون الفيروزية الطول والصوت والابتسامة في تغير بلون شعرا بس هدول رتوش بس
امان:متاكدة
نارا:اقسملك بالله ماعم اكذب هيي امان انجيلا عايشة موميتة
وقف عم الحكي كان ساكت تماما هوي وصافن بنارا وعيونو امتلو دموع طمر راسو بين ايديه ورجع رفعو بسرعة هوي عم يضحك:ههههه مستحيل يالله مستحيل هههه هاد حلم اكيد
غطى عيونو بين ايديه وفرط بكي حطت نارا ايدا عتما فورا تكتم شهقاتاا:انا عم احلم ماا اكيد هي ماتت قتلوها هي اوهام
‏قامت وسحبت الكرسة الي جنبو:سدقني هي هيي انحيلا ماماتت بعدا عايشة
‏امان ببكي:يعني اختي عايشة ومانفجرت
‏هوت نارا براسا هي وعم تبكي:حتى صايرة اجمل من قبل
‏امان بتأتأة:هي هي اصلا حلوة بتشبه امي كتير
‏نارا:الي لازم نركز عليه هلا كيف نطالعا
‏امان:كيف يعني كيف نطالعا رح هد بيتن فوق راسن
‏نارا:مامنقدر لانو مامنعرف قصرن وين غمضولي عيوني مافتحت غير اني قدام قصر كبير ومحاوطو شجر كتير وكبير
ركز امان قعدتو والتفت لنارا:احكي كلشي
نارا هي فاقدة الذاكرة من 3 سنين وعايشة مع عيلتا مع زوجا وابن زوجا
امان:شووو
نارا:امان وطي صوتك الناس عم تطلع هي هلا مرة الوادي ومبسوطة بحياتا وبعيلتا
امان بعصبية:كيف يعني هالحيوان زوجا هوي عم يلمس اختي
نارا:بكل الاحوال القصة صايرة من سنين بعد هلا الي منقدر نصلحو هوي نرجعا وبس
امان:احكيلي شوقالت بالحرف
نارا:حكي كتير انو هي فقدت الذاكرة والحمدالله بقت مع عيلتا ماضاعت ناس كتير بعدو عن اهلن وفي منن كانو حوامل مابيعرفو ولادن وين
امان:لحظة لحظة عيدي اخر جملة بالتفصيل
نارا:موشي مهم عم تحكي عن الي بيفقدو الذاكرة بشكل عام
امان:نارا كرمالي ركزي وحاولي تتذكري شوحكت بخصوص اخر جملة
صفنت نارا شوي وصارت تحكي ببطء وهدوء هي وعم تحاول تتذكر:في كتار غيري فقدو الذاكرة وعاشو مع عالم تانية من غير مايعرفو عيلتن الحقيقية اذا هني متزوجين او لا اوبالاصل اذا كانت حامل وعندا طفلة او لاا دنيا غريبة اي هاد الي حكتو بالزبط بس مافهمت
امان:او بالاصل اذا كانت حامل وعندا طفلة او لاا
او بالاصل اذا كانت حامل وعندا طفلة او لاا
او بالاصل اذا كانت حامل وعندا طفلة اولا
بقي عم بعيد الجملة بهدوء ويكررا
نارا:اي وصار شي تاني عالعشا ملهم استأذن شوي وقتا سألتا من ايمت متزوجة ابتسمتلي وميلت راسا لجهة الدرج اول شي مافهمت بعدين اطلعت بطرف عيني كان خيال ملهم واضح عالفازة القبالي كان واقف عالسفرة
‏بقي امان صافن فيا شوي وبعدا حكى جملتو الي صدمت نارا:انجيلا راجعتلا الذاكرة نارا
_______________
مراد؛شورح تعملو
جهاد:نحنا عوشك دمار اويار كانت تدر ارباح كبيرة يوميا بالملايين
سلطان:نقتل امين
مراد؛شوقللت مستحيل مابسمحلكن عم تفهمو
سلطان:مين انت لتسمحلنا او لا ياولد
مراد:الي عم تفكر تقتلو اخي مابسمحلكن عم تفهمو هاد اخي ابن امي
جهاد بصريخ:مراااد
مراد:مابسمح بقتل امين ولابقتل اي حدا خلصنا بقااا كفانا اجرام لهون وبس في الف شغلة نشتغلا غير خطف الناس وتعذيبن غير انو نبيع البنات ونتاجر فيهن غير انو نصنع مخدرات ونبيعها في الف شغلة شريفة غير هدول عنا نوادي رياضة ومطاعم بتعيش احفاد احفادنا خلصنا بقا بكفي حرب نحنا عيلة فايز اخوكن وابوحيان ابوكن وامين اخي نحنا مين عم نحارب عم نحارب الي من لحمنا ودمناا ماضل فينا ذرة انسانية لنضل حاطين ايدنا مع الي دمر باقي عيلتناا لك هاد اجرم ابي اجرم قتل انسانة بريئة مالها ذنب اجرام بعت راس طفلة لابوهاا اجرام حرقا قدام عينوو تركا حرقا وغصة بقلبو العمر كلو ونحنا شوهمنا راكدين ورا المصاري شوبتعمل المصاري عمي اذا حدا فيكن صرلو شي شوقدرت المصاري تعمل معناا ليكا ريحان ماتت شو فادتناا مصاريناا وليكو مطر لحقاا انتو هيك عم تكفو بحرب ماالها نهاية ممكن باي لحظة موت انا او ميلا ومفكرين لين اذا سفرتوها مارح يوصلولا غلطانين هني قدرانين يوصلو للكل بس ماعملوها بالوقت الي عنا الاخ قتل اختو هني ماعم يهدرو دم العيلة كلشي عندن غير لك حتى بحبن لبعض سابقيناا شويعني البنت الي بحبا تقلي انا مومعك انا بكون مع ابن عمي بحربو كل مصاريهن مابتوقف قدام حب واحد منهن لتاني نحنا مين عم نحارب مين اذا كرهكن جبركن تحطو سلاحكم براس ابوكن بتعملوهاا ؟انا مابقدر اعملا انامابقدر اقتل اخي مابقدر اقتل الي من دمي ولحمي ولاانتو هيك فكرو نحنا ضايعين حاجتنا ضياع اكتر من هيك عمي مطر كان سبب بتدمير انسانة بريئة سلما بكل برودة اعصاب ومااهتم هوي الي بلش الحرب موهني لازم تعرفو انو حبن لبعض بيدفعن يعملو شغلات اكبر بس نحنا ماحدا فينا بضحي كرمال التاني فكرو منيح وخصوصي انت عمي موامان عدوك عدوك هوي الوادي الي ضحك على ابنك وسلمو وخبرن انو الو ايد باقرب فرصة
تركن مراد وطلع وكانت ميلا واقفة عالباب عم تراقب:يمكن معو حق نحنا بعمرنا ماكنا متلن ماقدرنا حتى نحب بعض بطريقتن مادخلن باغلاطنا هني عم يشتغلو بعيد عننا عم يحاولو يمشو حياتن عكس تيارنا مشان مايئذوناا نحنا ااي كلنا غلط موهنن
لفت ضهرا ومشت تركت جهاد وسلطان واقعين بحيرة ومهمومين كان حكي مراد وميلاا كاسة مي صحتن من كابوس هني عايشينو
صعب انك تمشي بمسار وانت مغمض بس الاصعب انك تصحى فجأة بنص الطريق وتنتبه انو كل الي مشيتو ماكان الا غلطة منك استنفذت كل طاقتك
_______________
‏كانت واقفة بين الشجر وعم تتلفت حواليها وتحكي عالتليفون:عم قلك يومين انت لي ماعم تفهم عليي ماعم يحكو اكتر من هيك كتومين لابعد الحدود
‏الوادي:ليكي وليي والله بجي بقتلك بنص الفرع بتندفسي تتقربي من امين
‏ليال:الزلمة خاطب
‏الوادي:كييف؟خطب
‏ليال:اي وعرفني عليها وعم يأكد انك عطيتو درس كل عمرو مابينساه
‏الوادي:معناها انتقامو مني كرمال الذكرة الي حفرتا بعقلو
ليال:مافهمت طالما كتير اكل همو اقتلو وخلصنا ‏
الوادي:لوبدي اقتلو قتلتو من زمان بس اذا امين بينخدش انا عم قوم البلد كلا ضدي بجيبو راسي وراس عيلتي خلال دقايق اذا انت مابتعرفي مين عيلة المسار انا بعرفن كتير منيح صار لازم افهم انو كل الي عم يصير معي تخطيط امين هوي مابحارب فورا هوي بيشتغل من تحت الطاولة سمعيني شورح قلك
_____________
كان عم يسوق وشارد لما طلعت سيارة قدامو شحط فرام فورا باخر ثانية ونزل من سيارتو واتفاجئ اول ماشافا؛انت
قربت منو بهدوء وقفت قبالو:اي انا
امير:شوبدك ميلا
ميلا:كل هل قد بتكرهني ومومتحمل تشوفني وين الحب الي كنت تحبني ياه ضاع
امير:انتي ضيعتيه وقت كذبتي وقلتيلي انا لسا بحبك وماعم يلمسني بتفاجأ بعد فترة شو انك حامل لي لي تركتيني عيش على أمل
ميلا:بس انا ماكذبت ولاكان يلمسني بوقتا هوي اخدني غصب عني اناا مادخلني
امير:لي هلا لي بعد 3 سنين
ميلا بصريخ:لاني ماعم انساااك لانو بحبك مفكرني مبسوطة غلطان لك انا بتمنى اكرهك بس ماقدرت ماقدرت امير ماقدرت عقلي بقلي اكرهيه وانسيه بس قلبي ماعم يقبل مصر كل ماينذكر اسمك يخفق بقوة انت عايش جواتي امير ماعم اقدر اتخطاك ساعدني كرمال الله قلي كيف انساك شوفي دوا بخليني مااذكرك مااحلم فيك مااشتاق لصوتك ولريحتك كذاب الي بقول انو البعد بنسي انا بهل 3 سنين كنت عم موت على غيابك على انك لما تشوفني ولاكأني موجودة كل هل قد هنت عليك
_بقي عم يطلع بعيونا الي امتلو دموع وهوي مقهور وماعم يقدر يحكي:انت أذيتيني كتير كنتي بكل مرة بدك انا الي ضحي بكلشي كرمالك مرة شغلي ومرة اسمي ومرة عيلتي والاخيرة انك هلا عم تحاولي تشتتيني لحتى ضيع وماوقف جنب امين امين الي وقت تركتيني كان ينام هوي وعم يطبطبلي لاغفى الي كان يدافع عنك ويقلي هي مالها ذنب بس انت شو حقدك عامي على عيونك انا تخطيتك ميلاا وتخطيت قلبي الي حبك تخطيت وقت اسمع اسمك يرجف قلبي عودت عيوني على انك شي عادي ومايلمعو وقت يشوفوكي تعبت كتير بس خلصنا لهون وبس نحنا مانا لبعض انا ماعاد مستعد حارب كرمال حب بين ثانية والتانية تقليلي كنت عم اخدعك انسيني متل مانسيتك والله يبعتلك الي بحبك
التفت هوي عم يحكي بقبلو:كذاب امير كذاب انت بتعشقا
ميلا:بس انا بحبك والله ماعم اكذب وحياة الله بحبك
التفت امير ورجع وقف قداما:بتقبلي تتزوجيني وتنسي عيلتك عالخالص
ميلا:....
امير:لكن انتهينا the end
تركا ورجع ركب سيارتو ورجع اناري لورا ولف السيارة بارضا ومشي وصرخت ميلا باعلى صوتا:بس انا بحبككككك والله مابدي شتتك انا بحبك والله
قعدت بلارض تبكي وتشهق قامت متل المجنونة ركبت سيارتا ودعست عالفرام ومشت باقصى سرعة كانت عم تنفد بين السيارات وتزيد عالفرام وعيونا كلن دموع ماعم تشوف قداما ولاتسمع صوت الزمامير الي حدا كانت عن تسمع جملتو الاخيرة(لكن انتهينا the end)
انتبهت لسيارتو الي عم تزمرلا نزلت البلور:ميلا خففي السرعة رح تعملي حادث
ميلا بصريخ:شوبهمكك موانت مابدك ياني لي لحقتني
امير بصريخ:عم قلك خففي السرعة رح تعملي حادث
ميلا:موانتهيناا موقلتلي the end شوبعد بدك منيي خلص روح واتركني انساني هي انا عم انساك
امير:انا كذاب والله بس ببوس ايدك خففي السرعة خلينا نحكي يلا
كانت عم تزيد السرعة وهوي يزد معا ويصرخو عبعض:بوعدك احكيلك كلشي بس خففي
ميلا ببكي:يعني انت بتحبني
امير:اقسم بالله بحبك وبموت فيكي
ميلا:ماعم تكذب
امير؛لاوالله بس خففي
ميلا:طيب طيب
صارت تدعس علفرام مايعطي صارت ترجف ودموعا عخدا:امييير ماعم يدعس ماعم يدعس
انصدم امير:ميلاا حاولي مرة تانية وانتبهي للسيارات
صارت تدعس عالفرام ومايشتغل:امير ماعم يدعس ماعم يدعس ساعدني امير
امير:رح ساعدك حبيبتي لاتخافي
اطلع امير بالطريق الفاضي الي نهايتو تكسر الحاجز وتوقع بالبحر واطلع بميلا شد سرعتو وسبقاا وفجأة ميل سيارتو بنص الطريق وقف قطع الطريق صرخت ميلا باعلى صوتا وهوي عم يطلع فيها ويبتسم:امييييييييييييير
واصطدمو السيارتين سواا
__________________
كانو كلن قاعدين عم يشربو قهوة بمكتب كرم وامان وامين ماعم يحكو بعض تنيناتن متجاهلين بعض لما اجا خبر عاجل عالشاشة بالخط الاحمر:اصطدام سيارتين على الجسر الرئيسي احداهما قطعت الطريق للاخرى تبين فيهما شخصان مجهولا الهوية حتى الان
كرم:الله يعين العالم
مجد:هلا بينقلو مباشر
كان امان حاطت راسو بين ايديه عم يفكر امين عم يتفرج عل خبر طلع بث مباشر فوري لمكان الحادث الاسعاف والشرطة معبية المكان كانو السيارتين عاجنين بعض عجن:كما تبين معنا هوية الشخص الاول النقيب امير فايز المسار ابن عائلة الامن الكبرى المسار والفتاة الاخرى تحمل هوية ميلا جهاد المسار
وقف امين بسرعة واطلع امان بالشاشة فورا والكل انصدم اول ماسمعو الخبر
صرخ امين باعلى صوتو:اميييييير
دفش الطاولة برجلو وطلع بسرعة ولحقو امان
كرم:مجد ليال ابقو هون
طلع كرم وراهن بسرعة شاف امان عم يركد عسيارتو:مالحقتو
كرم:اركاب معي بسرعة
_______________
وقع الجهاز من ايدا فورا وانهارت عالارض وصرخت باعلى صوتا :اميييير
نزلت اديل عن الدرج بسرعة:شبكي ماما
انتبهت للشاشة ورجفت اول ماشافت اسم امير :امير اخي
انهارت بلبكي:امييير
كانت نارا واقفة عالدرج وعيونا كلن دموع وكانو جمدت بمكانا وهمست بصوت قاتل:امير
________________
شحط فرام فورا ونزل كانو عم يركبو امير بسيارة الاسعاف ويحاولو يانعشوه:شبو
هزلو الدكتور براسو باسى
طلع امين بسيارة الاسعاف فورا مع امير ومسكلو ايدو:امير رد علي اخي رد اميير
_:اذا بتريد حالتو خطرة اهدا خلينا نعرف شونعمل
________________
وقفو سيارات الاسعاف مع بعض وكان الكل ناطرن اخدو امير وميلا فورا:الشب فقد كمية دم كبيرة دخلو عالعمليات فورا والبنت متلو
دخلوهن فورا للعمليات وقفت الممرضة قدام امين:اذا بتريد ممنوع تدخل
امين:لاتخلوه يموت
_:اتركنا نشوف شغلنا
قعد بالارض منهار ودخل امان فورا ركد لعندو:اميين
ضمو فورا وامين عم يبكي:اخي جوا امان اخي الصغير جواا بين الحيا والموت
بكي امان مع امين هوي ضامو
وصل الكل :ابنيي وين امين قلي ابني وين
اطلع امين بهند الي عيونا كلن دموع وقرب ضما لحضنو هي وعم تبكي
قعد ابوحيان علكرسي مومصدق انو حفيدو الصغير بين الحيا والموت وفايز عم يضرب راسو بالحيط
كانت نارا ضامة اديل هي وعم تبكي وتهديا
قامت نارا فورا ومشت ورجعت لابسة تياب معقمة ودخلت
كانو عم يشتغلو بامير وميلا سوا ويحاولو يانقذوهن:مين انت وكيف بتدخلي
نارا:انا الدكتورة نارا المسار عم اختص جراحة
_:اذا بتريدي التنين من عيلتك يفضل تطلعي
انتبهت نارا لميلا واتذكرت وقت شافتا يوم الاجت عالفرع لعند امين
قربت نارا فورا من امير:مين الدكتور المختص
_:اناا
نارا:انت روح للبنت بسرعة انا بساعدو
_:بس
الدكتور:اتركها
مسحت نارا دموعا بكم ايدا واطلعت بامير الي مجروح من كل مكان:بسرعة جيبو مكبر للبطن
الدكتور:نفذو الي بتقولو يلاا
كانت في بلورة كبيرة ببطن امير وكتار برقبتو وايديه:مامنقدر نشيلا رح يصير نزيف بسرعة شيلو البلور الي برقبتو وايديه بهدوء وانتبهو اذا الشراين متأذية
قربولا الجهاز من بطن امير وهي فورا راحت للوحة وصارت تراقب:خدو يمين شوي
لحظة لحظة قرب من الاعصاب
انصدمت نارا فورا وتركت الجهاز:جهزو انعاش فورا رح تنفجر كليتو
قربت نارت من امير فورا وخلال ثواني انفحرت كليتو وانطرشت كلا بالدم مسحت بكم ايدا:عطيني ملقط بسرعة
سحبت البلورة فورا وقف قلب امير عن الدق:الانعاش
_:شحنا 200
مسكت الجهاز وضربت اول ضربة انتفض جسم امير وماعطى استجابة زيد
_:300
ضربت نارا تاني ضربة وبعدو قلب امير موقف
صرخت باعلى صوتا:لاتموت امير لااتمووت
اخدت نفس وضربت الضربة البعدا وعطى قلبو اشارة فورا
اطلعت بنبضات قلبو عالجهاز هي وتعبانة وابتسمت بقهر:لازم نعاين راسو بسرعة ليكون في نزيف داخلي جيبو دم oايجابي فورا لانو نزف، واضح فيه يعيش بكلية وحدة سكرو النزيف فورا رح شوف البنت
قربت من ميلا
_:في كمان بلورة ببطنا بس موخطيرة اصابتا بتنسحب فورا
:طلعوا فورا
رجعت التفتت لامير والدكتور عم يطلع فيها:دخل بغيبوبة
بقت عم تطلع فيه وعيونا كلن دموع
طلعت لبرا اول ماشافوا كلن ركدو وانتبهو للدم الي معبا وجها وايديها:نارا شوصار
فايز:امير كيفو نارا
نارا ببكي:انفجرت كليتو بوجهي
هزا امين من اكتافا:طمنينا امير عاش
نارا:عاش بس دخل بغيبوبة
قرب مراد وجهاد الي كانو ناطرين عنار من نارا:وبنتي
اطلعت بجهاد وهي شاردة
مراد:جاوبينا بترجاكي اختي كيفا
نارا بهمس:الي جوا اختك مراد؟يعني اختي
مراد:الله يخليكي قليلي كيفا
نارا:منيحة في قزاز ببطنا رح يطلعو اصابتا خفيفة امير الي متئذي لان كانت الضربة لجهتو
هجمت هند عجهاد:كلوو منكن الله لايوفقكن ابني هلاا جوا بسبب بنتكن لك الله يلعنكن