للحظة قلت زعمة تكون خولة. وبعد قلت نونو مكانش دليل يقول هك
انا كوبيت. على خولة. نشوف. فيها حتى هي كوبات تليفون ياربي هي. هي
قدمت عندها سلام خولة
هي تربثت كي قالي خولت و و وووا وااش خولة وين تعرف اسمي
هو خولة اناهشام
وهنا كانت الصدمة اه ياربي. طلعت نحب هذاك السامط. عظيت. شواربي وجيت ماشية حكمني من ذراعي خولة تعيشي ماتمشيش. سوء تفاهم. برك درت ليه ضربتو بكف. وقتلو ماتمسنيش يارخيس
هو بقيت حاكم وجهي وزدت نقمت. عليها. انا هشام. هشام لي لبنات كامل تجيري ورايا. تجي. فرخة تبهذل بيا زادت نار شعلت فيا وحلف اني ننتقم منها حلف نخليها تحبني وتترجاني نعتقها
مشيت وخليتها
هي تحكي. انا بعد ما مشا هو مشيت انا وانا نبكي. علاه ياربي زهري هك. علاه علاه مش من حقي نحب ونتحب علاه. لي حبيتو يخرج. هك عيطت لوسام صحبتي قتلها راني في لفوايي ارواحي جاتني وسام. لقاتني نبكي حكيتلها لي صار وهي تتحضن فيا. وتصبر فيا
جازت سمانة متشفتوش وحتى الفيس بلوكيتو بعدها. لحقوو الامتحانات نديروهم. ونديو العطلة. تاع الصيف كامل. فرحلنين. الا انا بيسك. مروحة. للجحيم اخر يوم. تاع لقراية جا هشام انا كنت انا ووسام انا ماشفتهش وسام:خولة
انا وين
هي دارتلي براسها. تاع شوفي
انا هزيت راسي نشوف هشام لابس سروال جين باج مع باسكات بيضة تريكو بوغدو وفوقو فاست باج. اسمر وعنده لحية خفيفة شعره. كحل مطلعه وريحته. تضرب من بعيد وداير لونات هبط من طموبيل هاز تليفون. بجيهة و مفاتح من جيهة انا شفتو عظيت شفتي ومشيت هو خولة الله يسجيك سامحيني
انا....... نعض غير في شفافي
هو بغا يحكمني من ذراعي
درتله. بيدي تاع stop
هو جيست حبيت. نمدلك. هديك
خزرت في يدو نلقا الشعر لي كتبته لماما وزادا فوطوها
ياااا شحال وانا نحوس عليها عندي غير هذيك لفوطو نتفكرها بيها من فرحتي خذيتها. منه وعنقتو ونقوله ميرسي ميرسيييي
هو تبسم وحتى هو عنقني انا ذبت في حضنو وريحتو
وسام كانت. واقفة وشاهدة على كلشي.....
يتبع
