انا بقيت. نبكي. ونبكي حتى غفيت ساعة لي فقت لقيت دكتور قالي. يابنتي. جاو الجوندارم باش. يحققو معاك انا تفكرت حالتي وبديت. نبكي قتلو ايه. معليش كي بغا يخرج عطالي تقرير طبي يثبت. الي انا مغتصبة وقالي. نحكيلهم لي شفتووتني. احكي لي عندك قتله. باهي
انا كنت مدورة وجهي مش قادرة نواجه حتى حد
هو سلام
انا....
هو انا ظابط لي راح. يحقق معاك. في قضية اغتصابك
انا.....
هو يامدام كي نحكي. معاك دور ليا وجاوبني علابالي. لي صارلك صعيب اما لازم. توقف على رجليك
انا حسيت هذا صوت. نعرفه. ياربي صوت اياد اما متبدل شوي. فيه نبرة رجولة. مخلطة بحزن و كان. واثق. من روحو بالزايد اه ياريت. يكون اياد راني. محتاجته في هذ لوقت محتاحة نبكي. على حضنه
هو يامدام. نحكي معاك
انا فطنت من سهوتي وقررت نخزر فيه
اااه يربي. اياد. هو هو اياد متبدل بزاف. اما عرفته مستحيل ننسى خويا طويل. وعريض داير لحية. خفيفة. جاي حنطي مطلع شعره بالجال ولابس لاتوني زادة فيه نص بقينا باهتين في بعض
انا سكتت. وبديت نبكي.
اياد. من غير ما يحس على روحو. قرب ليا و تحضني ويبكي حتى هو
انا بديت نضرب فيه. على صدرو علاه علاه اياد تخليني تروح ياك وعدتني تحميني. وين كنت كي صرالي. هذ شي كامل
هو سامحيني ياروحي. سامحيني المهم بديت نحكيله وهو يكتب في تقرير. ويبكي بعد ماكمل قالي وذرك اوصفيلي. الحيوان لي دار فيك. هك ليوم نحيلو.... انا خفت عليه لزوج قتلو مش راح. نشتكي بيه. قتله يتولاه. ربي هو ياخولة كيفاه هذا. شي وانا اصريت قتله مش قادرة على المحاكم. وتزيد تتشهر قصتي خليها في الستر دارلي براسو اوكي. وقبل مايخرج قالي وجدي. روحك. باش تروحي. تسكني عندي. من ليوم تنسي حياتك لقديمة قتله اوكي وقتله ميرسي. قالي. مابيناتناش. يابهلولة انا ضحكت وريحت شوي. بيسك. لي كنت محتاجته جاني ليوم بعد شوي دقدق اياد لباب. ودخل خولة لاس عليك. انا وي حمد لله هو هيا باش نخرجو وترزحي لدارنا انا اوكي عاوني نضت. دارلي. خيماري. وخرجنا متكيني عنده مع خرجنا من. لكلينيك يقابلني الوحش لي دالي. اغلى حاجة عندي كي شفته لا ارادي تخبيك. ورا اياد هو شافني عينيه وساعت
اياد خولة. شبيك
انا ولا شي اياد خلينا. نروحو
اياد اوكي
ركبنا في طموبيل اياد. ورحنا. لداره كانت صغيرة اما مليحة. وكانت كلها مقلوبة.
انا كنت مهدودة. سيرتو بعد لي شفته ماحكيت ولا كلمة دخلت لبيت اياد وتكيت بقيت نبكي حتى داني نوم رقدت
كي نضت نضت نعيط ونبكي بالصوت بيسك شفته في لمنام جا لعندي اياد. خولة خولة شبيك. وبقا يقرالي في القرأن حتى هديت وبعدها قالي هو عنده خدمة وحتى في الليل. يرجع قتله اوكي. وخرج بقيت انا في هذيك. لحالة. درت قرأن قعدت نسمع وهديت خلاص نضت فرزت الدار. ودرت لعشا وبقيت نستنى في اياد. حتى جا كي دخل. خولة خولة انا نضت. ليه وشاف. دار. ساجية. قال اوووه ختيتو كبرت وعادت مرا تاع دار لازم. نزوجك. انا كي. قال هكاك سبقتني دمعة وهو. عرف الي هو خربها ولا قال امممم ريحة بنينة. عندي شحالل ما كليتش. ماكلة دار حكمته من. يديه. ورحنا لكوزينة كلينا وغسلنا لمواعن. وقعدنا. في. الصالون نحكيو وحكالي كيف ماتت ماما سليمة ودخل لبيته جابلي صندوق قالي قبل ماتموت ماما. عطاتلي هذا. قاتلي. اوعدني توصله لخولة وانا ليوم وفيت بوعدي حليت. الصندوق لقيت فيه. خاتم و سنسلة وتصاور. بزاف. و رسالة
تصاور تاع ماما وهي ورسالة تاع ماما. خلاتهالي. قبل ماتموت مهم. قريتها وشفت تصاور. وبدين نبكي نبكي حتى رقدت لغدوة من ذك نضت. لقيت اياد. في لكوزينة. يغني. ويطيب في لفطور
انا صباح. لخير اياد
هو صباحو خوخة
انا راك زاهي وتغني مع صباح
هو كيفاه مانزهاش. وختيتي رجعتلي
انا ربي يخليك ليا. اياد. وعظيت شفافي وهو عرفها. الي راح نبكي
هو خلاص خلاص ماتبكيش عيشك.
انا. ضحكت وقعدت معاه نفطرو
هو اني رايح نخدم نرجع. للغدا نتغداو ونخرجو نشريو حوايج
انا اوكي
هو خرج وانا. بقيت ندور في دار
يتبع
