*الحلقة الرابعة و العشرون*
*سمعت كلمتها و اتجننت يعنى ايه الكلام دا مراته ازاى*
سارة : انتى مجنونة مراته ازاى يعنى
امير : اهدى يا سارة و هفهمك
سارة : اسكت انت مسمعش صوتك دى مراتك لا دا انتوا مجانين راسمى
*مشيت من قدامهم تاخد نفسها و بعدين رجعت*
امير : سارة انتى فاهمة غلط
سارة : اطلعوا برا
نور : يا سارة حصل سوء تفاهم والله انا مكنش قصدى انا مش مراته احنا أصدقاء بس
سارة : والله
امير : اه والله *بضحك*
سارة : طب دا هزار دا
نور : معرفش انك هتقفشى اووى كدا
سارة : طب إذا كان كدا هروح اعمل الفطار *بابتسامة*
*مشيت من قدامهم تعمل الفطار*
نور *بضحك*: هو ايه الى حصل
امير : لا دى البداية انا لسة مشوفتش حاجة ربنا يقوينى
*بتجهز نفسها و بتلبس بعد ما كلمها عشان يخرجوا*
فاطمة : وعد انتى راحة فين
وعد : فارس هيعدى عليا
فاطمة : طب قوليله يخف شوية خروجات
وعد : حاضر يا ماما ممكن بقا تساعدينى عشان مش عارفه هلبس ايه
فاطمة : امرى لله اما نشوف اخرتها
*خلصت لبسها و مستنية يجى*
فاطمة : وعد انا هخرج اشترى حاجات
وعد : ماشى يا ماما
فاطمة : هو أتأخر المرة دى ليه
وعد : مش عارفة
فاطمة : طب خالى بالك من نفسك سلام
*مشيت و هى قاعدة بتفكر تتصل بيه بس خبط الباب قطعها ابتسمت مسكت الهدية جايباها ليه ،مخبياها وراها و فتحتله الباب لكن كان واحد لابس كاب و ماسك بيتزا فى أيده*
وعد : افندم
: حد كان عامل اوردر اتفضلى
وعد : لا محدش عمل اوردر اكيد غلطان فى العنوان
: الاوردر باسم استاذ فارس
وعد : فارس طب تمام ثانية واحدة *ادتله فلوس و خدت البيتزا منه و دخلت*
*مسكت تليفونها تكلمه و تشوف ليه مجاش لحد دالواتى*
وعد : الو يا فارس انت فين
فارس : انا جاى اهو عشر دقايق و اكون عندك وحشتيني...ايه مفيش وانا كمان اى حاجة طيب
وعد : لا مفيش *بابتسامة* شوفت اديك هتنسينى انت باعت بيتزا ليه
فارس : بيتزا ؟!! انا مبعتش حاجة يا وعد وعد انتى سمعانى *الخط قطع*
وعد : طب اكل منها ولا لما يجى لا آكل احسن سارة تاكلها
*سمعت حد بيفتح الباب*
وعد : انتى لحقتى يا ماما
: لا يا روحى
*قامت انتفضت من مكانها *
وعد : حاتم !!انت ايه الى جابك هنا و خرجت من السجن ازاى
حاتم : انا مدخلتش عشان أخرج *بابسامة خبيثة*
وعد : انت عايز ايه و جاى ليه بعد.دا كله انت معندكش دم
*مسكها من شعرها جامد و هى بتصوت*
حاتم : بقولك ايه كلمة زيادة هتقرى الفاتحة على روحك ها قولتى ايه
*سابها و هى وقعت على الأرض حست انها دايخة و مش قادرة تقف على رجليها*
#يورا
