رسالة كل يوم ..

الذكريات

النسيان .. مع الوقت هتنسي .. الجملة دي غريبة اوي .. هو لية الناس بتعمل معانا ذكريات .. ما كان احسن نفضل كدا نعرف بعض من بعيد لبعيد .. لية نحب بعض و بعديها ننسي كل حاجه كانت بنا .. لية الناس بتطلب مننا ننسي ناس عشنا و كلنا و شربنا معاهم .. اتكلمنا معاهم بالساعات و شاركناهم احسن و اسؤاء أوقاتنا .. خدو من وقتنا عشان نسمعهم و هما بيتكلموا.. و شاركونا لحظات كانت فعلا حلوة  معاهم .. لية بنعمل ذكريات لناس هننساها .. ماهو يا ننساهم و منعملش معاهم اي ذكريات من الاول يا نعيش طول الوقت فكرين كل ذكرى جمعتنا بيهم من غير ما نتألم.. اصل الدنيا بتتغير اوي بس لما تتغير مش لازم ننسي .. ممكن نفتكر و نضحك .. و نقول الله يمسيهم بالخير