شيخه كلبي بارت
اتهستررت كمت اصررخ كالتلي اسم المستشفئ وركض طلعت اجرت تكسي ورحت احسس طرريق شطولة ددموعي ينزل بددون وعيي اتصلت ع محمد اول مرة ماكو ثاني مرة يالله
_ها مسووكة حبيبتي
_ويننن انتوو راح اوصل للمستشفئئ ايات شلونهة بيهة شي زينة لو لا
_انتي بغداد؟
_محمد مو وكت اسئلةة وين انتو
_بلعنابة المركزة ايات احنة قريب يمهة راح انزل بلباب حتئ اصعدج فوك
_سديت المبايل احس روحي راح تطلع معقولة ايات يصير بيهة شيي معقوولة تروح نن ايددي دخيلك ربي وصلت نزلت ركض وشفت محمد وجهة اسود من القهر
_وينهة ايااات وينن
_لا تخافين يكول دكتور اليوم حالتهة مستقرة بس اهدي
_شهدددة شهدددة محمدد اياات راح تروح من ايدي شهددة وعبالك غريبة محد دك وكال اكلهة شنووو نسيتونيي
_ع كيفج اهددي ع كيفجج انشاءالله مابيهة شيي بس اهدي
_وديني الهة
_دخلنة للمستشفئ وصعدنة فووك ومشينة يالله وصلنة للعناية المركززة طبعا دموعي مااوكفن ابدد مو هينة هاي صديقتي اختي احسهة مرات امي كلشي بنسبة الي خايفة يجي يوم لو يصبح صبح وايات مو بحياتي اصعب افكارر تجينيي شفت بابا رحت لحضنة ونهاريت كمت اناشغغ بابا ايات اموت اذا صار بيهة شيي بابا فدوة ادري بيك مجذب علية كلي بيهة شي عفية بابا
_ياروح ابوج مابيهة شي ياعمري بس بداية الحادث فطبيعي شوي تكون تعبانة
_من شوكت الحادث
_لبارحة العصر
_وليش محد كالي
_نعرفج شكد تحبين ايات وانتي ع جية كلنة نسكتت
_وضمون علية موو
_خلص بابا هسة انتي عرفتي بقيتت توترر موتني وبس بجيي حتئ اختهة مابجت مثلي اجة دكتور وحاجيته
_دكتور شلون ايات
_جسمهة تعبان حيل ومانعرف شممكن يصير بعد ساعة دعائكم الهة
هنا نهاااريتت بججي كمت الطم يعني اياات ممكن باي لحضة تروح من ايدي حاجو دكتور وبالف ياعلي قبل افوت اشوفهة بس خمس دقائق بس يارريتي مادخلت هاي ايات هاي حبيبتي هاي يلي ضحكتهة ماتفارك وجهةة هاي يلي دومهة ضاحكة ومبتشررة هيج اشوفهة مددة من كل مكان مضمدينهة ماكدرت اوكف كعدت وابجي ايات لا تسوين بيه هيج كوومي ياعمري كومي ماكدر بدونج مااسوة شي انتي اختي وصديقتي وامي ايات انتي من تصخنين بالي يمج ليش هيج تسوين بيه وتعوفيني كومي حاجيني اياات لضلين ساكتة تدرين بيه مااحب من احجي ضلين ساكتة كوومي فددوة اروحلج كومي واخذ ايدهة وبوستهة ممرضة كالتي كافي لازم نطللع مر اسبوع يوم حالتهة مستقرة يوم لا مارجعت للبيت ولا عتبت باب المستشفئ امي دكلي رجعي رتاحي امهة واختهة يمهة اني قافلة ماكو ولا ارجع ولا اعوف ايات اني اخت ايات مو بس صديقتهة بعد ممر اسبوع حالت ايات بفد يوم تعبت كلشش دكتور يكول ساعتين جاظة اذا عاشتت فمكتوبلهة عمر اني تهسترت كمت اصررخ واضرب ع خدي ضليت لازمة القران واقررة يمكن لان ماريد تمر هل ساعتين اخاف من يلي جااي بس جانو اسرع ساعتين بعمري محمد مدنك راسة ويبجي صح محمد كشكولي بس مايبجي مااذكر يوم شفتة يبجي مرو ساعتين وكال دكتور الحمدالله تحسنت حالتهة احس بعد ماكدر مابية حيل ابجي ومر اسبوع وايات ع حالتهة لحد ماصحت ايات وطلعوهة بغررفة امهة واختهة مجانن موجودات راحن يجيب شغلات لايات عرفن راح تطلع بغرفة رحت يمهة بلغرفة اني ومحمد اول سؤال سئلتة هو عن ابنهة سؤال الي مانعرف شلون نجاوب علية محمد ماكدر طلع
_مسك شكو ليش طلع محمد ابني بي شي ليش بطني ماككوو ليشش
_بس اهدي هذا امر الله وطفل مات بسبب الحادث هنا ايات تهسترت جانت حيلل متعلقة بطفل كل ماتكبر بطنهة شوية تصورهة فررحانة حيل بس يافرحة ماتمت اااخ الله يساعدج اجت ممرضة وانطتهة ابرة ونامت ضلت بس تهمس ابني وابني كامت كل ماتكعد تبجي وتصررخ تحسنت حالتهة وطلعت من المستشفئ فترة شهر كاملة اني مخبوصة بأيات مالي علاقة بغير شي احاول اطلعهة من وضعهة ومر شهر واني ومحمد انطلعهة ونحاول وياهة تحسنت بس جانت كل ماتشوف وحدة حامل لو طفل تضل تبجي وتذكر ابنهة رجعنة دوامنة حتئ تلتهي شوي طول شهرين الي مرن همي ايات لا افكر بغير شي ولا بالي بغير شي
شيخه كلبي
نرجع ونشوف ضرغام واحولة خلال شهرين المرو
........
بعد ماطلكتهة سودت الدنية بعينيي صررت نفسسية لدرجة حتئ صارو يضوجون يكعدون يمي كمت اعارك ذبان وجهي وكل يوم مسويلي عرركة وي وحدة من نسواني وشاحتهة ع ابببسط الاشيااء الاكل اذا ناقصة ملح اكلب دنية حتئ بناتي قبل يكعدن ويسولفن وياي هسةة ماكو كامن يخافن يجن يمي حتئ ملاك دكلي بابا شبيك بس تصييح خواني مااكعد يمهم دوم بغررفة مسك ناسية ثووب اكعد اشم بريحتهة لفرشة نامت عليهة مابدلتهة تجيني افكار اروح اخذهة من بيت اهلهة ومالي علاقة بيهم مو بيدي نفسيتي تعبتت ماتوقعت فراكهة راح يسوي هيجج بية بالي كلة يمهة تفكيري بيهة يمكن لان اول مرة احب من كلبي ماصايرة وياي قبل وامي كل ماتشوفني تصيح وليدي واعرفك واعرف لبيك صاير حقنة ونكدي وما ينكعد يميي حتئ وي انور هذا يلي مااعاركة ولا يوم مضوجة مني كمت اتعارك وياه بس لان يعرف لبية مايزعل ومن ورة عصبيتي جانت عدنة كعدة عشائرية وصار حجي ومشاحنات طلعت حركت كلبي بيهم حتئ الفصلوني والفصل زاد ع ناس بس اني دفعتة لان من ورة خبالي وعود عايف مسك لا طبعا اكو مراقب يراقب تحركاتهة كلهة من صبح لليل سمعتة مرت اخوهة مسوية حادث واني ادري شكد تعزهة وتحبهة والي حرك كلبي رجعت دوامهة يعني يشوفون طولهة تحجي وي شباب ليشتغلون وياهة شبت لهدوم علية صح طلكتهة بس احسهة تخصني مالازم احدد يحاجيهة لو يشووفة هية مالتي وخلال هل فترة رحت لبغداد وشفتهة احسهة ذبلانة مو مسك القديمة اكيد بسبب الحادث لصار لمرت اخوهة بقيت ع حالي الئ ان صار 5تشهر مطلكهة ومااطالعة من راسي صرت كل أسبوعين لو اكثر اروح اشوفهة ضعفتت وصرت مااهتم بروحي ولا اطلع اني ضرغام جنت ميمر يوم اذا ماطالع طلعة هسة مالي خلك اطلع باب البيت اذا اريد اطلع للشط يم انور مارروح لغير مكاان ابددد بس بعد هاي الاشهر اجاني الخبر لخفت اسمعة طوول فترة طلاكنة
_________________________________
مسك
مرت الاشهرر واكو نقص بداخلي شنو مااعرفه ماعرف ليش احس هيج مرات افكر بأهل ضرغام اوو الاصح بضرغام نفسة مادري ليش اكول يمكن تعودت علية بس ماراح من بالي ابدد ليش مااعرف مااحجي لايات لان لبيهة كافيهة ماريدهة تفكر بلبداية اكول يمكن لان متعودة ع ايات وسوالفهة وفجاة تمرضت وتعبت نفسيتهة هيجج صارر بيهة بس لا ايات رجعت تمام وحياتهة مثل قبل واحسن بس بعدة نفس الاحساس نفس الفراغ الي بداخلي ماانكر مرت ايام شتاقيتلة بيهة وايام اكول ماصدكت ع الله عافني وضالة بين نارين من رجعت لكل عرف اني طلكت بما بيهم احمد صار يحاول يحاجيني ويتقربلي بس مطنشته كاعدة بصالة اتابع مسلسل ونزلت ايات
_تعاي مسك اريد احاجيج
_هاا ايات خير
_انتي بيج شي؟
_لا مابية ليشش
_شنو مابية انتي مو مثل قبل ملاحظة نفسج دومج ضايجة وتصفنين وحتئ اكلل متاكلين مثل الناس يعني بالف ياعلي تاكلين نص صحنج شبيج بس كليلي اني مو وحدة مااعرفج حتئ اصدك مابيج شي لا اني اعرفج اكثر من روحج فهمتي احجي يالله
_مادري ايات مادري احس اكوو شي بداخلي احس اكوو نقص جبير وسببة مااعرف شنوو بلبداية كلت يمكن بسبب مرضج بس بعدينن انتي تحسنتي واوضاعج صارت تمام بس كل مايمر الوكت يزيد نقص بداخلي
_اكلج سببة شنو
_شنو بالله
_شتاقيتي ضرغام
_لا ضرغام شلة علاقة بلموضوع
_لا شلون شلة علاقة من اطلكتي ليوومج بس ضايجةة ومالج خلك مااعرفج يعني عمرج مصارر بيج هيج هاي اول مررة
_مادري مااعرف مشتاقتلة لا بس كل لاعرفة احس اريد ارجع لهناك هاي حياتي ردت ارجع الهة هسة لا اريد ارجع لهناك
_يعني حبيتيه
_مادرري وماريد احبه
_اعررفجج كلش زين ترئ الحب لا عيب ولا حرام وحتئ لو ضرغام ترئ ضرغام شهم ورجال من حجيج امبين ترئ واذا حبيتيه شبيهة
_بيهة هوواي واحد هاي مرتة متعوفني هو اني وياه لا مسولفين سوة ولا كاعدين كبالهم وغزل وسوالف وسوتلي سالفة شكبررهة وشكدهة بس لان العائلة تحبني لعد شسوي لو حبني ضرغام وبعدين اني مادري اذا هو يحبني لو يريدني ولو يريدني ماطلكني وعافني جان كالي بكل سهولة طلاك ماكوو بس ماحجة
_واحد شلج بمرتة ثنين انتي طلبتي طلاك لج لو مايعزج ويحبج من درة بيج تاخذين مانع جااان يكدر يأذيج ويذلج بس الي سوواه كلش عادي مقابل شي يلي سويتيه
_ااخ مادري ايات فدوة سدي الوضوع واني صاعدة لغرفتي وضليت افكر بكلام ايات معقولة احبة ومعقولة هو يحبني اي لو مايحبني جان موتني من درة اخذ مانع
انشل عقلي من تفكير نمت ثاني يوم ايات ماراحت لشغل عدهة موعد دكتور مر دوام عادي مابي شي نهاية لدوام اجة احمد
_مسك عادي احاجيج
_اي كول
_شوفي ادري بيج طلكتي بس اني لهاي لحضة بعدني اريدج بلحلال اني دزيت الولدة لبيت ابوج لا تكسرين بية مثل قبل وماتوافقين والله احبج واريدج ومستعد شتردين اسوويلج
_بس..
_لا تردين هسة اريد جوابج تعال لبسني الحلقة مسك ماحلت بنية بعيني بعدج
احبچ واريدچ صدكيني مراح تندمين
_ضليت ساكتة واتجهت سيارتي ركبتهة وضليت افكر بكلامة ممكن اذا تزوجنة اعيش احسسن حياه يمكن املي الفراغ لبداخلي وهو يحبني اكيد مراح يأذيني وراح اكون سعيدة وياه بس ضرغام اوووه شلي دخل بضرغام هو طلكني وعاش حياته وي نسوانة وبناتة تارسات البيت واني اضل هيج ليش شناقصني اوافق وابني حياتي من جديد هواي احسلي
يتبعع.......
للكاتبة سجئ العلي
أنت تقرأ
شيخه گلبي
Romanceاين انا واين انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ وماذا يقول قَلبـ♡ــيے. /فتاة م̷ـــِْن المدينة ارادت الاقدار ان تجمعها مع م̷ـــِْن يختلف عنها ماذا كان رأي القلبين بما جرا
