شيخه گلبي

بارت 14

اختكم الكاتبة سجئ العلي
شيخه كلبي
فد يوم كاعدين كل احنة بصالة وديمة تريد تروح لهلهة راح تبدل حتئ يوصلهة ضرغام طبت الغرفتهة نص ساعة وطلعت تصيح لحكولي لحكولي
_ضرغام_شبيج شكوو
_الحكلي انباكيدد بيتك الحكلي
_شهل حجي هذذا شنوو انباكيت
_طبيت ابدل وكلت البس  قطعة ذهب فتحت علبة ذهب مالكيت بس سنسلة ومحبس كلشي ماخوذ كلت يجوز طايحات كمت ودورت الغرفة كلهة مالكيتهن
_شنو هل حجي دورتي زين يعني وين يرحن دوري زين يالله تحجي
_اكلك كلبت الغرفة كلاب ماكوو بيهن 6ملايين
_مسك_شوفي نور يجوز خذتهن تلعب بيهن لبستهن وخلتهن بمكان ماتدري
_شصدجج بتي تمد ايدهة
_مكتلج هيج طفلة خاف شافتهم ورادت تلبسهم
_نور_لااني مداخله للغرفة
_الحجية_لا تسويلنة خبصة انوب مامدورة عدل
_عمةة اكلج كلبت الغرفة كلاب ماكوو
_ضرغام_ابلعن وين يعنيي
_خلي نفتش الغرف
_نجبي لجج شنو نفتش الغرف اهل بيتي ياخذونهن قصدج
_ ماكتلك هيج بس احسن نفتش ونشوف
_كلتلج نجبي وسدي الموضوع هسة تلكينهن بغرفتج دخلي انتي ومسك وزينب وفتشن عدل تلكنهن
_مسك_خلي تفتش احسن
_شنووو تفتش راحن خيولن بس مال تفوت لغرف اخواني واتفتش لا اكسر رجلهة
_الحجية_خلي تفتش ودور احسن يجوز لبنيات ماخذاتهن وذاباتهن بمكان ندور احسن انوب اذا ماندور شيفكنة من لسانهة جنك ماتعرف امريتك
_اكص لسانهة اذا حجت فوتي انضبي بغرفتج وسدي الموضوع
وكل واحد لغرفته يالله
كلهة راحت لغرفهة وضرغام طلع صعدت الغرفتي يومين تحوم تريد ذهبهة كاعدة انضف بغرفتي وشلت الفرشة وحت احيب وحدة ثانية فتحت كنتور لفرشات سحبت فرشة وطاح ذهب كوومة انصدمت هايي شنو وشجابهن هنا معقولة مالت ديمة لميتهن بعلبة ونزلت دكيت الباب مالت غرفة ديمة همة كاعدين سوة بصالة عصرية اكل وجاي وهل سوالف فتت الباب ودخلت الهة
_ديمة جاي انظف غرفتي وردت ابدل لفرشة وفتحتت لكنتور وليكت هذا ذهب هذا ذهبج ضاع؟فتحتة وزكحة بوجهي وبصوت مسموع
_لا ياحرامية ياماتستحين طلعتي انتي لبايكتة والله لفضحج
وطلت تصيح بصالة هاي مسكك لحاطينهة ع روسكم بايكة ذهبي الحراميةةة
_ضرغام_شبيج ديمة انتبهي لكلامج شنوو بايكة ذهب شنوو حرامية شبيج
_شبية اسئل مرتك جاية ذهب وجاية دكلي ستري عليه خذت الذهب بدون قصد وخفت خاف شيخ ضرغام يشوفهة ويطلكني دخيلج ستري علية
_ضرغام_بصدمةة شنووو مسكك
_مسك_ضالة مصفصفة بمكاني مصددومة من حجيهة فزيت ع صوت ضرغام يصيح شنو مسك
انتي شجاي تخربطين شنوو جاية اكلج ستري علية احترمي جيتج وانطيتج ذهب شنو بايكتة
_ضرغام_لج مسكك ماخذهة ذهبهة
_شنووو مخذة ذهبهة جاي انضف فتحت الكنتور سحبت فرشة طاح ذهب لميتة وجبته الهة شنو ماخذتهة اني بت عز وخير مااباع ع شي مو الي لو شيصير وشوكت طابة غرفتهة اني عيب عليج احجي صدكم شكتلج اني
_ديمة_اجيتي تصيحين ستري علي ومن كشفتج هيج صرتي مو تصيحين لا يشوف ضرغام ويطلكنيي وين راح حجيج هاا
_وع شنووو اكلج اخاف ضرغام يطلكني اني اريدة يطلكني ليوم كبل باجر بس متوصل بيه امد ايدي
_لا جذبين انتيي جبتي وتصيحين تريد تفرهة عليه جذذذابةةة بواكة حراميةة ماتستحين
_احترمي لا افرك حلكج جيتج بحترام وكتلج ذهب لكيته بغرفتي لا جذبين وطلعين حجيي زايد
_هااي كبال لكل ولكل يحكم اجتني وبيدهة ذهب وتذكرون من اجيتكم كالت خاف تلعب بي نور وحطت بمكان منا منا عرفت السالفةة زين ورادت طلع روحهة وذبهة برراس بتيي
_لجج س****احترمي لا اموتج احسن منج بطاقات بت خير وشايفة كل لخير ماامد ايدي ع شي مو مالتي
_رقية_يااا يااا مسك والله مااتوقعتهة منج تمدين ايدج واحنة مامنينج ع بيت
_عامر_سكتي انتي مالج دخللل فهمتتي
_مسك_والله ليريد يصدك بكيفة ولما يصدك يطك راسة بالف حابط لا تهموني ولا تهزون شعرة من راسي خوووش ولا اضل ساعةة وحدة بهل بيت ناركم تاكل حطبكم وصعدت الغرفتي اعصاب اسمع هوسة جووة شوي واندك الباب منو
_اني ضرغام
_عوووفني بحالي ماريد احجي وي احدد
_فتحي الباب لا اكسرة ومحمد
كمت فتحت الباب ودرت وجهيي عنةة
_كعدي خلي احاجيج
_شتحاجيني ومرتك مبوكتني فووك ضيمي تطلعلي هااي ليش جبتني لهنا ليش دمرت حيااتي ليش خذت لتريدة طلكني وفكني 3تشهر مكفنك تنتقم مني مكفتنككك يعني
_خليي احجي لا افر وجهج براشدددي ومحمدد
وين لكيتيهن واحجي شصار
_حجيتله كلشي صار هز راسة وطلع رجعت قفلت الباب ومافتحتة لاحد اول مرة هيج يصير وياي كعدت بجيي شسويت ياربي حتئ اتعاقب هل عقربة شسوويت وينج ايات وينج جنت كل مااختنك من واحد يأذيتي اجيج وافرغ همي يمج وينج ماردت اتصل واسوي سالفة واروح قبل لا اخذ حقي منهم ولا اكدر اضل كاعدة بمكان بوكوني بي بس ادري ربي ميعوف عبدة وراح ياخذ حقي منهم
شيخه كلبي
ضرغام
..........
طلعت من البيت من سمعت من مسك وديمة اجذب اذا اكول ولو واحد بلمية مصدك ديمة صح صالهة سنين وياي بس اعرف غيرتهة ووشنو ممكن تسوي بقيت ع شط منا لحد ما عتمت دنية رجعت للبيت بوجهي للمطبخ لكيتهن يحضرن العشة صحت ديمة تعاي وراي
_ها شيخ خير
_خير بوجهج شوفي ديمة اجيبهة من الاخير سالفة مسك مادة ايدهة وماخذهة ذهب هاي سالفة مداخله عقلي احجيلي صدك مادام نفس طيبة عليج
_شقصدك اني اجذب هية اجت وكالتلي
_لتفرين سالفة احجيي صددك اني ممصددك سالفة مسك ماخذته احجي لا اسوي غيررر شيي يالله
_كامت تمتمت
مثل ماكتلكك م ما ماعرف
_شنووو ماعرف احجيي لا اسووي شي ميعجبج
_احجي بس انطيني رأي والامان
_هااا چاا لفكر بيه صدك
_انطيني رأي والامان واحجي
_الج رأي والامان واحجيي يالله
_اي اني اخذت ذهب وحطيته بغرفتهة(تحجي وترجف)
_يمي مزهرية ودفرتهة وليششش
_كل من وراكم حاطينهة ع روسكم شسووي تصفكولهة وكلكم تحبونهة الحجية دكومنة بصيحة ودكعدنة بصيحة وهية يمة وفدوة وسويت هيج حتئ تكرهونهة وطلكهة لان انتة ليل ونهار عيونك بس عليهةة تدكول احنة مو نسوانك كمت تخربط بلايام وتروحح الهة وماتحس لا بية ولابزينب شنو احنة مو بشر مو حالنة حالهة مو احنة نسوانك لوو هيةة تختلف
_تدرين ليش تختلف لان ماتخلي روحهة بهيج مواقف بايخة لان محترمة نفسهة ومحترمة ناس لكاعدة بلبيت تجيبين روحج ويااهة قسماا بالله طلاك بيج حلال بس ااخ عيون بتي كبالي
_لا ابوووس ايدك الا طلاك
_شوفي طلعين كبال لكل وتحجين يلي حجيتيه وخرر عن وجهي يالله ادبسزز
درت رايد اطلع صاحت وراي
_عشكتهة يضرغام
_شجاي تحجين
_شحجي عشكتهةة وصارت هيج عزيزة دافع عليهةة
عفتهة تلغي وطلعت صعدت يم مسك سادة الباب دكيته
.........
مسك
بقيت للمغرب بس احرك بروحي ادن الاذان كمت فرشت مصلايتي وصليت مااشكي الاحد غير ربي هو ياخذ حقي منهم سكو واحد شك وماصدكني كمت لميت مصلايتي خلصت ولميتهة كعدت مكاني مافتحت لباب لاحد ابد شووي وندك الباب ضرغام مالي خلك نقاش فتحت الباب وكعدت بمكاني
_نزلي جوة
_ماريد
_كتلج نزلي مالي خلك لا اطلع حركة كلبي بيج
_كتلككك ماريد شعدي نازلة موو حرامية شكو تخلون وحدة بواكة يمكم
_(بصياح)مسكك نززلي كددداميي بسرررعةة
_صراحة خفت ونزلتت مردت ادخل لصالة رحت للحجية بس بداخلي خوف ممكن تكون شاكة بية وصلت للباب وشافتني
_تعاي يمة ليش حابسة روحج تعاي
_اجيت وكعدت يمهة
_شوفي يمة هاي ديمة لو تركض بديهة ورجليهة ما صدكهة لو تمووت حتئ حموينج احمد وسامر وعامر اجوو وكالو مامصدكين واذا ع جناين كايلتلج اني ذني صاحبهن ع مصلحة ولركبة وداعتج يمة لا تقهرين روحج
_عمة اني ثاقة بنفسي بس اليوم تسوي هيج باجر تذب علية شي ميلبس عليه ثوب شلون بالله
_مالج علاقة بيهة محد مصدكهة ولا راح يصدكووهة
شوي ودخل سامرر
_عاد ليش حابسة روحج منو كلج مصدكينهة مراح نصدكهة لو تموت شبيج انتي صح مصالج هواي ويانة بس نعرف اخلاقج ونعرف طبعج
_مشكور
_بس والله طحتيلنة برزالة منين طلع هل لسان 😂😂جنتي خانسة طول ل3تشهر
_هههه لا اني مو لسان بس ليدوسلي ع طرف ميلوم الا نفسة
_احسنن
كاعدين وصاح ضرغام اريد لكل بصالة يالله
لكل جان موجود وديمة واكفة طك بصابيعهة
_ضرغام_كعدو احجي ديمة
_ديمة_مسك مالهة علاقة بشغلة ذهب اني خذتة وخليته بغرفتهة هية مالهة علاقة ومن اجت سويت هيج حتئ تكرهونهة
_الحجية_عرفتج وعلي مرة شكبرج وشكدج تسوين تصرفات مال وحدة عمرهة 15 سنة بس شحجي كون صخونة ع هل سواية
_عامر_رقية اعتذري من مسك ع حجي لحجيتيه يالله
_رقية_شسويت اني
_جايي اكلج اعتذري يالله
_رقية_اسفة
اعتذرت وراحت لغرفتهة
_ضرغام_عاد اجة وكت العقاب ولي منا ماريد اشوف وجهج بلبيت فهمتي
_ديمة_ لا فدوة ابوس ايدك كلشي ولا طلكني
_ااخ لو ما نور جان طلكتج من زمان وخلصت منج اريد اخلص من جهرتج جم يوم ولي يالله بسرعة لا تخليني اخابر اخوج واكلة كلشيي والله بيج كتلة بس طيتج رأي والامان وماكدر ارجع بكلمتي ولي عني لا ابتلي بيج
راحت تبجي صراحة فدد رتاحيت اول مرة احس روحي غبيثة ونحسة لان رتاحيت من طردهة روحة بلا ردة زعطوطة
يتبع.......
للكاتبة سجئ العلي