اختكم الكاتبة سجئ العلي
شيخه كلبي بارت 10
رحنة اني ونور للمطبخ انتضرت الولد يجي والله مطول شوي واجة
_انتة ابن عامر
_اي عمة اسمي منتضر
_اها(للكاتبة سجئ)
_كلشي تحتاجينة اني موجود
_تسلم
_ولو
_كعدت اسوي بيهة ونور
تباوع بلهفة وأنتظار يالله شكد
حبيت شكلهة بعدهي بلفرن وريحة
عبت البيت عبالك بخور فاتت زينب
للمطبخ
_هاا شجاي تسوون
_نور_كيكة لعيد ميلادي
_ها ريحتهة عبت البيت
_اي طيبة
طلعت وشوي وفات
ضرغام فتت للبيت شميت ريحة طرت
راسي واني امووت ع معجنات بأنواعهة
دخلت ولكة مسك واكفه ع فرن
_ااه ام لسان مسوية كيكة
_مرديت ماليي خلك
_اي عمي طلع منج شي غير طولت
لسان بس مو تحطين بيهة
شي
_هلووو شكالولك مامرباية ماعندي
ضمير احط بيهة شي
_هاك استلم هل لسان اطلع اشرفلي
_استوت وطلعتهة تبرد ع ماتبرد
خلطت كريم وعفتة بثلاجة بردت
جبتهة وكعدت ازين بيهة. اني كلش
احب اسوي معجنات
بس طبخ ولا طكة حلويات كلشي
اعرف يعني هواية مثل ميكولون دازين بيهة وفاتت وحدة ضخمة بس حلوة
وراحت نور تركض الهة ماما ماما
_شعدج وي بتي شسويلهة
_بسم الله الرحمن الرحيم
اعرفج تعرفيني حتئ تحجين
هيج
_اعرفج مااعرفج متقربين
ع بنتي فهمتي
_الحمدالله وشكر وبست ايدي
عافتني وطلعت والله يا الله
كملت زينتهة وسويتهة تجنن
عبالك جاهزة حطيتهة بثلاجة شفتهم مجتمعين ردت افوت لغرفتي كلت لا لشوكت ابقة ماعرف
احد بيهم هلي اكعد وياهم فتت
سلام عليكم
_لكل_وعليكم سلام
_رقية_هلا بيج تعالي
_اجيت وكعدت يمهة ضالة
اصفن بلوجوه ماعرف احد
_رقية ضالة تصفين تعاي
اعرفج عليهم
هذاك لكاعد يم شيخ ضرغام من
جهة الباب رجلي عامر وليمة ابني
منتضر وهذيج بتي براء
ولكاعد يم شيخ ضرغام من
جهة الحايط احمد حماج وهاي
مرتة انوار تعرفينهة وهاي بتة
غدير وهذة ابنة علي
وليمة هم ابنة حسين
وهذة سامر حماج صغير
مامتزوج ولبقية نسوان شيخ
ضرغام تعرفينهن اكيد وبناتة
ذني والشيخة هم تعرفينهة
_تشرفت بيكم
_النة شرف
_ضرغام_ليوم داخلة للمطبخ
مسوية كيكة شعدج
_لا معدي بس باجر عيد ميلاد
نور نحتفل بي ورة 12 فسويتهة هسة
_ديمة_محد عتب عليج
ولو اريد اني اسويلهة لو اجيب جاهزة
_مو قصة احد عتب
دنسولف وكتلنة اسويلك كالت اي
يعني اكسر بخاطر طفلة
_نور_اي يمة حلوة سوتهة
_ديمة_انتي سكتي
_شفت سالفة حيصير
بيهة عرك ومالي خلك
كمت وسحبت نفسي
منهم كعدت بغرفتي مرتاحيت ديمة
ابد من اول ساعة عرايك
واني شلون الي خلك لهيج شكول
تسريع احداث
...................
مر شهر عادي اليوم ميجي
ضرغام عبالك عيد عندي ماابلعة
ابد ضليت مستمرة
ع مانع ماريد يصير عندي
طفل واربط الحجية حبابة وياي بس وياهن مدري شبيهة تكرهن بس هنة
يلاسنن ويحجن صراحة اني
اخاف مثل ميكولون بمكان غريب يفترن
علية ويفرسني من يطلعلي لهيج
ابد ولا احجي ولا اجيب طاري الحجية بشي مو زين ابد محترمتهة وعادتهة مثل امي وهم مشفت منهة شي ديمة بس تحجي علية عود لان ماعرف اطبخ وهيج تحجي انطيهة الاذن طرشة ولا اسمعهة بلشت اتعلم شوي شوي بس حلويات ضليت اسويلهم ببن فترة وثانية يحبون هل سوالف خصوصا ضرغام يموت عليهن فاكد واسويلهم علاقتي باأهل البيت قوت اكثر واكثر احسهم صارو خواني ضرغام يكلي لسانج وين راح صايرة فقيرة اكلة لا فقيرة ولا شي الي صار ساعة غضب وطلعت بوجهك بس شيقنعة قااافل ع رأية انو اني ام لسانين يسميني
😂 اني متعلقة بلبنات كلش احبهم لدرجة لا توصف خصوصا ملاك فدوة عليهة لسان ينكط عسل حتئ ضرغام حيل متعلق بيهة زينب خطية فقيرة ميطلعلهة صوت ابد اكلهة شلون صابرة دكلي تعودت وكافي علي من يضحك بوجهي احسن مالكة دنية واهلهة يزوج يطلك مالي دخل اذا الحايط يحجي
اذا اني احجي تكسر خاطري مرات فقيرة كلش بس الحجية متحبهة مدري ليش بيت غريب ناس متحب ناس وناس تعارك ناس وماشية الامور
يتبع..........
للكاتبة سجئ العلي
أنت تقرأ
شيخه گلبي
Romanceاين انا واين انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ وماذا يقول قَلبـ♡ــيے. /فتاة م̷ـــِْن المدينة ارادت الاقدار ان تجمعها مع م̷ـــِْن يختلف عنها ماذا كان رأي القلبين بما جرا
