🌹 *(الله نور السموات والأرض)* ........
فيا الله نور لنا أبصارنا لنري مافيه صلاح دنيانا وآخرتنا .....
~$#$~~$$##$~~$##~##*#$~**
نور بصدمه... نعم بتقول اي
عز بأبتسامة استفزاز.. مش بكلمك انتي بكلم القمر اللي قاعده دي وشاور علي والدتها
نور... انت متخلف ولا مجنون
عز.. ولا دي ولا دي
نور... لا دا اكيد الاتنين
والدة نور... وبعدين بقا كدا عيب يا نور في اي الكلام مش بطريقة دي اعتزري
نور. ياماما اا
قاطعتها والدتها... انا قولت اي يلا
نور... اسفه
عز... ناس مبتجيش غير بالعين الحمرا
نور بغيظ... شوفتي
عز... ها ياست الكل قولتي اي
والدة نور...والله يابني مقدر أقول انا الأهم هي
اسر..ع فكره عز صاحي من واحنا صغيرين وراجل وهيحميها وقد المسؤلية واخلاقه كويسه اوي وتقدري تسئلو عليه اي حد مش بقول كدا عشان هو صاحبي لا خالص اي حد هيقول كدا
حسن..فعلا انا اشهد بكدا عز واسر انا بعتبرهم زي ولادي والاتنين ونعم الاخلاق
والدة نور...والله انا يشرفني واحد زيك لبنتي بس بردو هي الرأي رأيها
عز ل نور...قولتي اي
نور...انا قولت رأيى مش موافقه
ملك...بعد اذنكم نور تعالي معايا عايزاك وانتي يازهره تعالي
اومأو الاتنين وخرجو وراحو الكافتيريا اللي في المستشفي وقعدو
نور...في اي بقا
ملك...رافضاه لي يا نور
زهره.. ايوا رافضه ليه الشاب كويس واخلاقه كويسه اهو
نور...يعني انتو مش شايفين دا مافيش مره اتقابلنا فيها ومتخنقناش
ملك...دي مش اسباب
زهره..ايوا دي مش اسباب
نور...لا دي اسباب لازم نكون متفاهمين
ملك... متفاهمين اي انا عارفاكي كويس دا انتي لسانك دبش
زهره.. ايوا لسانك دبش
نور بغيظ... انتى عامله زي البغبان لي بترددي الكلام
زهره خبطتها في كتفها.. هو دا اللي فارق معاكي
نور.... يا جدعان افهموني احنا مش بنطيق بعض اصلا
ملك بعقل... بصي يا نور ممكن دا يكون بيحصل فعلا بس لما تتكلمو جد وتقعدي معاه هتعرفيه كويس متحكميش من كام موقف حصل بينكم ممكن هو كان بيحب يناغشك مش اكتر وانا عارفاكي مش بتسكتي وكذا مره بتقولي كلام مش حلو في حقه وهو عداه العيب الصراحه ومعندوش غلط مفيش اي سبب للرفض
