وجع الحب

البارت 16

مراد.رجع بيته وهو حزين مش مصدق انه قدر يدفن اخوه بايده اصعب احساس مر بيه حاسس ان قلبه بيتوجعه دموعه نازله لوحدها بيعيد زكرايتهم مازن كان كل حاجه ليه وقطع شروده حد.بيشده من رجل البنطلون مراد بص كانت في طفله صغيره واقفه ف نزل لمستواها واستغرب الشبه اللي ما بينهم وانها نفس لون عنيه
مراد.....معقول دي بنت مازن
فيروز.....انت مراد صح
مراد.....انتي تعرفيني
فيروز هزت راسها ....بابي حكالي عنك كتير اوويي ووراني صور كتير ليك
مراد ابتسم وسكت
فيروز مسحت دموع مراد....انت بتعيط لي
مراد ....لا يا حبيبتي مفيش حاجه
فيروز.....عارف بابي هيفرح اووي اما يشوفك هو فين واحشني اووي بقالو يوم ويوم مش بيجي خالص ومامي كمان مس موجوده ولانناه هما فين
مراد شدها وحضانها .....مامي ونناه جاين بكرا يا حبيبتي
فيروز....طب وبابي فين
مراد.....بابي راح عند ربنا 
فيروز بعدت عنه....يعني اي انا مش هشوفه تاني صح واحده صاحبتي ف الحضانه بابي بتاعها قالتلي كدا ومش بتشوفو خالص
مراد.باصص ليها وقلبه واجعه عليها ومش عارف يقولها اي
مراد حب يغير الموضوع لانه مش قادر يكلم ولاهيقدر يتحمل كلامها .....احمممممم قوليلي ياقمر بقي انتي اكلتي
فيروز......اه الناني اكلتني انت جعان صح
مراد هز راسه باه
فيروز مسكت ايده ....تعالي معايا
مراد مشي معاها وهو مبتسم وبعد كدا قعدته علي سفره
فيروز.....خليك شاطر ومتعملش دوشه وانا هجبلك الاكل واجي

مراد بصلها بتعجب وابتسم
فيروز دخلت المطبخ وطلبت من بنت تحضر ليه الاكل وطلعت لي تاني
فيروز....انت ولد شاطر
مراد .....انتي فظيعه
جت البنت ومعاها الاكل
فيروز.....يالا كل اكلك كله
مراد.فضل باصص ليها ومستغرب هي اذاي شبه كدا وطبعها المرح كدا اذاي
مراد كل لقمتين وقام
فيروز.....انت مش اكلت
مراد....شبعت يالا علي اوضتك بقي عشان تنامي
فيروز .....حاضر
فيروز طلعت اوضتها ومراد فضل مكانه يعيد ف زكرياته مع اخوه وافتكر مواقف فيروز ف ابتسم وطلع اوضته

الايام عدت عليهم ونور وشهيره خرجو من المستشفي و حالتهم اتحسنت لكن حزنهم  مقلش مراد.بيحاول يداري حزنه عن امه عشان يقدر يقويها ويشجعها تعدي الفتره دي

شهيره.....مالك ينور سرحانه ف اي
نور....عادي ياماما
شهيره....هتخبي عليا باردو
نور.....بابا وماما جم عزو وبعد كدا سافرو وماهتموش حتي يعرفو انا هعمل اي ولاحياتي هتمشي اذاي ولاكاني بنتهم
شهيره.....الدنيا مشاغل ياحبيبتي
نور بصتلها ....متاكده من كلامك دا
شهيره ....اه طبعا
نور....علي عموم مش فارق معايا انا اول ماعده تخلص هرجع امريكا تاني بس هعيش لوحدي
شهيره بهدوء.....بوصي يا نور انا مش بحجر عليكي يا بنتي بس لي تسافري وطبعي بنتنا بطبع الخوجات اللي مايعرفوش لادين ولاخلاق هتعيشي بيها لوحدك اذاي انتي اكيد اللي بتتمنيه ان بنتك تتربي كويس وتعرف اصول دينها كويس
نور.....انا هربيها كويس
شهيره.....لوحدك مش هتقدري يا نور وف بلد غريبه كمان ...خلييكي معانا يا بنتي متحرمنيش منكم كفايه اتحرمت من مازن بلاش تحرميني من بنته كمان
نور....بس يعني
شهيره ....بس اي يا نور
نور.....انا خايفه مراد يضايق
شهيره.....مراد ...لااطمني من دي مراد مش هيضايق
نور ....بجد....طيب انا هاخد.شقه وهعزل فيها انا لوكنت اقدر افرش الفيله بتاعت مازن كنت عملت كدا انتي عارفه انه مش عمل فيها حاجه من بعد.سفر مراد
شهيره.....انتي مش هتتحركي من هنا ومراد عمره ماهيضايق من وجودكم كفايه كلام بقي
نور ....بس
شهيره ....مفيش بس