وجع الحب

البارت11

 مسحت البارت ونزلته تاني عشان في تعديلات 🖤

  ليث نفذ كلامه وكلم مراد عشان حور ومراد وافق من غير اي اعتراض ودا استغرابه رامي

رامي......هو انت طبيعي يابني
مراد......لي يعني
رامي.....ف الاول وافقت تشغلها ودا غريب جدا لان ماينفعش وتعتبر عيلتها من منافسين وهي هتشتغل في computer system يعني تفاصيل الشركه كلها معاها وحاليا سابت الشركه وليث بيه هو اللي بلغ حضرتك انت مستوعب اللي بيحصل يامراد
مراد.....خلصت
رامي.....خلصت !
مراد.....حور ماتعرفش حاجه عن سيستم الشركه شغلها كان حمايته بس وليث العقاد مش من النوع دا ف ياريت تهدي بقي ومتكبرش الموضوع
رامي......يخربيت برودك ياجدع
مراد.....اطلع باره بدل ما طلع برودي دا عليك
رامي....وعلي اي الطيب احسن

نور قاعده ف اوضتها متعصبه وحور معاها
حور.....ماتهدي بقي يازفته
نور.....اهدي اي ونيله اي انتي كمان الفرح كمان يومين والمفروض ان مازن بيه يكون جاب الفستان مش فاهمه اي سر تصميمه ف دا وبكلمه مش بيرد عليا وانا متعصبه ومضايقه ومش عارفه اعمل اي

حور ....اهدي بس
نور.....اهدي اهدي شيفاني مجنونه قدامك
مازن .....خالص يا حبيبتي 
نور اتلفتت علي صوت مازن ......انت جيت امتي و واستغربت انه ماسك كفر فستان كبير جدااا
نور.....اي دا
مازن.....دا خلاط
نور......انت رخم اوووي
مازن .....وسعي كدا بس.....مازن طلع الفستان من الكافر بصعوبه بسبب حجمه الكبير وحطه علي سرير
مازن......اي رايك
نور بانبهار......يجنن حلو اوووي
حور.....فعلا حلوو اوي
مازن.....طيب كويس انه عجبك .....انا همشي بقي عشان ورايا مواعيد كتير وفي بنت هتجيلك كمان ساعه عشان لو في مشكله ف مقاس حاجه تاني يا قلبي
نور....تؤتؤ ربنا يخليك ليا ياحبيبي
مازن قرب منها .....قولتي اي
نور.....ربنا يخليك.ليا
مازن......تؤتؤ اللي بعدها
نور ....حبيبي
مازن لسه هيرد عليها قاطعته حور 
حور.....منورين ياجماعه انا عاطف معاكم هنا راعو شعوري يا بشر في اي
مازن.....تصدقي انك فصيله
حور.....شكرا
نور......ورخمه كمان
حور......وانتم غلسين ومش مراعين ان في سنجل هنا ميصحش خالص كدا
مازن مشي ونور قاست الفستان وكان مظبوط عليها وانبهرت بشكلها وكانت شبه الحوريه ف جمالها

الايام عدت واخيرا جيه يوم الفرح
مازن كان عنده مشاوير كتيره جدا وكان بيرتب لشهر العسل وبيفكر هيفجا نور اذاي واحتاج مساعده مراد
مازن.....صباح الفل
مراد.....صباح النور
مازن.....عايزك ف خدمه يا كبير
مراد.....خير
مازن.....خدمه بسيطه خالص هيجي حد.دلوقتي معاه ورد انت هتاخده وتظبطلي الاوضه بيه بس كدا عشان انا مشغول جدااا وعقبال ماجي هيكون لازم البس معلش بتقل عليك
مراد. مش عارف يرد يقوله اي مش عارف هيقدر يعمل كدا ولا لا
مازن .....اي روحت فين
مراد.....معاك.....حاضر يامازن
مازن....حبيبي يا كبير هقفل انا بقي
مراد قفل مع مازن ومش عارف يعمل اي وخرجه من شروده صوت الراجل ومعاه الورد مراد اخدو منه وطلع بيه عن اوضه اخوه واتفجاه ان كلها صور لنور وصور لمازن ونور
مراد فضل يبص علي صور بوجع وحسره وابتدا يزين الاوضه طاقته بتخلص قلبه بيوجعه اووي
مراد.رسم قلب كبير بالورد علي سرير
وعلي ارض كتب love for ever وتحتتها قلب صغير طالع منه سهمين فيهم m.n وخرج من الاوضه ينهج كانه كان بيجري اصعب وجع هو بيمر بيه ومش لاقي ليه حل او نجده