وجع الحب

البارت 15

وبعد وقت طويل رجع مازن بيته ودخل لاامه وهو مهمهوم
شهيره ....مالك يا حبيبي
مازن.....لي ماقولتليش ان مراد بيحب نور
شهيره.....بيحب اي انت اتجننت لا طبعا اخوك عمره ما يعمل كدا
مازن.....امي انا عرفت كل حاجه مالوش لازم كلامك دا ....انا مش زعلان من مراد الحب دا حاجه مش بايدينا انا زعلان عليه وزعلان علي نفسي انا مش عارف اعمل اي ياامي عايز مراتي و عايز اخويا مش عارف اعمل اي ولا عارف اتصرف اذاي
شهيره بحزن علي حال عيالها......عشان كدا كنت رافضاها خايفه يجي اليوم اللي تخسرو في بعض بسببها انا عارفه ان ملهاش زنب ف حاجه بس هي سبب
مازن اتنهد.....عارف كلامك دا و مفيش غير حل واحد
شهيره .....اي
مازن.....انا هطلق نور
شهيره بسرعه .....لايابني حرام عليك دي لسه حامل وملهاش حد ابوها وامها مسافرين بلاش تقسي عليها انت كمان
مازن بانفجار .....والمفروض اعمل اي قولي لي اسيبها عايشه معانا ومقابلها اتفرج عليكي وانتي ببتعزبي كل لحظه علي فقدان ابنك واخويا اللي دي هتبقي النهايه انا مش عارف اعمل اي تايه ومش لاقي حل
شهيره.....مراد خد نصيبه وانا واثقه ان ربنا هيعوضه خير بلاش تدمر حياتك نور ماتستهلش دا و الايام بتنسي واخوك هيرجع ماتقلقش
مازن مش عارف يفكر خرج من عند امه وهو حيران مش عارف يوصل لحل دخل اوضته واتفجاء بنور نايمه بس شكلها دبلان اووي ودموعها معلمه علي وشها وباين عليها الهزلان استغرب شكلها وكانه بقالو مده ماشفهاش شكلها وجع قلبه وحزن عليها
مازن....بتصعبيها لي عليا اووي يانور انا مش عارف اعمل اي وابتدا يملس علي شعرها .....اسف يا نور اسف
نور حست بيه وصحيت ....انت هنا وحضنته ...انت واحشتني اوووي يامازن ماتبعدش عني انا محتجالك
اوي
مازن.....اهدي يا حبيبتي انا جنبك
نور.....في اي مالك
مازن....مفيش ضغط شغل بس
نور....ربنا يقويك
مازن .....يارب

مازن رجع تاني يهتم بنور وشهيره كمان وحياتهم استقرت ومحاولات مازن مش بتنهتهي انه يوصل لمراد لكن في كل مره بيفشل
الايام بتعدي عليهم بنفس الاحداث ومع الوقت اتاقلمو عليها
شهيره  مراد واحشها اوووي بس بتقنع نفسها ان دا افضل ليه نور خلفت بنت وسمتها فيروز
والغريب ان فيروز كانت فيها شبه كبير من مراد وكمان نفس لون عنيه الازرق ودا خلي شهيره بتحبها جدا كانت بتشوف فيها ابنها

بعد مرور 4سنين

مراد بقي اقوي من الاول بمراحل واتحول بقي عباره عن لوح تلج من غير مشاعر ولابيفكر بيها حياته شغل وبس قدر فظرف ال5سنين يثبت نفسه ف سوق رجال الاعمال ويكون اكتر من شركه ف اكتر من بلد

نور ومازن حياتهم مستقره وحبهم بيذيد وفيروز مخليه لحياتهم سعاده وبتنشر السعاده ف البيت كله

مازن  داخل البيت ومعاه شنطه كبيره مخبيها وراه
مازن.....مساء الجمال علي اجمل بنت ف الدنيا
نور.....حبيبي واحشتني اي الشنطه دي
مازن.....دا الدبدوب اللي بنت حضرتك طلبته
نور.....الله حلو اووي
مازن...اه حبيته اووي
نور....بقولك اي انا هاخده انا وانت اقنعها بقي انك مش لقيته
مازن .....عارف انك اتفه منها ف جبتلك واحد اتفضلي
نور....قلبي ياميزو
مازن .....قلب ميزو ....اااه ...ومسك دماغه وقعد
نور بخضه ....في اي يامازن مالك
مازن.....مش عارف يا نور صداع جامد.اووي و حاسس ان الدنيا كلها بتلف بيا 
نور.....انت لازم تروح تكشف الصداع دا بقي بيكرر كتير اوي يامازن
مازن....مش للدرجه دي يا نور دا اجهاد مش اكتر نور ....لا هتروح للدكتور
مازن....نور دا صداع ارهاق ماتكبريش الموضوع انا هروح اشوف فيروز