سقطت تلك النجمه من الثقب الاسود
رفل:اجه علي وانطاني الملازم شفته وي طالبه ويانه تضحك وتسولف ويا اخذت الملازم وتشكرت منه .........
شكرا علي زحمتك
علي : لا رفل شسالفه ماكو اي زحمه اعرفج ع بنت عمي مريم مقربه كلش من عندي
رفل:حبيبي مريم اتشرف انا رفل
مريم :وانا مريم واتشرف بيج نكدر نكون صديقات نروح للكافتريا نسولفطبعا تدور البنات اهم شي بطنهن
رفل:تمام نروح ليش لا
كاعدين بلكافتريا وصفنت مريم اكولج شي بس مستحيه
مريم:كولي حياتي
رفل:عطورات اليخليهن علي حلوات من ياماركه ؟ ومن يدخل للقاعه القاعه تنترس عطره
مريم :هههه عنده محل عطورات يجيب كل الماركات والنوعيات تكدرين ترحين لمحله ادلج العنوان بمسج
رفل:تمام شكرا حبي
وراها بقينا نداوم وتمر الايام واحنه بين المحاضرات وكعده الكافتريا انا ومريم وطبعا صرنا صديقات مقربات بس يبقي الاسرار بحياتي اسرار ومايمكن اكولها لاي شخص احس اذا انعرفت هواي ناس راح تستغل هلنقطه الضعف للاسف مرات الايام وبيوم من الايام طلعت اشتري ملابس وكم شغله شفت محل علي باوعت ماموجود بلمحل هاي احسن فرصه اروح واشوف النوعيات العنده لان استحي ادخل للمحل وهوه موجود
دخلت اشتريت كم عطر يعني جد عطرهم يمووووتتت بسسسسسسس وانا ارد اطلع اتفاجئت بعلي كبالي صار دنكت وسلمت هوه تفاجئ وابتسم مافهمت سبب ابتسامته عرفت ماما عليه وطلعنه بساع ماعرف ليش اخجل من اشوف احد وياي بلدوام واحنه مو بفتره الدوام
رفل:ماما ندخل هلمطعم اكله طيب
الام:بنيتي تعبانه ناخذ الاكل ونروح للبيت مابيه حيل للكعده وسكري صعد
رفل:تمام ماما
اخذنه الاكل ورحنه للبيت بس اول مادخلت للبيت شفت جدو بلحديقه ابو امي وكعت الاكل بيني وبين نفسي شيسوي هلعار شعنده بعد شيريد يدمر بعدد سؤال عود ليش العار مايموت بيوم من الايام سمعت مثل يكول عمر الشقي بقي ........
رحت لغرفتي قفلت الباب ذبيت الاشياء الشتريتهم وبقيت ابجي واعصر بيدي من الاعصاب ماحس نفسي دموعي مثل الشلال الى متى تبقين عايشه بجرورحج الى متى تبقين مكابره مرات الانسان يكره القوه الزايده البداخله يتمنى نفسه ضعيف ويبجي بحضن الحوالي ويسولف الهم على البي وعلى الأمه بس منو يسمعك منو يصدكج رفل انتي انسانه وصخه وصخوج العالم وتبقين وصخه دموعج مايشفعن الج بوسط هلحديث وي نفسي نمت وخطيت بحالم الاحلام حب حقيقي بدله بيضي شخص يفهمج واحلام سعيده مابيها دموع بيني وبين نفسي ادندن موجوووع كلبي والتعب بيه من اباوع على روحي ينكسر كلبي عليه غطيت بنوم عميق ماصحيت اله الصبح
لبست ملابس الكليه خليت مسكارا وايلاينر وروج بلون نود فاتح وخليت عطري المفضل يكون على ليمون رحت للمطبخ صباح الخير لكيت جدو بوجهي لعبت نفسي سويت لفه انا رايحه
ام رفل: ماما رفل شبيج كعدي تريكي
رفل:ماما ماريد اتاخر ع الدوام باعي اجه الخط بيباي
طلعت مزاجي متعكر وضايجه حيل وصلت للكليه جنت مدنكه وامشي باعصاب ماحس اله نضربت بشخص باعصابي صحت شبيكككك متشوووووف ورفعت راسي وانصدمت ..........
تتوقعون صدمت منو ؟ شنو راح يصير
اريد تفاعلكم علمود استمر
الكاتبه #نجمه
أنت تقرأ
ظلام الليل
ChickLitتاها بين الحقائق والاحلام تحت عمر ال13 لم اتحمل المي أبحث عن زاويه تحمل معاناتي وتحتفظ بها ك سر في قاع بئر ليت الزمان لم يعد ولم يحدث ماحدث
