الكتاب ليس واضحا من العنون
علي:شفت لهفه رفل لماما ومن حضنتها حسيتها تريد تعيط وتكول الها احتويني كعدن شويه ورفل حاجت ماما انو يكومن لمكان وحدهن وراحن من طلعن شفت رفل زركه وعيونها حمر وماما وجهه اصفر وعيونها حمر ماحبيت اسئل لان رفل قبل لاتجي كالت اريدد ابقه وي خاله وحدي بقيت صافن بوجهن شصاير
جاوبت ماما :هيج بس سولفتلي من كالو انا متت شصار بيهن وشسون وبجينه يلا يمه علي كافي تحقيق خلي نصب الغده وتتعشه حبيبتي ضعيفه اريدها دبوبه
رفل:ابتسمت ابتسامه حزن
علي:اخخ لو اكدر افهم شبيها جان ارتاحيت كعدتها وي امي مو خاليه وماما صح حاولت متبين اكو شي بس بين واحنه دنحضر الغده مانحس اله ماما وكعت ركضت شلتها وحاولت اصحيها قست ضغطها كولش مرتفع رفل بساع بجت وتصيح خاله اسفه لو ادري هيج يصير بيج ماحجي
علي:عصبت انتيي شسويتي لامي جدج ذبها وراح وهسه دزج تموتيهاااا
رفل:انصدمت مجنت اتوقع من علي هلشي بقيت صافنه خشبه ماتتحرك جنت راسمه علي بمخيلتي غير صوره
بقيت اباوع لخاله لحد مافتحت عيونها باوعتلي مبيه شي يروح خالتج هسه ارتاح وكلشي ينحل
وانته علي انا جنت صاحيه بس ماكدر احجي شلون تحجي على رفل روح لاتصير كدامي
رفل:بوست خاله تردين شي اسويلج شي ؟
ام علي:لاحبيبتي مبيه شي هسه اكوم
رفل:تمام خاله باوعت لمريم ديري بالج على خاله امانه وباوعت لخاله لازم اروح واسفه على الي صار
طلعت صار بوجهي علي مغسل وجهه ويأفئف باوعتله بنضره احتقار على الي سوا وطلعت
رحت لبيتنه وبقيت بحديقتنه مطبيت للبيت نزلن دموعي
رفل منو الج شوكت ترتاحين حتى من لكيتي ملاذج الأمن راح يروح اكيد علي حاقد مني لان اعز خاله وتعزني وراح يغيرها عليه
طلعت فوني حسيت نفسي محتاجه اكتب ومتعوده من اكتب انشر كتاباتي
"اجلس تحت شجرتي الوحيده في صغري زرعتها ولان انا تحت ظلها انضر لتلك الباب العينه اتمنى لو تفتح ويظهر ذالك الغائب الحاضر في الطيف' في يوم من الايام ظهر غائبي وضعني فوق شجرتي لكن فتحت عيني ورئيت والدتي تندهني لأستيقظ كان ذالك طيف ايضا ............... الأحلام لا تموت لكن نحن نموت "
مسحت دموعي دخلت للبيت سلمت على اهلي وتصنعت الضحكه
ام رفل:ماما تغديتي ؟
رفل:ماشتهي ماما اروح انام واقرا
"يمكن تنصدمون بس انا عازله نفسي بس بوقت الاكل والعطل اشوف اهلي
أنت تقرأ
ظلام الليل
ChickLitتاها بين الحقائق والاحلام تحت عمر ال13 لم اتحمل المي أبحث عن زاويه تحمل معاناتي وتحتفظ بها ك سر في قاع بئر ليت الزمان لم يعد ولم يحدث ماحدث
