حكايتي مع الفيس

#حكايتي_مع_الفيس /2

#حكايتي_مع_الفيس
              #كاتبه_مَلكه_العاشقه
الجزء الثاني /2
....
ذكرت إلكم متابعيني الأحبة بعض من محادثات وقضايا حقيقية حصلت على مواقع التواصل الاجتماعي وكنت معكم جدية وصريحة في كل ماذكرته
لفت إنتباهي إلى أن هناك شيئاً مشتركاََ بين كل الأشخاص الذين ذكرتهم في الجزء الأول وهو ..
الكل يدعي أنه إنسان لطيف ومهذب ومحروم عاطفياََ حتى لو كان مرتبط أو متزوج
الكل يتكلم بنفس اللهجة وهي بالعاميه أكتبها لكم 👇
...
((مو كل أصابعج سويه))
((أني شايف وعايف وشبعان))
((أنتي تختلفين عن باقي البنات وأحس بيج تناسبيني ونخلقنا لبعض .. ))
((أني ماعندي علاقه وي غيرج وإنتي أول وحده تدخل عقلي وقلبي وأنفتح الها .... ))
((لو أريد أتسله بنات الليل ببلاش بقوطية ببسي يجن وأجيبهم وأتسله وياهم بس أني حبيتج وأرتاحيت الج ....))
((أني أريد وحده تفهمني وأنتي بيج كل المواصفات اللي أحلم بيها .....))
وهواي كلام و أمور مشتركه بينهم جمعتها بهالجمل حتى أحذر بيها كل البنات وكل اللي تقرة هالكلام صدگيني لاتثقين بيهم ولاتصدگين ولاتصغرين نفسج أنتي تستحقين الأفضل والأحسن والأنضف من كل هالناس الوسخه
حثالة المجتمع إذا صح التعبير
وأني متأكده هواي ماراح تعجبهم القصة وخاصة الرجال بس أني ماحجيت الكلام من عندي واللي يشكك بكلامي يدخلي خاص وعندي بدال الدليل ألف لكل اللي ذكرتهم بالجزء الأول والجزء هذا
بس مثل ماذكرت السيء ذكرت الناس الزينه اللي يملون المكان بالطيب والفائده والذكر الجميل
بعضهم بنات مثقفات وصاحبات أخلاق وبنات عوائل تعرفت عليهم أنا شخصياً ولحد الآن متواصله وياهم
وبعضهم أنقطعت علاقتي بيهم بسبب مشاغل الحياة
وبعضهم التقيت بيهم بمكان وتعارفنا وصار بيننا زاد وملح
بعض الأشخاص نسيت أذكرهم بالجزء الأول ..
محمد/ هذا شخص كان عنده تكسي ومنزل منشور بالفيس يريد خط طالبات ساعدته بجمع مجموعه من الطالبات وتواصلت معه وصار بيننا تواصل عادي جداً
....
...
ماجد هذا محامي التقيت بي في دائرة الجنسيه كان عندي معامله وصار بيننا تواصل على برنامج الواتس آب ووصيته على كم شغله استغربت أن رغم كونه إنسان ناجح ومثقف ومتزوج وعنده اولاد فهو لايمانع من أقامه علاقات متعدده مع مطلقات وأرامل بحجه قضايا يلزمها الهم ويساعدهم بمقابل على مدى مسيرته بالعمل
الغريب حكى لي عن أمور أدهشتني
بعض من العلاقات أقول ((البعض)) موضفات في دوائر الدوله أو في العتبات المقدسه للأسف أقام معهن علاقه هو أو أحد زملائه ويفتخر بهالشي
يذكرون مغامراتهم وقت السهر من يختلون بالمقاهي ويشربون الأرگيلا بالفواكه والكوفي والشاي
وكل واحد منهم يذكر قصصه متفاخر عن علاقاته الغير شرعيه مع بنات مختلفه بمختلف الأعمار ومن كل مجالات المجتمع
نسأل الله العفو والعافية والستر لكل بنت وكل امرأة وان شاء الله اتوفق بهذه القصة التي كرّست كل همي بيها أوعي البنات خاصة من هالخطر المحدق بيهن
ياريت تحذرون من هالاشكال الخطرة
...