حكايتي مع الفيس

زواحف

هذا واحد راسلني بالواتس اب مع الأسف سويت إبلاغ اختفت المحادثه كلها من حضرته راسلني على الخط
الظاهر يعرفني لو احد لو وحده انذال متقصدين يسوولي مشاكل
هذي محادثته ومستغربه حضرته وبعده يراسل

حتى بعد ماحضرته رجع يراسل لو بس اعرف شيريد شكد يزحفون اطيهم بلوك واخلص منهم بس هذا سببلي توتر لان عرفني شلون ومنين حاولت اعرف ماكو
زين صارلي يومين ادور على رجال نجر ابن اوادم يطيح حظه ويسحله ويتوبه بس الظاهر للأسف ماكو زلم نعدمت الغيره بهالزمن
هذا واحد على أساس هكر كلي اساعدج شوفوا شطلب مني محادثاته صورته ونشرته بالستوري بالانستغرام واطيته بلوك

يعني معقوله اكو هيج بشر بعده مامسوي شي ولا مكمل الخدمه مالته يطلب علاقه ادور اكله متزوجه يكلي علاقه اخت بله شتحجي وياهم ذوله؟؟
انتظروني اجمع محادثات كم زاحف وارجع انزلهن هنا وحسبي الله ونعم الوكيل على كل ذكر معدوم الرجوله
👍
بعد يومين من القلق والتوتر بسبب مضايقات هذا التافه اتصلت بالشرطة المجتمعية وحولوني ع رقم اتصلت سجلوا معلومات وكلولي رفعنه قضيتج للقاضي راح يتصلون بيج وانتظرت مر أكثر من أسبوع ومحد اتصل
للأسف قانون ماكو بالعراق وهالشي شجع هالمريض النفسي وأمثاله يتحرشون ويتمادون ويتجاوزون على الناس الضعيفة بس منو يلعب وياي لعبت بي لعب
أني الكاتبه #ملكه_العاشقة منو يلعب وياي ويتحرش بيه نزلت منشور بالستوري خليت رقمه وعلقت بكم بيج بالانستغرام واكو كم واحد عرضوا عليه المساعده وهددوا كلوله نفضحت وصورتك ورقمك ومحادثاتك كلها بالانستغرام بحيث مات من الخوف وفلت مثل الفأر والحمد لله خلصت منه وقررت انشر هنا قصته واي وحده تقره هالجزء لاتخافين إذا تعرضتي لتنمر او تحرش واحد مريض صدگيني جبان وتافه اذا بينتي نفسج ضعيفه راح يتقوه ويهنبل ويتمادى بس اذا صرتي قويه وفضحتي وكشفتي راح يتحول جرذ نتن معفن ويشرد
لذلك احذروا وصيروا أقوياء يابناتي وأخواتي ولاتخافون ابد مادام مامسوين شي غلط ابد ابد لاتخافون
كملوا الحكايه وراح انزل بعد محادثات وزحف وتحرش بالاجزاء الجايه
😘