جريمةوانتقام

الحلقة8

الحلقة 8 :-
شهد:مازن نوض افتح عيونك اني ولا شي من غيرك نوض ادعمني أرجوك اني ولا شي من غيرك
حرك مازن ايده
شهد:مازن نعرف انك تسمع فيا نوض مازن هياا
مازن فتح عيونه شاف شهد
مازن:انتي مني واني وين؟
شهد:مصصدوومة😨😨💔.......اااء اني شهد حبيبتك ماعرفتنيش
مازن:تي من حبيبتي واني وين حولي من عليا مش ناقصك
شهد :ماازن زيد حاول اذكرني اني شهد بنت عمك وحبيبتك
مازن:تي قتلك حولي اني والا خيرك ماتفهميش
طلعت شهد من الدار مصدومة
ريناد:شهودة خيرك؟
شهد:ماعرفنيش يا ريناد ماعرفنيش 💔💔
ريناد:من. هوا يلي ماعرفكش
شهد:مازن فقد الذاكرة 💔
ريناد:ايه عارفة حتى الدكتور لما طلع قاللهم احتمال فقد الذاكرة
شهد 💔💔.....اني بنروح توا نوليلكم بعدين
ريناد:اوكي ديري بالك على روحك
هزت شهد رأسها بمعنى تمام
ركبت شهد لسيارتها وهيا قاعدة مصدومة من يلي صار وتفكر كيف بتكمل طريقها باش تكشف عمامها يلي قتلو بوها من غير ذنب 💔
نزلت من شهد دمعة مسحتها وكملت سواقة
روحت للحوش لقت راجلها واقف يستنى فيها
سيف:شني يا أستاذة خديتي ع القعاد بروحك معاش فيه من يتحكم فيك بديتي24 ساعة وانتي برا والله اعلم شن اديري
شهد:سيف بعد من عليا مش ناقصاتك بككل
شدها سيف من وشاحها وضربها كف
شهد:ايدك آخر مرة تمدها عليا يا حقير
سيف:نعم نعم في وحدة تقول لراجلها حقير؟
شهد:تتكلم بأستفزاز...... ايه اني 😏
فجأة سيف طاح ضرب في شهد وسمية تتفرج من بعيد وتضحك متشمتة
قبل ساعتين:-
سمية:اسمع انت يا ولد تعالا جاي
سيف:نعم يما شن تبي رأسي مصدع ونبي نرقد فوتيني
سمية:مش منك من السم يلي تاخد فيه
سيف:يما شن تبي لخصي بسرعة
سمية:مرتك الدايحة اشبح وين ادور من أول أمس تطلع وتروح في الليل
سيف:تعفلق....... باه باهي يصير خير توا نشوفها ونربيها من أول وجديد
ضحكت سمية بشر 😏
ح///////////////////////////////
نرجعو للحاضر:-
شهد:اااااه خلاص اطلقني بنمووت 😭😭😭💔💔
سيف:اين يا كلبة يا حقيرة تقوليلي حقير انيي لاكن توا نربيك
من قوة الضرب لين شهد أغمى عليها وهيا غارقة بدمها
سيف:وعلى فكرة أنت طالق طالق طالق وهي بري خوديها
كانت شهد مغمى عليها وماتسمع في شي
سمية تشبح من بعيد وتضحك
____________________________________
في المستشفى:-
ريناد:افففف هياا ردي شهد
أمجد:خيرك شن فيه؟
ريناد:هادي شهد من امبكري نتصل بيها ماتردش خايفة تكون صايرتلها حاجة 💔
أمجد:بأذن الله مافي شي أكيدة نازلة لمحل وناسية تلفونها والا ماسمعتاش
ريناد:ياارب ماصايرلها شي...... أمجد
أمجد:نعم يا عيوني
ريناد:نبي نروح للحوش تاعبة هلبا
أمجد:هي تعالي
ريناد:ارفعني لحوش عمي عبد العزيز باش نرفعو معانا شهد للحوش بالك نقدر نغيرلها نفسيتها شوية
أمجد:باهي بري قولي لأمي وتعالي
ريناد:اوكي
نوراة:كيف حالك ياولدي توا ؟
مازن:كويس
نوارة:تتذكر فيا
مازن:في حد ينسى امه❤️
طقطق باب الدار
نوارة: تفضل
ريناد: عمتي اني تاعبة بنروح تمام
نوارة: ايه ايه بري استريحي بنتي تعبتي هلبا الايام هاديى
ريناد: الف الحمد لله على سلامتك مازن
مازن:الله يسلمك
ريناد:هي باي
مازن:مني هادي؟
نوارة:مرت خوك أمجد
مازن:وأمجد تزوج؟
نوارة:لا حول ولا قوة الا بالله
ريناد:هيا أمجد
امجد: هيا
طول الطريق وهما يهدرزو ويضحكو لين وصلو للحوش
ريناد:اسمع خليك هني ماهو مرات نقول لشهد تطلع باش نمشو لحوشنا
أمجد:باهي بري اهو نراجي فيك
ريناد:اوكي........خشت ريناد لحوش عمهم عبد العزيز فتحتلها خدامتهم
نارين(الخدامة):تفضلي مدام مين بدك؟
ريناد:شهد أختي قاعدة
نارين:مابعرف بس سمعت صراخ المدام شهد والسيد سيف في الاوضة وقال ماحدا يدخللها
ريناد:بخوف......باهي تمام
خشت ريناد لشهد ونصدمت من المنضر يلي شافاته..... كانت شهد غارقة في الدم ورأسها مفتوح وحوايجها كلهم ملطخات بالدم💔
ريناد:جت بسرعة حضنت اختها وتبكي...... شش ش شهد نوضي بالله عليك ردي عليا كانك حية 😭😭💔💔
فتحت شهد عيونها بصعوبة والرؤية مش واضحة قدامها سكرت عيونها
ريناد:الحمد لله ياربي......طلعت تلفونها من الشنطة وبصعوبة اتصلت ب أمجد
أمجد:مقعمز في السيارة ويدخن لين سمع تلفونه يشرين
ريناد:امجد لحق علليا تععاالا 😭😭😭💔
أمجد:لوح الجخان يلي في ايده.......خيرك شن فيه 😨
ريناد:شهد ضاربها سيف الكلب وفاقدة الوعي بالله عليك تعالا لحق عليها 😭💔💔
أمجد:جايك هي
ناضت ريناد بحيل مهدود لبست شهد عباية ووشاح
خش أمجد قام شهد وطلع بيها للمستشفى 💔🔥
بعد مرور نص ساعة
طلع الدكتور من الغرفة
ريناد:ناضت من الكرسي
أمجد:كيف صحتها يا دكتور
الدكتور:حاليا كويسة لاكت معلقيلها تغذية لما تكمل طلعوها... ومني متعدي بالضرب عليها  للدرجة هادي لأن في كانت تنزف وفي آثار ضرب على وجهها وباقي جسمها
أمجد:راجلها
الدكتور:ومن تكون حضرتك؟
أمجد:ولد عمها وتقدر تقول زي خوها
الدكتور:اها تمام لو تبو تفتحو محضر توا نعطيكم ورقة
أمجد:توا خليه عندك بعدين ساهل
الدكتور:تمام
ريناد:شكرا دكتور تعبناك
الدكتور:ولو هذا واجبي
ناضت شهد
شهد:ااااه رأسي وين اني
ريناد:في المستشفى يا عمري الحمد لله على سلامتك
شهد:تحاول تتذكر شن صار معاها لين تذكرت ان سيف ضربها........ قعدت شهد تبكي وتتوعد انها تنتقم منهم واحد واحد 💔🔥
بنوتات ليبيات:الظلم وااعر راه وااعر هللبا وبالأخص لو جاتك الكسرة من اقرب الناس ليك وقتها معاش تعرف تدعي عليهم والا تسكت والا تنتقم 💔💔🔥

بعد مرور ثلاثة ايام
الشرطي: ايه تفضل
مجهول:  نبي انبلغ على سيف وحسام عبد العزيز ال###
الشرطي: بأي تهمة؟
مجهول: تهريب المخدرات وحاجات ممنوعة
وهدا الدليل
الشرطي:تمام وشكرا على تعاونك معانا
مجهول: طلع من مركز الشرطة وضحك على الجنب بأستهزاء....... توا نشوفو يا ولاد عبدالعزيز 😏🔥.....يتبع
من بيكون المجهول هجا وشن علاقته بولاد عبد العزيز وهل بيساعد شهد لأنتقامها؟