#الفصل_الثاني
استيقظت من نومها وهي مليئة بحماسة مفرطة، اليوم هو أول الأيام في عملها الجديد، فقد انضمت لفريق طبي ممتاز في مستشفى مشهور جدا بسبب اجتهادها وتفانيها في العمل، ما جعلها اتخذت شهره لا بأس بها مع سنها الصغير
توجهت للمرحاض تبدأ يومها بحمام بارد يزيد من نشاطها خرجت تجفف شعرها وهي تدندن بأغنية غربية، أدت فرضها واتجهت لخزانه الملابس تنتقي منها ملابسها وهي
تحدث نفسها بتفكير : وبعدين يا فروحة هتلبسي ايه النهاردة، لازم تبقي شيك وقمر كدا
وقفت تقلب في قطع ملابسها بعض الدقائق حتي استقرت علي بنطال ابيض اللون وبلوزه كشميرية نسقت معها حجاب يجمع اللونين، زينت عينيها الواسعه بخط من الكحل الأسود الملائم للون عينيها لتكمل طلتها الصباحيه الإيجابية ابتسمت لنفسها برضا والتقطت حقييتها وهاتفها والبالطو الأبيض ومن ثم اتجهت خارج
الغرفه تصفق بمرح : يا أهل الدار.... يا أهل الدار
سمعت صوت والدها يأتي من الشرفة قائلًا: تعالي يا فرح احنا هنا
اتجهت الي الشرفة حيث والديها، وقفت تتكأ علي باب الشرفة
تنظر لهم وتلاعب حاجبيها في مراوغه : عيني يا عيني علي القعده الرومانسية دي
ضحكت والدتها وهي تعاتبها برقة:انتي مش هتعقلي ابدا
فرح بتذمر مصطنع: ليه مجنونه ولا كنت مجنونه، لكون مجنونه وانا مش عارفه
ردت والدتها بسخريه: لأ العفو دا انتي ست العاقلين
سمعت صوت والدها متدخلًا: سيبك منها يا فرحتي دي غيرانه منك
اتسعت ابتسامة فرح وهي تتجه تقبل يد والدها: شايفه اهو دا الكلام الصح... صباح الخير يا سماسيمو
نهرتها والدتها: ايه يابت سماسيمو دي احترمي باباكي شويه
سامي بمشاكسة: ملكيش دعوة انتي يا ريهام
تمتت بغيظ :ماشي انا غلطانه قال سماسيمو دا انا عمري م دلعتك
انفجرا ضاحكين
ريهام :اضحكوا اضحكوا... المهم رايحة المستشفى الجديده النهاردة
ردت فرح وهي تقبل يدها: ايوا يا ست الكل ماشيه دلوقتي، ادعيلي بقي
ربتت علي كتفها بحنو: روحي يا بنتي ربنا معاكي ويوفقك ويوقفلك ولاد الحلال يارب
فرح : يارب يا ري ري
سامي: فرح.. عايزك لما تيجي تقعدي مع اختك رنا،جاي لها عريس ومنشفه دماغها ورافضه وانا شايفه ميترفضش ف شوفيها ليه رافضه وفي حد تاني ولا لأ
فرح: بجد يا بابا دا مين دا؟
سامي : نادر ابن عمك محمد صاحب محل الورد اللي قريب منا
فرح : آه آه فكراه تمام يا بابا اول لما اجي هكلمها وربنا يقدم اللي فيه الخير انا همشي بقي باي
أنت تقرأ
رهاب الغرام
Romance-أمسك بيدىِّ، أجلعنى اتشبث بك، وأخرجنى من مستنقع أفكاري، أنفض عن عقلي الغبار، أو أجلعنى أستخدم عقلك، لا تتركنى وحيدة أفكارى تائهه بين ظلماتها، لا تلفظنى خارج قلبك لبرد العُرى القارص، ولقنى أبجدية النضج، لكن لا تترك قلب أنت بِكره. #Nada_Ahmed
