رهاب الغرام

#الفصل_الثالث

#الفصل_الثالث
كان مازال جالسًا شاردًا في حوريته وتفاصيلها، تفاصيل حياتهم المتدرجه بين المتعثر، والاستقامه، فالسعادة، فالشك، ف العجز والحيرة ، واخيرًا تلاقي أرواحهم مره أخري، كم عانت معه، وكم أهلكها ولم تعترض بنبت شفة، لاحت ابتسامة باهته تزين فمه القوى وهو يتخيل حاله إن لم تكن بجواره، بالتأكيد لم يكن بكل هذا الاستقرار والهدوء، قطع أفكاره صوت هاتفه وقد ظهر اسم صديقه هشام علي شاشه الهاتف، تنهد چود وامسك الهاتف يجيب
: الو، ايوا يا هشام

هشام: فينك ياچود غيبت ليه كدا انت مش عارف ان فيه النهارده اجتماع مهم

چود: طيب طيب يا هشام انا جاي اهو، قولتلي مين اللي جاي مندوب من عندهم؟!

هشام: الاتنين الأجانب اللي ماسكين فرع الشركة الرئيسي بره اخ واخته، ومعاهم رئيس فرع الشركة في مصر

تأفف چود:وليه الدوشه ديه ما كان رئيس الفرع اللي هنا هيخلص كل حاجه

هشام : هما عايزين يتابعوا بقي، المهم يلا متتأخرش عايزين نراجع كل حاجه قبل ما ندخل الاجتماع

چود: تمام، نص ساعة واكون عندك، سلام

تحرك چود يرتدي ملابسه انتقي بنطال ازرق يعتليه قميص باللون الأبيض ونسق معه بليزر يحمل نفس لون البنطال فبدت ك بدله كلاسيكيه لا تليق سوي به، اعاد ترتيب شعره والتقط حقيبه العمل الجلديه ثم انطلق حيث سيارته ثم لوجهه عمله
                  *****************
وصلت فرح حيث المستشفى، ركنت سيارتها وترجلت  منها وقفت لحظات تتأمل المشفي من الخارج بأبتسامه مشرقه ولجت للداخل تتسائل عن مكتب مديرها دلتها احد الممرضات ذهبت حيث أشارت لها طرقت الباب طرقه خفيفه وانتظرت حتي اتاها الأذن بالدخول، وبعد ترحاب وبعض الكلمات الروتينية بينها وبين رئيس المشفي هنئها بعملها الجديد في دخول طبيبه أخرى : السلام عليكم

المدير: وعليكم السلا اذيك يا دكتورة دنيا

دنيا :الحمد لله حضرتك مشغول اجي في وقت تاني

المدير : هو تعالي في وقت تاني بس مش عشان مشغول، اقدملك الدكتورة فرح سامي دكتوره جديده معانا في قسم الأطفال، كنت حابك تعرفيها علي القسم وتتعرفي عليها

دنيا : اوي اوي يا فندم أزي حضرتك انا دكتور دينا زميلتك في قسم الأطفال

فرح: الحمد لله اتشرفت بمعرفتك

دنيا : طيب يلا اعرفك على باقي الزملا والقسم بتاعنا، عن اذنك يا فندم

خرجت كل من فرح ودنيا حيث قسمهم وسط ثرثرة دنيا العفويه بعد ان اعتادت علي فرح بسرعه فائقه وهكذا فرح، وبعد أن مضى بعض من الوقت

دنيا : وبس يا ستي ودا المكان اللي هتستقبلي منه الحالات اللي جايه لك، والبريك بيبقي الساعة.... اول لما يبدأ خليكي هنا هاجي اخدك اعرفك على صحابي انا بقي