احببت تلميذتي

الفصل التاسع

احببت تلميذتي🍂🍁
الفصل التاسع 🍂🍁

                .............. 
لحد ما نامت وتاني يوم حسن قال لمامته ان هي تنزل تسلم ع الجيران الجداد وتتعرف ع ساره وفعلا طلعت ام حسن وخبطت علي باب الشقه
ساره•••• ايوا جايه حاضر
وفتحت الباب ساره
ام حسن•••• ازيك ياساره قمر ماشالله عليكي يابنتي
ساره••••انا الحمد الله  مرسي جدا بس مين حضرتك!!!
ام حسن ••••انا جارتكم اللي ساكنه ف الدور اللي تحت
ام دكتور حسن اللي كان بيديكي درس انجلش  جيت اتعرف ع والدتك وارحب بيكم ف العماره ده النبي واصي ع سابع جار
ساره••••طب اتفضلي اتفضلي نورتي البيت كله يا طنط
ثواني ادخل انادي ع ماما واجي لحضرتك
ساره••••طنط اوم حسن بره
ماما ساره••••مين ام حسن ومين حسن ؟؟؟
ساره••••حسن يا ماما المستر اللي كان بيديني درس وانا ف اعدادي هما طلعو جرانا وهي جايه تتعرف عليكي عرفتي يلا بقا اطلعيلها سلمي عليها
ماما ساره••••اهاا كدا فهمت
وطلعت ماما وقعدت مع ماما حسن وفضلو يتكلمو ساعتين ف حاجات كتير كأنهم عارفين بعض من زمان وبصراحه انا فرحت عشان لو ماما اتصاحبت ع طنط مامه حسن يبقا ساعتها هينفع اكلم حسن براحتي وقدام اي حد ع اساس ان هو ابن جارتنا وكان المدرس بتاعي
وعرفت من مامه حسن ان حسن ليه اخت واحده بس وهي في اوله جامعه السنه دي
يعني حسن كدب عليا لما جالي المدرسه قبل كدا وقال ان هو جاي يجيب بنت اخته من المدرسه وده معناه  ان حسن كان جاي عشان يشوفني مش عشان حاجه تانيه ودا كان تفسيري لنفسي لان ملهاش اي تفسير تاني غير كدا وعلي التفسير اللي ف دماغي ده
فضلت فرحانه اليوم كله وساعتها قولت انا لازم اخلي حسن يحس بيا ويحبني بس افتكرت ان هو خاطب بس قولت مش مشكله هشوف هعرف الفت نظرو ليا ولا لاء
ويعدي  شهرين وامي وام حسن يبقوا اصحاب وانا  وسلوي اخت حسن اتعرفنا ع بعض وحبيتها جدا وبقيت بتلكك عشان اكلمها عشان اعرف تفاصيل اكتر عن حسن منها بس من غير ماهي تلاحظ حاجه وكل يوم نقعد  مع بعض بالساعات  لحد ما بقينا اصحاب وبنزل اقعد معاها ف شقتهم وهي بتطلع تقعد معايا ف شقتنا  بس ولا يوم الصدفه تجمع بيني انا وحسن لما اكون قاعده مع سلوي مش عارفه لي بس يوم وانا نازله رايحه الدرس قبلت حسن ع السلم وهو نزل رايح الكليه وقولت ف بالي اخيرا شوفك يابوعلي...
ساره••••ازيك يا مستر حسن اخبار حضرتك اي
حسن••••انا بخير يا ساره انتي اللي عامله اي ف الدراسه وف الدروس ؟؟
ساره••••والله كله تمام بس ف مشكله ف ماده الانجليزي لسه معرفتش مدرس كويس وكدا ومبتادتش درس ف الانجليزي لحد دلوقتي !!!
حسن ••• معقول ياساره كل ده ومبدأتيش دروس مع اي مدرس لحد دلوقتي لازم تلحقي تلمي المنهج من الاول انتي  ثانوي عامه يا ساره يعني بلاش اهمال ....
ساره••••طيب خلاص لو ينفع  يامستر حسن انت ممكن تديني انت الدرس لحد ملاقي مدرس كويس ف المدرسه وانا بفهم من حضرتك كويس !!!
حسن ••••طبعا طبعا ينفع ياساره بس مش هيفع اديكي انتي لوحدك لازم يكون معاكي حد  من اصحابك !!
ساره••••طيب طيب انا اعرف بنات صحابي ممكن ييجو معايا بس هناخد فين الدرس ده !!
عشان صاحبتي اللي كنا بناخد عندها الدرس بتاخد درس من بدرى ومش هتاخد معانا الحل اي!؟
حسن ••••خلاص ممكن اشوف اي سنتر واحجز قاعه ومعاد الدرس مره كل اسبوع
ساره ••••اها اها ياريت عشان انا كدا واقعه ف الماده دي
حسن ••••طيب شوفي اصحابك وكلميني ع الواتس ويلا ننزل هنفضل واقفين ع السلم كدا
ساره••••اهااهااا اتفضل
وماشي حسن وانا كنت فرحانه عشان لو اخت معاه درس كدا هشوفو كل شويه واقدر اتكلم معاه اكتر من كدا وبعدين هو مدرس شاطر يعني عادي ينفع يديني الدرس زي اعدادي
ووصلت الدرس اللي كنت رايحها وبكلم صاحبتي علياء وبقولها ع اللي حصل مع مستر حسن
وترد وتقول
علياء ••••اي ده لا انا كدا كدا باخد درس مع مستر تاني هاجي معاكي اعمل اي انا وانتي بتاخدي درس مع مستر شريف
ساره••••لا مش بفهم منه وبعدين بلاش رخامه ونبي لازم تيجي معايا انتي واي واحده تاني عشان هو قالي ان مش هينفع اخد الدرس لوحدي عشان خاطري وافقي!!!
علياء ••••بصي انا مش هقدر اسيب المستر بتاعي ده فاضل ع الامتحانات شهرين بس
ساره••••طب تعالي خدي كام حصه كدا وبعدين متجيش عشان هو فعلا بيوحشني ومش بعرف اشوفو خالص حتي واحنا ساكنين ف نفس العماره
علياء ••••طب حتي لو جيت انا كدا هنحتاج بنات تاني اقل حاجه نكون خمس بنات يا ذكيه ؟؟
ساره ••••عادي رودينا كدا كدا هتيجي ماعنا ف اي حته وهي تجيب اصحابها سلمي وشروق  وخلاص كدا الموضوع اتحل !!بس متجبيش سيره لحسن اني كنت باخد مع مستر شريف
علياء...ماشي اما نشوف اخرتها ياساره.... وجمعت اصحابي فعلا وبدءت الدرس مع حسن..
ويعدي فتره وف يوم وانا ف درس مستر حسن
كنت قاعده مع عليا ف القاعه وهو بيشرح الدرس ف نص الشرح جاله تلفون وخرج برا القاعه يرد عليه..
وانا اتلككت بصراحه وقولت لعلياء واصحابي اني هروح ادخل الحمام قبل ماالمستر يدخل..
وخرجت ورا حسن عشان اشوف بيكلم مين ومش عارفه لي عملت كدا بس المهم خرجت لقيتو بيكلم عبير خطبته وبيقولها..
حسن...خلاص ياعبير اقفلي دلوقتي ايوا ايوا خلاص اتفقت مع عمي ان فرحنا بعد اسبوعين و.....
وفضل يتكلم كتير واول مسمعت كدا بودني عيطت ودخلت القاعه تاني اترميت ف حضن عليك حسن هيتجوز قريب ياعلياء وكنت منهاره من العياط واصحابي اتلموا حوليا بس من بعدها محستش بحاجه خالص اغمي عليا من كتر الصدمه  ..