احببت تلميذتي

الفصل الرابع عشر

احببت تلميذتي🍂🍁
الفصل الرابع عشر 🍂🍁
          ...................
وهي طالعه علي اول سلمه وينادي حسن وهو بيبص ف عنيها ويقولها ع فكره انتي كنتي نازله عشاني مش عشان سلوي ولا طنط وساره تتكسف وتاخد السلم جري لحد شقتها....
وتقفل الباب وقفت ورا الباب واديها ع بقها وعنيها بتلمع من الفرحه و مزهوله من اللي حصل واللي حسن قاله وهو دا بجد ولا انا بحلم طب اللي حسن قاله دا حقيقي ده طلع بيحبني يعني حس بيه اهو ..
انا فرحانه فرحانه جدا طب طب انا ليه مختوش بالحضن وقلتلو اني بحبه!!.. ليه اي ...ده ازاي ماكنش ينفع اللي حصل دا.. طب لي مزعقت لما حضني انا ازاي فضلت ساكته كدا...
بس كل اللي اعرفه اني بحبه اوي
اهااا اهااا قلبي هيقف من الفرحه ...
وفضلت ساره تتنط ع السرير من الفرحه اللي هي فيها وهي مش قادره تستوعب ان خلاص حسن قالها ان هو بيحبها وفضلت فرحانه جدا وكانت زي الهبله بظبط من كتر فرحتها ...وترن ع علياء صاحبتها عشان تحكلها ع اللي حصل
ساره..... الوووو علياء علياء قلبي هيقف يا علياء
علياء....في اي ياساره خير مالك
انتي كويسه !!!
ساره .... انا انا كويسه جدا وكويسه خالص علياء في مفاجأه كبيره
( حسن قالي ان هو بيحبني) حسن حس بيا اهو حسن بيحبني انا ياعلياء وقالي ان هو مش هيسبني انا فرحانه فرحانه اوي
علياء.... انتي بتهزري صح ؟؟
ساره .... اقسم بلله ده حصل من شويه
علياء .... حصل حصل ازاي احكيلي بسرعه !!!
ساره.... بصي ياستي انا نزلت تحت عندهم عشان كنت نازله اقعد مع سلوي وبالمره اشوف حسن لقيت حسن هو بس اللي ف الشقه واخدني ف حضنه وقالي مش هسيبك لغيري
حضنه حلو اوي يا علياء وقالي وانا ف حضنه بحبك يا ساره والله قالي بحبك انا متاكده
علياء ..... لولولي اخيراً نطق ياربي صبرتي ونولتي يا سرسور  ايو بقا ياعم بصي انا لازم اشوفك عشان تحكيلي بالتفاصيل ماشي
ساره.... طبعا هحكيلك وهحكي لدنيا كلها ان حسن قال لساره ان هو بيحبها ومش هيسبها لحد غيره....لو اوصفلك فرحتي مش هتصقدي ..
حاسه اني كنت بحلم المس النجوم ولمستها ..حاسه اني كنت بغرق ف حزني وهو نجاني ..مبسوطه بجد
الحمد لله بجد ان هو طلع بيحبني انا كنت بموت وانا كنت حاسه انه بيحب عبير
بجد هصلي ركعتين شكر لربنا
علياء....ياساره ياحبيبتي ربنا يبسطك دايما ويسعد قلبك كدا ويكون من نصيبك يارب
طب هو مقالكيش انه عايز يتقدم ولا حاجه
ساره....يارب يالولو يارب
لا مقلش انا اتكسفت ومشيت ومقولتش ولا كلمه
علياء....متقلقيش
مدام اعترفلك بحبه يبقا ان شالله هيتقدم ونفرح بيكم بقا
ساره...يارب ياعلياء يارب
سلام بقا دلوقت ياقلبي لما اشوفك نكمل كلامنا.......
وطبعا حسن ف الوقت ده كان مبسوط جدا من اللي حصل وفرحان ان هو اخيرا اعترف لساره بحبه ليها ولو ساره بتحبه فعلا يبقا تسيب خطيبها دا عشانه
وقال ان اول ما ساره تسيب خطيبها هو هيروح يخطوبها ع طول.....
واول مره حسن يحس انه عمل حاجه ومندمش عليها
كل مره كان بيجاملها فيها او يقولها كلمه حلوه كان بيبقا زعلان انه ازاي يعمل كدا
يمكن عشان مكنش مصارح نفسه بحبها..ويمكن بردو كان عامل حساب لعبير اللي كانت خطيبته
بس هو مبسوط جدا انه اعترفلها بحبه واخيرا لقي الحاجه اللي كانت نقصاه واللي هتكمل حياته ..
ومكنش عارف اللي علمه دا صح ولا غلط بس اللي حس بيه انه كان لازم يحضنها
كأنه بيعوضها عن كل السنين اللي كان بيحبها فيها ومكنش حاسس ولا قالها
بس حس انه ملك الدنيا كلها بحضنها .....
ويعدي كام يوم وساره كانت مكسوفه تشوف حسن عشان حست ان هي المفروض كانت زعلت لما حضنها او ع الاقل مكنتش  تسكت لما حضنها 
بس هي اتبسطت منه جدا ونسيت تصرف الحضن وفكرت بس ف اعترافه بحبه ليها
ف بتحاول تعمل ان هي زعلانه من اللي حصل مع ان هي بتموت من الفرحه وقالت ان هي خلاص لازم تسيب خطيبها ادم عشان حرام تظلمه معاها وهي بتحب حد تاني و كفايه ان هي حضنت حسن وهي مخطوبه ومع فرحتها بحب حسن ليها ولكن ترجع وتلف بافكارها وتعيد وتذيد ف نفس الموضوع
  وحست فعلا انها زعلت لما سبته يحضنها وحست ان هي عملت حاجه غلط جدا
وكنت زعلانه وخاصه عشان ادم
وفضلت تقول اسفه يارب ان سبت حسن يحضني والله انا من فرحتي بعترافه بحبي معرفتش اتصرف انا اسفه....
وبردو كانت بتفكر ازاي تسيب ادم وازاي تقدر تفاتحه ف الموضوع خصوصاً ان ادم بقا بيحبها جدا وبيحاول يفرحها ويسعدها باي طريقه
عشان  تحبه زي مبيحبها وكان اهتمامه ليها كان زياده اوي كان طول الوقت رومانسي معاها
وبيحاول يرضيها باي شكل مكنش بيزعلها ابدا
وبعد.كل دا ساره مكنتش عارفه ازاي هتقولوا انها عايزه تفسخ الخطوبه وازاي هتبدء الموضوع اصلا وكانت خايفه تجرحوا بعد الحب اللي بيحبهولها دا كله
وفضلت تفكر كتير وهي مش لاقيه حل .......
وبعد ميعدي الكام يوم دول حسن يقول ان اكيد ساره زعلت مني ومن اللي عملته عشان كدا لسه مفكتش البلوك اللي عامله ليا ع السوشيال
ولسه ومسبتش ادم ولا حاجه ومقلتليش ان هي بتحبني وبقيت محتار  جدا خايف اكون اتسرعت وسبت عبير عشان ساره وساره تطلع مبتحبنيش..
لازم اشوفها باي طريقه واتأسفلها ع اللي انا عملتو بحيث متكنش زعلانه مني...
ولو هي بتحبني هتقولي وقولت اروحلها عند المدرسه بكره واشوف اي اللي هيحصل ....
وتاني يوم.. راح حسن لساره المدرسه واستنها لحد مخرجت...
واول ماساره شافت حسن قلبها دق جامد كالعاده  بس حاولت تسيطر ع نفسها وتهداه عشان متعملش حاجه غلط وتندم عليها تاني وتقول ساره لحسن ....
ساره ..... مستر حسن ازيك
حسن ..... انا بخير الحمدالله
ساره.... اممم طب طب جاي للي هنا !!!
حسن.... جاي عشانك عشان اشوفك عشان وحشاني.
ساره .... كالعاده واقفه مكسوفه ومتوتره بس بردو بتفكر المره دي بعقل ومش عايزه تتصرف تصرف غلط عشان عامله حساب انها لسه مخطوبه لادم وف نفس الوقت بتحاول بتبينلو ان هي زعلانه من تصرفوا معاها
وبتقولو ....اهااا طب انا مش هينفع اقف مع حضرتك هنا كدا انا همشي !
حسن .....طب ممكن اتكلم معاكي شويه ف الكافيه ده
ساره.... ماشي بس مش عايزه اتأخر لو سمحت
حسن..... مش هتأخري
ورحو الكافيه واول مقعدو حسن قالها ...
انا عارف اني ممكن اكون ضايقتك لما حضنتك بس والله مكنتش اقصد وعمري مكنت اقصد ازعلك ولا كنت اقصد احضنك بس انا بحبك وعايز اتجوزك والله وسبت عبير عشان بحبك انتي
وعايز اعرف حاجه مهمه
انتي  بتحبيني ياساره بتحبيني زي مابحبك كدا؟؟؟؟
ساره ب دموع بسيطه بتنزل منها .... ايو طبعا بحبك بحبك من اول يوم شوفتك في بحبك من وانا عيله ف اعدادي بحبك وبعشقك كمان ومستنيه اللحظه دي من سنين.. يعني انا مش قادره اقولك انا مبسوطه قد اي بيك وانك حسيت بيا وحبتني زي ما بحبك .
لا وكمان عايز تجوزني يا نهار اسود انا هموت م الفرحه والله فرحانه جدا جدا انا بحبك اوي والله يا مستر حسن
حسن..... مستر اي بقا بعد الكلام الحلو ده هاهاها
دانا فعلا كنت مغفل اني محستش بيكي كل الفتره دي
اسف ليكي ف كل لليله نمتي وانتي زعلانه مني اسف ع كل يوم كنتي مستنياني اقولك بحبك ومقولتش اسف ع حاجات كتير مكنتش شايفها وهي للاسف كانت قدام عنيا
ساره.... والله العظيم بحبك
وبموت فيك يابوا علي...
بس كدا انا هقولك ياحسن من غير يامستر عادي
حسن.....دانا اللي بعشق امك قولي يا حبيبي يا حسن يا روحي يا حسن كدا يعني..
ساره والفرحه مليه عنيها.....
طب انا هروح بقا
حسن ..... استني يا هبله مقولتليش يعني
مدام بتحبيني انا ليه اتخطبتي لادم دا ليه ان شالله!!!
ساره..... عشان هو بيحبني وبصراحه كنت بغيظك بيه يابو علي مش اكتر من كدا ..وجاب نتيجه والحمد لله العقده اتفكت من لسانك ونطقت بقا وكدا
حسن .... طب كويس طمنتيني بس ع فكره محدش بيحبك قدي ف الدنيا دي كلها
ساره..... طب بس انا لازم امشي عشان انا متوتره ومش عارفه اتكلم خالص من حلاوه كلامك وشكلي بقا زي الزفت
لاني مش مصدقه اني قاعده معاك وبسمع الكلام دا منك انت
حسن ..... هو احنا لحقنه نتكلم
لسه ف كلام كتير عايز اقولهولك
ساره.... بص يا حسن مش معني اني بحبك وبموت فيك
اني يعني اقعد معاك اكتر من كدا  انا لسه مخطوبه وما احبش  اكون بعمل حاجه غلط عشان ادم انا ما احبش اكون كدا
وكفايه عليا اني عرفت انك بتحبني ولحد ما اسيب ادم مش هتكلم معاك كتير ولما ابقا اسيبه ابقا اكلمك براحتي ومش هسيبك لحظه واحده
حسن.... وهتسيبي استاذ ادم ده امتي ان شالله ؟؟
وازاي انا هقدر  اشوفك بتخرجي معاه وبيكلمك كدا !!!
ساره.... بص هما يومين وهسيبه يومين بظبط معلش لحد ما اعرف ازاي ابعد عنه 
انا همشي عشان اتأخرت بقا يابو علي
حسن ..... ماشي بس لحد متسبيه متخرجيش معاه تاني ومتكلميش معاه اصلا فاهمه
ساره وهي بتبتسم ..... ماشي ياعم الغيور
اقدر امشي بقا
حسن.... ماشي ياستي
امشي بس عشان يكون ف بالك انا كمان مش هكلمك غير لما ابقا خطيبك راسمي واديكي عرفتي اني بحبك وانا عرفت انك بتحبيني يعني خلاص مش فاضل غير انك تبقي خطبتي وبس وانا مقبلش انك تكلميني وانتي لسه مخطوبه حتي لو  مش بتحبي خطيبك ده انا راجل وبفهم ف الاصول كويس
ساره.... لا ما واضح بصراحه بعد القاعده دي انا هروح اولع ف ادم دا خلاص ياحسن
حسن...طب يلا انتي قومي امشي عشان متتاخريش وخلي بالك من نفسك
ومشيت ساره وروحت البيت وهي طايره من السعاده وكان اليوم دا من اسعد ايام حياتها..
وان ادم رن عليها كتير بس هي مش عايزه تكلمه ومش عايزه تخلي يتعلق بيها اكتر من كدا....
ويعدي اليوم ده ...
وتاني يوم ادم يرن ع علياء ويقولها ....
ادم.....ازيك يا علياء
علياء.... انا الحمدالله وانت عامل اي
ادم.... انا بخير
بصي يا علياء انا عايز اعمل عيد ميلاد ساره وكنت عايزك تسعديني عشان خلاص عيد ميلادها بكره !!!
علياء..... اساعدك ازاي طيب؟
ادم..... يعني بصي انا عايز اعملها عيد ميلاد في .....