احببت تلميذتي

الفصل الخامس عشر

احببت تلميذتي🍂🍁
الفصل الخامس عشر 🍂🍁
          ...................
علياء.... اساعدك ازاي طيب ؟
ادم.... يعني بصي انا عايز اعملها عيد ميلاد في مركب ع النيل وبعدين هخادها ونروح اي مطعم نتعشا هناك ونظبط اليوم بقا
بجد نفسي اخليها مبسوطه نفسي افرحها وخصوصا ان دا اول عيد ميلاد وهي معايا نفسي اخليها مبسوطه طول العمر
علياء....ياااا كل دا يادم مره واحد
ادم....انتي متعرفيش انا بحبها قد اي دا خطفت قلبي من اول يوم شوفتها في عارفها قبل مخطوبها بسنه وحاسس اني بحبها من سنين
بس اها هي مش بتحبني زي ماانا مبحبها بس عايز اعملها كل حاجه ممكن تفرحها عشان يوصلها حبي وتحبني زي مابحبها..
علياء....امممم طيب ان شالله ربنا يخليكوا لبعض وهظبط مع بقيت الشله وهنجيلك بكره وكله هيبقا تمام
باي
وطبعا علياء سمعت الكلام دا من هنا واتوجعت ع ادم وحبه لساره اللي مش حاسه بيه وقالت لنفسها يابختك ياساره اللي بتحبيها طلع بيحبك واللي مخطوبه ليه بيموت فيكي
فيكي اي زياده عني عشان اتنين يحبوكي بالشكل دا
استعجلتيي ليا ياساره حتي لو حسن مكنش طلع بيحبك كنتي هتلاقي اللي بيموت فيكي وعايز يسعدك باي شكل
اوعدني يارب بحد يحبني كدا بقا
ويعدي اليوم وتاني يوم عيد ميلاد ساره
وادم جهز عيد الميلاد وكلم علياء واصحابها عشان يجبوها ويعملها المفاجأه
وكله تمام
وعلياء راحت لساره البيت وبتقولها
يلا ياسوو عشان نخرج بقا
ساره....اي دا نخرج لي
علياء....اي يابنتي مش عيد ميلادك انهارده ولا انتي مش واخده بالك
ساره.....اها ياستي واخده بالي
ولحد دلوقت حسن ولا كلمني ولا حتي بعتلي رساله مع اني فكيت البلوك وونزلت بوستات واستوريهات كتير وعرفت مصر كلها ان عيد ميلادي انهارده وبردو شافها و مكلمنيش طب اعمل اي تاني انزل اقوله اني عيد ميلادي انهارده وتعالي ياستاذ حسن قولي كل سنه وانتي طيبه
علياء.....هاهاها يامجنونه اهدي شويه
بقولك ادم كلمك طيب
ساره....ادم اي حتي هو بردو مكلمنيش بس مش هيفرق كلمني ولا مكلمنيش
خليني ف حسن دلوقت اللي معبرنيش واحنا خلاص بعد العصر اهو
علياء...طب يلا قومي اجهزي بقا عشان نخرج
ساره....طب مترني عليهم ييجوا نعمل العيد ميلاد هنا ونهيص ويمكن يسمع ويعيد عليا بقا
علياء....يلا ياهبله انجزي عشان نخرج سيبك من حسن دلوقت
ساره....طيب ياختي هقوم اخد شور واجهز اهو مش هتاخر خالص
وبعد ساعتين
علياء....طب يلا ياست هانم عشان اتأخرنا جدا كل دا بتلبسي خربيت البرود ياساره انا اتحنطت مكاني يلا بقا
ساره..خلاص يعني مكنوش ساعتين بللبس فيهم اصلي كنت محتاره اللبس اي
علياء...ونبي
طب خلاص خلصتي يلا بينا عشان اصحابنا رنوا عليا ووصلوا خلاص
ساره...وصلوا فين
علياء...لما نوصل هتعرفي بس يلا
ساره...طب استني افتح النت كدا يمكن حسن بعتلي ماسج يقولي كل سنه وانتي طيبه ياحياتي ولا ياعمرى ولا يازفته اي حاجه
علياء.....ياخربيتك ويخربيت حسن يلا بينا بقا
ساره...يخربيتي انا لكن حسن بعد الشر عليه
علياء.....صبرني يارب يلا ساره عشان بجد خلقي ضاق يلا بقا
ونزلت علياء وساره ووصلوا المركب واتفاجأت طبعا بالعيد ميلاد الجامد دا
وتقول الله كل دا ليا مركب مخصوص ع النيل وطورته كبيره وحفله محصلتش
انتوا اللي عملينوا ليا بجد روعهه اوي بس انتوا صحاب حلوين
بس اول مره تعملوا حاجه ذي كدا عملتوها ازاي دي ياعيال وانتوا معفنين كدا هاهاها
وتبص من وراها تلاقي ادم ف وشها ..وساره اتفاجأت جدا لانها مكنتش متوقعه وجود ادم اصلا ف المركب
وادم بيقرب منها ويمسك اديها ويقولها كل سنه وانتي طيبه ياساره كل سنه وكل اللي جاي من عمري هيبقا ليكي وملكك ويارب اقدر افرحك ويقدرني واسعدك طول ماانا ف حياتك ياجميله قلبي و باس اديها
وساره طبعا مزهوله من الموقف او مضايقه من اللي بيحصل والدموع بتنزل من عنيها
وواقفه مش عارفه تقول ولا كلمه
وترد وانت طيب ياادم
ادم....اوعي تعيطي ياساره طول ماانا معاكي وف حياتك ووعد عليا طول ماانتي معايا هفضل افرحك وعمر ما دموعك هتنزل بسببي
بحبك ياساره
واصحابها طبعا يسقفوا ويهيصوا ع رومانسيه ادم وكلامه الجميل وف للحظات العيد ميلاد وهما بيهيصوا وبيطفوا الشمع وكل الدنيا دي
ساره كانت سرحانه ومضايقه جدا من اللي بيحصل وان هي المفروض انها هتسيبوا طب ازاي بعد كل اللي عملوا دا هتفكر تسيبه وحاولت تعمل انها مبسوطه وداري قدام ادم عشان ميزعلش لانه كان مبسوط جدا لكن من جواها كانت زعلانه لانها هتجرحه بعد كل دا ..وحست ان حبه كتير عليها..
ومش هتعرف تحبه زي مبيحبها حتي بعد كل اللي بيعملوا معاها دا
لانها بتحب حسن
والعيد ميلاد يخلص وادم ياخد ساره لوحدها ويرحوا يتعشوا ف مطعم
وراحو فعلا مطعم كويس وقعدو
ويقدملها هديه العيد ميلاد
وهي علبه قطيفه مقفوله صغيره
ادم ....اتفضلي ياساره افتحيها
ساره....فيها اي دي
ادم....افتحي وشوفي
ساره....وتفتح ساره العلبه وتلاقي مفتاح
هاها مفتاح اي دا يا ادم
ادم....شايفها العربيه اللي راكنه هناك دي قدام المطعم
ساره...ايوا مالها
ادم....هي دي هديتك
ساره....نعم اكيد بتهزر ياادم
ادم....لا طبعا دي قليله عليكي والله
ساره....قليله اي انا عمرى متخيلت انك تجبلي هديه زي كدا خالص
بجد مش مصدقه دي روعه بجد دا كتير عليا
ادم....والله ياساره دي حاجه قليله ع حبي ليكي
ساره....مرسي جدا ياادم بجد مش عارفه اقولك اي
بس انا مش بعرف اسوق
ادم....متقوليش حاجه اهم حاجه انك مبسوطه
ولو من ناحيه السواقه فامتشليش هم حاجه من بكره يبقا عندك سواق لحد متتعلمي السواقه ياعمرى
ساره.....ربنا يخليك يادم يارب
بس ممكن نروح عشان اتأخرت والساعه بقت١٢
ادم....طب ع الاقل نكمل اكل
ساره...لاء مش لازم عشان بابا ميزعلش
ادم...ع راحتك
تحبي نروح بالعربيه الجديده ولا بعربيتي
ساره...باي حاجه بس نروح مش هتفرق
ادم...يبقا ب عربيتك الجديده يلا بينا
وركبوا العربيه فعلا وروحوا
وهناك حسن بالصدفه كان ف البلكونه بيتكلم مع علاء ف التلفون ويشوف ساره وهي نازله من العربيه ومعاها ادم خطيبها
واول لما شافها اتصعب جدا وقال لعلاء اقفل دلوقت بسرعه وقفل علاء وحسن بيخبط ع صور البلكونه من كتر العصبيه
والغيره ع ساره
وشافها وادم طلع يوصلها لحد الشقه
ونزل تاني بسرعه واول ما حسن شافوا ومشي وساب العربيه بتاعته قدام العماره
ف ساعتها حسن رن ع طول ع ساره وهو ف قمه عصبيته وترد ساره ويقولها يعني ينفع تخرجي معاه لحد دلوقت انتي عارفه الساعه كام واي اللي مخرجك معاه لوحدك اصلا
ساره.... انت نسيت انه خطيبي ياحسن
حسن... بصوت عالي نعممم وانتي حبيبتي ياهانم
يعني مينفعش اشوفك مع حد غيري واقعد ساكت ولو ع اوم الخطوبه دي من بكره اجي لعمي واكون ملبسك دبلتي او من دلوقت لو حابه
انتي متعرفيش انا بيحصل فيا اي لما بشوفك معاها
مش واخد بالك من كل دا ولا اي
ساره...ساكته وهي قلبها بيرقص من الفرحه ومن جمال حسن وحلاوه كلامه وهو غيران عليها كانت هطير من الفرحه ووشها كان بيضحك لوحده
ساره...اي دا انت بتغير ياحسن
حسن...دانتي انسانه بارده
ساره...والله العظيم تلاته بحبك يابو علي
حسن...يرجع يتعصب عليها تاني
طب اقسم بالله ياساره لو مسبتي الواد دا ف خلال اسبوع لانا جاي لابوكي واقوله اني بحبك وهتجوزك واللي يحصل يحصل فاهمه ولا لاء وهو اسبوع ياساره اسبوع
ساره...متهدي علينا يابوا علي ف اي قولنا حاضر
ولا اكمني بحبك وبموت فيك اسيبك تزعقلي وتعلي صوتك بالطريقه دي يعني
حسن....ايوا هعلي صوتي براحتي هتعملي اي بقا
ساره...هقول حاضر ونعم وهنفز من سكات ياقلبي
بس متزعلقيش ونبي عشان بحبك وانت هادي
حسن...وانا كمان
بس ثواني ثواني كنتي معاه لحد ساعه واحده بلليل بتعملي اي وفين
ساره مصدقت تغيظه بقا وتحكيله ع كل اللي ادم عمله معاه ف اليوم دا بالتفصيل لدرجه ان حسن كان عايز يولع فيه ومكنش طايق نفسه
وساره كل ما حسن يتعصب اكتر ساره تبقا فرحانه واتاكدت انه بيحبها...وخلاص قفلت مع حسن
عشان مامتها كانت جايه تتكلم معاها وتعرف اي اللي حصل
...
وساره حكت لماتها ع اللي حصل
ومامتها تقولها..
طب والله ياساره بيحبك وبيموت فيكي
ساره....طب لو قولتلك ان كل الاي عمله دا مش فارق معايا ولا هزني
مامتها...نعم كل اللي عمله دا والعربيه ومتهزتيش دا يهز جبل
وبعدين بتقولي لي كدا مش دا اختيارك
ساره...ماما انتي عارفه ان بابا مش حرمني من حاجه خالص
وعمرها مكانت بالعربيات خالص ولا بالفلوس اطلاقا
مامتها...اومال باي ياقلب امك
ساره....بالحب ياسيدتي بالحب
مامتها....يا سلام وانتي كل دا محبتوش
ساره....بصراحه لاء
بس كنت عايزه اقولك ع حاجه بس توعديني انك تساعديني ومتزعقيش
وانا عارفه ان انا اتسرعت ف خطوبتي لادم
بس عايزه اسيبه ياماما وعايزاكي تساعديني
مامتها....نعم تسبي وتسيبي ليه يان شالله هو ناقصه حاجه
حب وبيحبك فلوس وعنده احترام وذي الفل عايزه اي تاني
ساره....طب وانا ياماما
انا مش بحبه ومش عارفه احبه وكل المميزات اللي انتي بتتكلمي عليها دي ..مش شايفاها ولا حاسه بيه اصلا
مامتها....بت انت ف حد ف دماغك
ساره....ايوا بقا ياماما ياجامد بحبك وانتي ف فهماني كدا
مامتها...يانهارك اسود ومين سعيد الحظ اللي مشقلب كيانك كدا ومخليكي ظلمه ادم بالشكل دا
ساره....امممم امممممم
بصراحه انتي تعرفي
مامتها....مين حد من قرايبنا
لا كله مينفعوش وانا مش هوافق
ساره....اقرايب اي بس ياماما
دا شخص كدا غير كل الناس قمر ماشي ع الارض واسمه حسن وساكن ف الدور اللي تحتنا و معيد ف كليه تجاره
مامتها.....حسن مش دا الي كان بيدرسلك السنه اللي فاتت
وساكن....
ساره....ايوا عليكي نور هو
هو اللي شغالني وطير النوم من عيني ياماما
مامتها....هو اي اللي طير النوم من عينك دا المدرس بتاعك يابنتي انتي اتجننتي ولا اي
ساره....ماما متتعصبيش من فضلك احنا اتفقنا اننا هنتكلم بصراحه
مامتها...ونفرض انك بتحبي وهتسيبي ادم عشانه تعرفي منين بقا ان حسن بيحبك
ساره....لاء ماهو قالي انه بيحبني
مامتها...قالك امتي ان شالله وفين
ساره...امممم وكدبت ساره ع مامتها
قالي ف الدرس بعد مخلصنا كدا
مامتها....ينهارك اسود يعني مودياكي الدرس تتعلمي ولا ومدياكي تقضيها حب وغرام ومع مين مع المستر بتاعك
ساره...ياماما افهميني هو محترم جدا هو انا هعرفك عليه دانتي عارفاه وقاليي انه مش هيكلمني تاني بعد مااعترفلي بحبه غير لما اسيب ادم
عشان تعرفي انه محترم ومش عايز يلعب بيا
مامتها...محترم اي اللي يقول لتلميذته انه بيحبها كلام فارغ
ساره...ع فكره ياماما انا مبقتش صغيره انا بقيت انسه كبيره واحب واتحب وكلها كام شهر وهبقا ف الجامعه واقدر اختار براحتي
مامتها...ودا ع اساس انننا بنغصبك ع حاجه
مهو ادم كان اختيارك وف الاخر اديكي ندمتي
وبعد كلام كتير مابينهم مامتها فهمت انها بتحبه وحسن بيحبها وفرحت ان بنتها كبرت وبقت بتحب وكانت هنا فرحتها اكبر من لما اتخطبت لاادم بكتير
وقررت انها هتساعدها لحد متسيب ادم....
وابدت ساره كل ما ادم ييجي البيت زياره ليها تلكك باي حجه ومترداش تخرج تشوفوا وكل مره كان بيمشي زعلان
وكل مايرن عليها كانت ترد مره وعشره لاء
وبدءت تسحب نفسها من حياه ادم واحده واحده
لحد ما ادم زهق وجالها البيت وقالها ياطنط انا عايز اتكلم مع ساره ضرورى
مامتها...خير يابني هو ف حاجه
ادم....خير ان شالله ياطنط بس ممكن اشوفها
وخرجت ساره لادم وهي بتقول
خير يادم ف اي
ادم...بللهفه ومصدق انه هو شافها
اي ساره وحشاني جدا كل دا مش بشوفك  ولا عارف اكلمك هو ف اي
ساره...مشغوله ف دراستي وانت عارف ان دي تالته ولازم اجيب مجموع عشان ادخل كليه عاليه
ادم...ودا يمنك انك حتي تشوفيني وتكلميني حتي لو عشر دقايق
ساره....ولا خمسه حتي بقولك مشغوله يادم الله
ادم....طب اي رايك ف العربيه
سمعت ان السواق مشتيه ومخلتوش يسوقها ليكي ولا يعلمك السواقه
ساره...عشان انا مش عايزها اصلا  لا هتعلم السواقه ولا عايزه عربيات
ادم...لاء دا كدا ف حاجه غلط ف اي ياساره متفهميني ..لو عملت حاجه تزعلك قوليلي لكن محبش انك تكوني زعلانه مني
ساره....بص ياادم  بصراحه من غير لف ولا دوران انا مش قادره اكمل معاك
ادم...ايييي
انتي بتقولي اي
طيب انا زعلتك لو زعلتك قوليلي وانا اصالحك لكن متقوليش الكلام دا
ساره.....ياربي صبرني
يادم انا مش مرتاحه معاك ومش عارفه احبك خالص انا اسفه بجد مش عايزه اظلمك معايا بس هو دا كل الموضوع
ادم...مع احترامي لصراحتك
بس انتي مش واخده بالك اني بحبك ومش هقدر اعيش من غيرك
ساره....بص اكيد هتقدر تعيش مافيش حد بيموت ب فراق حد
واكيد هتحب غير ومكنتش سنه  خطوبه يعني
ادم....ايوا ياساره بس اقسم بالله بحبك حب عمر
ساره...انا اسفه انا مش عارفه احبك
ادم...طب انا هسبلك فرصه تحبيني فيها وجربي وهعملك كل اللي انتي عايزاها بس متسبنيش
ساره....مش عايزه اضيع من وقتي ووقتك ع الفاضي
لان انا مش عارفه احبك
ومتحسسنيش اني وحشه زي مدخلنا بالمعروف نخرج بالمعروف ولا اي ياماما
مامتها.....ايوا يابني بعد ازنك سيبها ع راحتها وان شالله تقابل الاحسن منها وتحبك وتحبها
ادم....انا مش عايز غيرها ياطنط
وينزل ادم ع ركبته لساره ويمسك اديها ويبوسها ويقول
مش هينفع اسيبك انا اموت من غيرك عشان خاطرى متسبنيش
مامتها.....قوم يابني متعملش ف نفسك كدا انت تستاهل احسن من كدا
ونصيبك مش مع ساره
ساره...عن ازنكم ان داخله اوضتي
ودبلتك اهي يااادم بجد اسفه اني معرفتش احب حد ف جمالك انت فعلا تستاهل حد احسن مني يقدر حبك وطيبه قلبك عن ازنكم
ادم...بنتك كسرتني ياطنط بس انا مش هتخلي عنها ومش دي النهايه وخليها تعرف ياطنط ان محدش هيحبها قدي سلام
طنط...سلام يابني
وقفلت الباب ودخلت لساره
انتي يابنت انتي ازاي تكلمي بالطريقه دي انتي عارفه لوله العيبه كنت اديتك قلمين ع وشك
هي دي تربيتي ليكي
ساره...انا اسفه ياماما
بس حضرتك شايفه دا انسان ملزق ومبيحسش
مامتها...يابنتي الحب مش بالعقل لو كان بالعقل مكنش خلا راجل ينزلك ع رجله عشان يقولك متسبهوش
انتي فعلا متستهليش حبه
ساره....انتي عارفه ان مش من عادتي ان ابقا قليله الزوق بس كنت لازم اعمل كدا عشان يحس اني مش بحبه
وييجي بابا ساره من الشغل ويدخل ف نص الكلام ويقول
اانتي ازاي تتكلمي مع ادم بالطريقه دي وبتاخدي قراراتك من نفسك..وانا موجود
وضرب ساره بالقلم......