إكتشاف الحقيقه💔
البارت الاول
الكاتبه : مينو عبدو
.
.
تاني يوم نضت الساعه 10 غسلت وجهي وبدلت ملابسي ورتبت مكاني ونزلت ل المطبخ لقيت ماما توتي ف الفطور
انا : صباح الخير
ماما : صباح النور
انا : وين بابا
ماما : بكري وصل منيه للمدرسه وقال بنشوف الرحلات
انا : اها
ماما : خايفه عليك انتي وأختك
أنا : عادي ي ماما حني كبار ونعتمد ع رواحنا
ماما : اني انخاف عليكم من مرت بوكم 😔 تعبي راسه عليكم ويكرهكم
انا : وانتي وين ي ماما باش هيا دير هكي
ماما : نخاف معادش نرجعلكم ي بنتي 😞
انا : واااك ي ماما قداش مره قتلك معادش تقولي هكي 😣😟
ماما : ضروري نتوقعو كل شي
انا : ضبتها و نزلو دمعه مني ومسحتها فيسع قبل ما تشوفها لأني عارفتها ف خطر والورم ف الدماغ " قتلها ربي يشفيك وتقعدي لينا طول العمر
ماما : آمين
ليلي : اوووو درما وجو زعميته بتموت وتودع
انا : صبح ي فتاح خيرك انتي ف كل حاجه مدخله راسك خلي الواحد ف حاله الزفت صبح ومخاطريش نتصبح ع الخلايق الي زيك
ليلى : حي ع قلت الأدب تعرفي متسكتيش نجي اربيك
انا : الادب خليتهولم اني وبعدين ربي رحك وتعالي تكلمي
ليلى ؛ نقصفت 😂😂 طلعت مزادتش حتى كلمه
ماما : تحملاها ي بنتي
انا : تعرفي انتي ي ماما ع نيتك تي والله الشكلات هادم ما يبو من يسكتلهم
ماما : ربي يهدي
انا : يهدي ولا يطير اني والله مساكتتلها
ماما تنهدت : تعالي طلعي معاي الفطور
طلعت الفطور انا وماما ومشيت بنوض عماد وعلاء
ناضو ونزلو
علاء : صباح الخير
انا وماما وليلى : صباح النور
وقعمز يفطر
وعماد نازل ينقز من الدروج 😂
عماد : صباحوووو
حني : صباح الخير
عماد : علاش مش قالبه خليقتك للكليه
انا : 😒 وشن دخلك
عماد : مه بصراحه تسدي النفس ع الصبح
انا : عارفه روحي هادا علاش قاعده
عماد : خر بجديات علاش ممشيتيش للكليه
انا : معنديش اليوم 😒 وانتا علاش قاعد ماد وجهك هني ومش ف كليتك
عماد : والله دكتور اليوم نفاخ مجتش النيه نمشي
انا : ماله اقعد كل يوم قول الدكتور نفاخ وقعمز واقعد عاود
عماد : 😒
وكملنا فطور معا عراكي اني وعماد
والضهر روح بابا هوا ومنيه
ع الغدي
بابا : بنسافرو السبت ي حنان
ماما : به 😔
منيه : ناضت الحمد لله 😢
بابا : خيرك ي منيه شن كليتي
منيه : خلاص شبعت
ورقت فوق تبكي
بابا : علاء دير بالك ع خواتك كووويييس مرات نعطلو
علاء : هز براسه معنا تمام
انا : بابا قداش بتقعدو
بابا : قاعد مش معروف ي بنتي ع الدكتور والعلاج
انا : اها ؛ ضايقت ونضت ركبت فوق ل منيه لقيتها تبكي ، اني خلاص وخيتي هدا الي كاتبه ربي وانتي علاش قاطعه املك بالله مرات تشفي
منيه : ي أميمه ره ورم خيرك انتي وين قلبك يعني احتمال كبير تموت
انا : ولا كلمه منغير مضبطه منيه ودموعي ينزلو
أنت تقرأ
إكتشاف الحقيقه 💔
Mistério / Suspenseينت بتكتشف حقيقتها ويتعيش حياه مره وبتنقلب حياتها 180 درجه الاحداث 🔥🔥 تابعو حتى النهايه 💖 ●《من وحي خيالي》● معا تحياتي الكاتبه : مينو عبدو ❤
