الارهابي وذات النقاب
ام غايب
البارت ١٥
وكفت كبال گلبك لا هلا لا روح
لا لميتني لا كتلي متراجع
لا نشفت دمعي لا ترست العين
لا مشتري الخاطر لا كلت بايع
✍🏻سيف_عادل
علاوي -ااانت تخبلت والله وكبل هجم عليه يعرف مااكدر اضرب ابن خالد كمنه نتلاوى اني ويا حصرني بالباب
والمسدس بيدي طلعت طلقه من المسدس..
حسيت بحراره ورأساً اختنكت
علي-خضررررر ارتاحيت هسه خضرررررر
كمت اسمع صرخاتهم بس احس نفسي ضاق كلش بس شفت حبوبتي وهي بظهرهه المنحني اجتي عليه ورجليه مكدرن يحملني وعلي لازمني نومني واجت حبوبه ....ذبت عوجيتهه وخلت راسي على حضنهه وتصرخ
يمه ...يمه وليدي يمه حبوووبه كووووم وين جنت يمه خضيرر ره يمه
علي-حبوبه وخري منه خل اشيله بسررررعه خابرو خل يجي واحد من الولد
خضر-حـً....حبوبه ....راح ... راح أممموت ...وواني مماخذ ......مكدرت اكمل جنت استصعب احجي بس جنت احس بحضنهه الدافي الحبوبتي ...... جنت حيل مشتاق الحضنهه ....والريحتهه ....
فتحت عيني موجوع والدنيا تفتر بيه فر
مااحس اله حمصه فوك راسي
حمصه-ها عار .....مو اكلهم لتخافون هذا عار ميموت
شاهين-ها خضيررر ولك الحمدلله على السلامه فضحتنا فضيحه سود الله وجهك .....
حمصه-خايب بعد خالك شنهي عاجبتك شغله سحاقيين وياهو الشايفه تكله سحااااقي ابن ام السحاقيه ها ولك خاف عذراء ضاله بنفسك
علي-منو عذراء هاي .... شمسوين بدوني
شاهين-طاح حظكم اي والله شلون مجموعه تافهه ناقصكم عزوز وراشد وتكمل بعد
حمصه-ولك عليوي مو بس عذراء فايتك .....وفاتتك شوشه هم ........يا شوشه يا شوشه
شاهين_والله اليحجي بهاي السالفه ويتشاقى اله املص اذاناته ...
علي-لك هذا خضر خطير ...ام تك وتك ...مفتهمت حذاء وضايعه منه الفرده وباقيه تك لو شنو الموضوع اظاهر فايتني هواي
خضر-كوه طلع صوتي ....شاهين ....مسمعني بان جانو مندمجين بالكلام رجعت مره ثانيه ...شاهين وصوت حمصه عالي
حمصه-شووشه يروحي ميلوكج التعصيب يمه رحت فددوه الهلوجه الاسود
شاهين-شلون يريد ارتكب جريمه بي هذا الحيوان
خضر-جنت اباوع عليهم بس مو يمهم احس نفسي ضايع ....كلشي الي اريده يروح مني ....ياريتني لو ميت بهاي الطلقه ....راح ادخل السجن وكلشي ردته مصار وميمونه كبال عيني مااعرف وين راحت ...شاهييين
دار عليه وتقرب يمي ...... ودنك ها خضيره خوما موجوع
خضر-ميمونه اختفت
شاهين-بعدك تحت تأثير البنج ولك شخبصتنا بميمونه حتى الميعرف عرف انت تحب وحده ام تك وتك
خضر-راح يسجني خالد اكيد ....دور على ميمونه شاهين يكتلوهه عمامهه
شاهين-ليش ميمونه مو يمك انت تعرف مكانهه
خضر-اني طردتهه واختفت
