الارهابي وذات النقاب
بقلمي ام غايب
البارت١٧
كلشي يوجع
أنته والدنيا وشتا الله
وخبصة..الوادم وحضي
والضياع الماد رجله بوجه عمري
والأمانيالمدري ياهو الباگ بيهن
كلها تركتني وحيد اشماله دهري؟؟
رحت فتحت الباب مبينه خاله حتى مكلت منو لان بسرعه هااا شنسيتي فتحته واباوع وانصدم .......ميمووووونه
دخلت بسرعه وسدت الباب
ميمونه-بعد ما طردني خضر ....بقيت امشي بدرب مااعرفه ....مثل المخبله ابجي محتاره وين اروح والمن انطي وجهي ....بيا عين ارجع ال بيتنا
ماعندي مكان اروحله ....والدنيا ظلمه خايفه كلش وكفت درت وجهي اباوع على البيت من بعيد ....
شلون صدكتك وبعت اهلي وعفتهم شلون .
وين اروح اخذت الي تريده وشكرتني ....كمت اضرب براسي اخاف الدنيا حيل ظلمه بس البيوت شويه مخليات ضوه بالمنطقه
بقيت امشي واوكف محتاره مااعرف شسوي وماعندي احد اروحله ومن امشي اتذكر غبائي شلون جنت امشي ورا شلون استلمتله
دخلت بفرع ثاني ماادري وين اروح كعدت بصف بيت تجيت ظهري على الحايط وثنيت رجلي الصدري وحاوطت رجليناتي بيدي وساعه اغطي رجلي وساعه اظم راسي بين رجلي واردد وين اروح شسوي هسه اني ....وصوت الجلاب يخوفني وكل مااسمع صوت جلب الزك بالحايط اكثر
من تذكرت سوالفه واني متأكده من نفسي بريئه
رجعت مثل المخبله كلت ارجعله ....اموووته اخذ شرفي هو ويجذب هسه ....هو كال نفسي بيج ....شبع غريزته وشمرني ....ااااااااخ شسوي ياربي شسوي
وصلت للبيت اندله جان الباب مفتوح الفوك والكلوب كعدت كبال البيت على الرصيف محتاره
ابجي وين اروح مااعرف احد لا اهلي اكدر ارجعلهم ولا الحقير يخليني ابقه ضيعت كلشي من ايدي اخاف اروح اخاف من الشارع والي بي جسمي يرجف من الخوف
كمت كلت ارجع ال فلك وشيصير خل يصير
كمت مشيت خطوتين عن البيت باوعت باب بي قفل جبير من بره وزنجيل
بقيت اباوع علي وابجي
ماعندي مكان اروحله ومحتاره باوعت البيت بي نبكه جبيره طالعه نص على السياج والرصيف ونص بالبيت
اجتني فكره اتسلق عل باب وادخل الهذا البيت والله كريم للصبح واكيد ميجون اهل البيت أأمن الي من الشارع شلت دشداشتي شويه ضوجتني حيل وتسلقت الباب ..... بقيت مجلبه بالباب اخاف اطفر ومن جوه الباب مابي نقشه مثل البره اجلب بيهه ورجلي كامت توجعني حيل والبيت اظلم ممبين غير ضوه خفيف ........جان البيت المقابيله بالحوش فاتحين كلوب بس مااكدر افرزن شي كمت اجيب رجلي منا واخليهه هنا اخر شي كلت راح اطفر والي يصير يصير
اول ما جيتت هم وجع الطفره وهم حسيت شي نبت برجلي صرخت ........بس سديت حلكي بيدي حسيت كلبي كام يوجعني وشي برجلي داخل كعدت سحبته من رجلي ومن سحبته حسيت روحي راحت والدنيا افترت بيه ماعولت راسي يلوح الكاع لان قابليتي مبقه بيهه شي ومحسيت بشي بعد
