الارهابي وذات النقاب
ام غايب
البارت ٢٣
خضر-ام تك وتك ....اكو واحد يعبر السريع هيج
ميمونه-باوعت علي معقوله راح يصدكني
كبل رجعني وهو لازم ايدي ....بدون ميحجي ....رجعنه للسياره فتح الباب وصعدني وطبكه حيل
خضر-تعرفين ليش مخليتج تروحين
ميمونه-ليش
باوعت علي انتظر رده .......وهو مثل المتردد يحجي
خضر-اولا ....لان اني خليتج تطلعين من بيت اهلج ووعدتج مااعوفج وبسببي خسرتي اي ملجأ الج
اعرف بهذا الشي ....ولذلك اني دورت عليج .
غمضت عيني .....بحسراتي ....من كلي خسرتي
اه ه ه لو يرجع الوقت مستحيل اخسر اهلي وماافكر بيهم
ضايعه بدونهم ....ابويه بس نفسه هو سند النه جان
طعنته بظهره ....لو جان واعي جان مات بسببي
خضر-والثاني لان احبج ميمونه
ميمونه-رفعت راسي علي وباوعت علي
خضر-هاي العيون دمرتني احبهن ....واعشقهن
واخاف عليهن ...... تعرفين اسمج وين انحفر .....بكل شريان موجود بجسمي .....ملكتي روحي كلهه .....صرت مدمن بيج ....ليش مااعرف .....واحتمال لانن قدتي جنوني ....تعرفين شنو المشكله
ميمونه-باوعت علي وهو يحجي ابجي ...انتظر كلامه
خضر-الحب من ينولد بسهوووووله كلش بدون متحس ........بس من تريد تموته ميموت ابداً
يمكن اني بعيونج مو رجال ....ومجرم ....وماعندي اي مشاعر ....بس اني من احب ...احب من صدك
اسوء شي بيه هذا ....اواكتشفتهه من حبيتج ....انتِ اول حب حقيقي يدخل بكلبي ....جنت احب بت عمي بس من حبيتج عرفت اني مجنت احبهه
هذا الي بكلبي وروحي مااريد انكره
مراح اجذب واكلج بطلت احبج ومن هالسوالف لان حبي الج عميق اعمق من العمق نفسه
بس مستحيل اتقبلج بعد لان مااعرف الحقيقه
وانت بالنسبه الي شي مختلف جنتي ...مااكدر اتعايش ويه انسان مااعرفه ......وهسه اني مجرد شكوك .... بس بيوم من الايام اذا عرفت شكوكي الي حاربت عقلي بسبب كلبي الي يبرألج .....لتتوقعين مني الزين ابد
وكتلج اذا طلعت ظالمج اسوي كلشي علمود تسامحيني
درت وجهي عنه ....حرگه بگلبي ....دمرني وهسه هو متفضل عليه ....ياريت لو يكتلني ويخلصني
خضر-معلقتي
ميمونه-باوعت علي ...ورجعت درت وجهي عل شارع .....الي يشوفني يكول هادئه بارده ممتأثره ...
بيه دمعه وجرح وصرخه اذا صرختهه حتى ضلوعي تكسمهن
دك موبايل خاله وبقه يدك قاسم الى ان غلقه خضر
.......وصلنه للبيت جنت منهكه جسدياً ونفسياً .....نزلت واني مجبوره ماعندي اختيار .....غير ابقه ويا احس نفسي بعالم وتفكير ممفهوم ضايعه حيل وضياعي ماله حل
خضر-اذا احد كال ليش تأخرتو كولي بالبيت الي جنه كاعدين بي قبل دنجيب اللغراض وكعدنه ننتظر ابو البيت ومأجه
ميمونه-هزيت راسي ب أي .......دخلت اول مدخلت صارت بوجهي رسل ...
رسل-شنو وين جنتو وفوكاهه مماخذين موبايلات
