Crush, Bakit?
By: Chenie8
Ako'y nakatingin sa iyong larawan,
"Hay crush ko, kay gwapo mo namang pagmasdan.
Kahit saang anggulo kita titingnan,
Perfect! Ni walang bahid na kapangitan."
Tingin lang nang tingin sa iyong larawan
Hanggang sa nagpop-up ang iyong pangalan
"Nag-chat si crush," 'di ko to inaasahan
Ang inbox ay dahan-dahan kong binuksan
Thank you sa floodlikes :), ang message mo sa akin.
"MY GOSH, NILIKE KO?" bulalas ko sa iskrin
H'wag mo namang iseen, ang message mo naman
"Patay," ito'y resulta ng katangahan
Dali-dali naman ako sa pagreply
Iniiwasan na ako'y mahimatay
At upang ika'y 'di masyadong maghintay
Sa'king mga messages na sablay-sablay
Ilang araw na rin ang siyang nagdaan
Chat sa'yo dito, chat d'yan, chat kahit saan
Like naman dito, like d'yan, like sa kung saan
Hanggang sa punto na ako'y may nalaman
Biglang napawi ang malapad na ngiti
At pumatak ang luha sa aking pisngi
Paligid ay tumahimik ng sandali
Pinapakinggan ang puso ko na sawi
Nasayang lang ang aking pagpupunyagi
At mga araw na ika'y nilalandi
Alam mo naman na ika'y bukod-tangi
Sa puso ko, ikaw lang ang hinihingi
At ngayon ako ay nagdadalamhati
Sapagka't iba ang 'yong minimithi
"Crush, bakit?" ang tangi ko lang na nasabi
Ang gusto mo pala ay isang lalaki
BINABASA MO ANG
Mga Tula ni Chenie
PoesíaIto po ay binubuo ng iba't-ibang tula na gawa ko. Sana mabasa niyo po lahat. :)