تفو عنجد تفو💫💥😂 ( قصة مكتملة)

البارت 12

تفو عن جد تفو💫💥😂
بقلمي:أمنية L3ömrë
الجزء:12
بعدما دفلات عليهم سنااء مشات لبلاصة فين جالسة جمعات حوايجهاا فصاكها ولبسات عليها بوليرو داير كي العباية تيتسد من القدام ويلاه بغات تهز صاكها وهو يجرو ليها كلب قدو قداش.
سناء مكشكشة :طلق لياا شكارتي
الكلب🐕🐶 شد معاها زكارة وتقولي واش طلق جبداتو بالجهد هزات منو بزطامها لي فيه تيلي والفلوس وهو يجبدوليها عاود  كتجبد وحتا هو يجبد فاللخر خلاتوو ليه :ربح بيه
جات ماشية وكتدمع تا دخلات فواحد الحيط احم احم أقصد فشخص.
نبيل بهدوء( الغلط ديال سناء هي لي دخلات فيه) :سمحيليا مشفتكش
سطوب ❌❌❌❌❌❌❌❌
هذا نبيل مريني 28 سنة المهنة طبيب 🏥نفسي طويل ومعضل فورمتو كتسطي شعرو شهب ولحيتو مطراسية تاهي شهبة عوينات عسليااات تيسطيو وحجبان نيف طويل ومقاد سنينات صغار مستفين.
سناء وصلات لطوب تاع الاأعصااب وربي جابليها فيمن تخوي عصبيتها مرضاتش البال لا لزينو ولا طولتو ولا تجريدو همها الوحيد هو تفرغ عصبيتها  :هيه واش متشوفش واش عور
نبيل:؟؟؟؟
سناء:كنت أنجي فالارض داخل فيا كي رموك تفو
نبيل ببرود :الفوت ديالك وزايداها فتسنطيح صافا باا
سنااء مغددة بداك البرود لي تيهضر بيه ضرباتو لصدو بيدها: أنا صاافااا ياكما تا نتا اترضني حمقة.
نبيل هز حاجبو فيها :عندك شي مشكل اختي
سناء:اخوي ليك الضرااس ( كانت غادية تمشي وهي ترجع )تفو عليكم كاملين الكنس النااقص.
نبيل بنفاذ صبر: اهيااتا جمعي علياا كبينتك من الصباح ونتي كتراطاي علياا ياك لبس شدرنا ليك بالسلامة دخلتي فينا وزايداها بالتعفار.
سناء قلبها طايب:الله يعطيكم الغرااق تفو عليكك ازهري تفو علاش معند جد مي الزهر 😭😭😭😭
سمعاتو صفر ضارت تشوف علامن صفر لقاتو نفس الكلب ليه خلات ليه الصاكادو ديالهاا.
الكلب صمطة ديال الصاك مزال ففمو غي سمعو صفر وهو يجري لعندو سناء غي شافتو قاصدها
سناء :عيطتي عليه باش يعضني يااك حرام عليك
شافتو قرب ليهم جمد ليهاا الما فالركابي تحنات لاحت الفوطة لي فيدها وعطات رجليها للريح الكلب غي شافها تتجري طلق الصاك وبقاا تابعهاا.
سنااء:ومي اش دا ملتي للبحر و باا اجي طل عليااا والعااداو عتقو الروح نبيل تحنا لعند الصاك جمعو وهزو وبقا تابع كلبو
الكلب:هاو هاو هاو
سناء:الله يهرويك ان شاء الله ومي تتجري وقربات تسخف كلاكيطة  تقطعات شعرها تشنتف ووجهها عامر تراب حالتها حالة(  من نهار بديت تنكتب فهاظ القصة وحالتها اللور اللور 😂😂😂)
نبيل عيا ميصفر والو متلفتش لعندو تاهو بدا تيجري يلحق عليهم  تا سمعهاا غوتات.
سنااء سبقات الرجل اليسرية على اليمنية وجات على وجهها طاحت ورجلهاا أصلا مزال كضرها ودبا تلوات ليهاا بقات تتبكي والكلب تيقرب منها بشوية بشوية داير فيها شوفات خوفوهاا.
سناء:ياربي تعتقني ياربي ايفتارسني ياربي مقادة على شي عضة ومقاداش على ريحة الصبيطارات  سناء شافت فالكلب لقاتو غي متيزيد يقرب هي بصح وصلات لمرحلة مبقاتش تسيطر على راسهاا بينها وبين الكلب 2 سنتيم الكلب كشر على نيابو وهي فلتات ليها البولة وغوتات وطاحت سخفانة.
نبيل غي شاف الكلب فوقها وهو يجري لقاه تيلحس على وججها.
نبيل:روكسيل روكسيل نزل سخفتي لينا البنت
تحنا لعندها قاس نبضها شاف جيهة رجليها لقاها بالت وهو بحكم مهنتو عرف الخوف والستريس هوما السبب جاب قرعة دالما رشهاا بشوية الما بدات تتكمش فعويناتها وحلاتهم غي شافت روكسيل مزال تماا سداتهم عاوتاني أما نبيل جابتليه الضحكة بداك التصرف العفوي والبريء
نبيل :مدموزيل
سناء مجاوباتوش كملات على المسرحية
نبيل :راه عندي ميدار ماشي انقابلك راه عارفك فايقة سو غي حلي عويناتك الزمردتين
سناء حلات عويناتها على جهدهم:واش كتحرش بيااا.
نبيل هز حاجب وحط لاخر: قستك خورتك حيدت ليك حوايجك أ قاتليك( رقق صوتو )كتحرش بيا بمن غنتحرش بوالة( خدا يدو سد بيها نيفو زعماا خانزة )
سناء تمنات الأرض تنشق وتبلعهاا مرضاتش انهاا بالت  فحوايجها هبطات وجهها لي حمار بزااف حنيكاتها ولاو كي مطيشة وعينيها تيبريو بالدموع حاولات تنوض تجمع داك نص غرام ديال الكرامة لي بقا عندها مقدراتش تزطم عليهاا حنت مقصحة فيها جوج خطراات 
سناء:أي (تخبطات عاوتاني فوق الارض)
نبيل:واش تضرك رجلك
سناء تخلطو عليها العرارم عطاتهاا للبكا والبكا تا خلعاتو
نبيل:شنو تيضرك واش رجليك اجي نديك للكلينيك يشوفوها ليك شو صافي الالة سمحيلياا جرحتك( سناء حدها كتبكي بصوت متقطع تيقطع القلب علاش يقوليهااا بواالة علاش )شو قوليليا مالك واش رجلك تتضرك بزااف سرحيهاا باش نشوفها ليك
سناء بصوت متقطع:علاش نتا مكتبولش راه خفت من سيريلاك ديالك ( روكسيل زعماا ) يجي يفتارسني دكشي علاش فلتات لياا ونتا جالس تتعاير فياا حرام عليك.( هزات يديها خبات بيه وجهها المبلول بالدموع. )
نبيل غي شافها هكاك بقات فيه ومن قبيلة وهو حاس أنها عندها شي مشكل نفسي جرها بشوية لصدرو كطبطب عليها باش تسكت من البكاا
نبيل بصوت حنين عكس قبيلات: شو صافي  سمحيليا غلط ديالي وتا سيريلاك انعاقبو صافي(  كلب قدو قد الخلا رجعوه سيريلاك اوا الله ينعل لي ميحشم 😒😒)
سناء مزال كتشهق:باش ات ع ا ق ب و( باش اتعاقبو )
نبيل قرب لحدا ودنيها وقال :انحيد ليه كلبات ديالو.
سنااء:علاه تاهو عندو كلبات ماشي غي وحدة
نبيل : سي نوغمال يكون عندو بزااف راه تاهو ذكر  وراه مغتشبعوش وحدة داكشي علاش درت ليه بزاف دالكلبات.
سناء شافت فيه بنضرة حادة:هي تانتا مكتبعكش مرأة وحدة
نبيل: فنضرك نتي انبقا مقابل غي مراة وحدة طيلة عمري
سناء: اوا اشريف راكم بحالكم بحال الكلاب فهمتو كلمة الرجولة غالطة عندك يسحابليك رجولة هي ضور بيك 20 عاهرة ننن الرجولة هي صفة قليلة فهاد الجيل قليل لي تلقااه راجل قلبا وقالبا.
نبيل حيدها من صدرو وقال :تانتوما الالة راكم فهمتو كلمة الأنوثة غالطة عندك يسحابليك بلي الأنوثة هي العرااا الأنوثة سمة عظيمة صعيب تلقاها فيمن والا   كاينين لي ولاو مشبهين راسهم بالرجال هاد الزمان صعيب تلقا فيها أنثى قلبا وقالبا.
سناء:علات حاجبهاا: لانعدام الرجولة  ترجلو باش يعلموكم الرجولة😉😉😉 كيتكم نتوماا لي وليتو تتأنثو باش تغويو ذكر بحالكم بحالو😉😉( عطاااتو العصير عطاتو فكاس كبير عطاتو وعلى عينيه عطاتو 😂😂😂😂)
نبيل ناض بزعفة ساس حوايجو   صفر على روكسيل جا لاح عليها داك الصاكادو ديالها و عطاها بظهرو.
سناء:هيه اسي( ضار لعندها   وشافها يشوفة ديال شنو بغيتي) شنو وصلني لهاد الحالة
نبيل:قلة عقلك.
سناء استأنفت كلامها: كلبك اشريف هو لي وصلني لهاد المواصيل دونك خاصك توصلني لدارنا ديك ساعة تكون كفرت على غلط كلبك بهمس( اشبيهو)
نبيل بهدوء:ياك ما روكسيل لي  قالك اجي للبحر ولا ياكما هو لي تبعك تا غطستي فالبحر وتلوات ليك رجليك تما شوفي امادموزيل سيري لعند ميتناجور وقولي ليه راه رجلي ضراتني باش يوصلك لداركم ولا ياكما خاايفة من خطيبتو هدى راها مسكينة ضريفة شفتيها كاع متعصبات عليك ملي هزك ونتي لابسة نص ميترو تاع توب وجالس تيتلمس فيك كيف بغاا صرااحة نتي أصلا معندكش حق تدوي لا على رجولة ولا على الأنوثة حنت تتعطي مثال خاايب فحق المرأة اوكي بب.
عطاها بظهرو جار معاه روكسيل  ومشااا

#يتبع😉😉