طيحني تيتيز رجاوي 💚

الجزء 1

طيحني تيتيز رجاوي
Kawtar ben

...:  وا العمالة واا درب سلطان ماغاتحطيش  داك المشقوف و تجي تحطي لينا نقصيو
نادية: تسنا هاني جايا تاكل فيه جغديد اولد الحرام (مشات لكوزينة دارت الغدا يسخن حطات المرقة فطبسيل و سخنات الخبز و داتو لبيت فين كين ادم ولد عمها لي صغر منها بعام و ساكن عندهم فدار حيت السونطر لي كيقرا فيه هوا بعيد على دارهم حطات ليه المرقة و بدا يفتارس فيها فحالا عمرو كلاها)
نادية: كول بشوية الماكلة را ماغاتهربش
ادم: را خوك لي غايجي و يهرف علينا
نادية: خويا فالمدراسة دابا غي كول بشوية
ادم:  اوا مزيا(ماجا فين يكملها تاوحلات ليه طارت لكوزينة جابت ليه الما شرب)
نادية: هالي گالت شوافة
ادم: عينك خيبة
نادية: سكت سكت بادي الموجز الرياضي
ادم: هوا ساكت
نادية: نااري ديربي نهار سبت😍
ادم: اه و غانمشي نتفرج
نادية : حلف حلف
ادم: و الله تا غادي تمشي معايا
نادية: نمشي معاك
ادم: هههه بغيتي باك يرزيني فصحتي
نادية: (باسى) عندك الحق و لكن ايلا طلبتو و خلاني نمشي تديني
ادم: تخلصي على راسك ابنت عمي
نادية: نخلص على راسي صافي
ادم: واخا
نادية: و الله و يبغي با ياتا ندير لك العدس بالگرعة فالعشا محد الواليدة فالعروبية
ادم: سيري عالله
👽هادي نادية 22 عام گلسات من القراية من بعدما خدات شهادة سكنة فالباك و ماجابتوش😂 مرة مرة كتضرب بريكول فحي صناعي بتخبية حيت باها ماكيخليهاش تخدم و كتموت على شي حاجة سميتها الرجاء عزيزة عليها لدرجة كتدير سبة بسخرة و كتخرج تقنت حدى شي قهوى تفرجت فماتشات الرجاء لي ماناقلينهومش و من أمنياتها تمشي لتيران و تشجع فريقها عن قرب و تشوف الحب ديالها متوليطيحني  التيتيز الرجاوي💚
By: kawtar Ben
الجزء الثاني:
*خرج ادم و گلسات تسنى البرهوش ديال خوها تايجي حطات ليه تغدا و عاودات دوزيم غدا معاه جمعات دنيا و شدات سداري و هزات تيليفونها تكونيكطا مع سيمو حب قلبها
نادية: سيمو عمارت قلبي امتا غاتجي تخطبني
سيمو: ياك گلت لمك ماتبقايش تجبدي ليا الزواج دروك
نادية : تامال مك كتنفخ را ثلث سنين و نتا رابطني و شحال ديال الخطاب رفضت جا فيا بوليسي و طبيب و ماقبلتش حيت باغا غانتا
سيمو: و صبري انادية عليا بينما جمعت راسي
نادية: شوف ابنادم انا عيت من هاد الهضرة راك بخدمتك الحمد لله و لكن نتا عزيز عليك القصاير مع الخانزات و الله و ما تجي تخطبني الشهر جاي ياتا نضرب ليك طر فالدرب و نگول ليهم غتاصبني
سيمو: شو شرمولة ولات كتهدد فيا اوا لا درتيها و خلاك باك حية ديك ساعة نخطبك
نادية: اهاه أ كحل العفطة وليتي تشفى فيا و الله لا بقات فيك يا الشماتة
سيمو: لي فجهدك احبي درتيه انا اصلا مليتك كل نهار نفس الموال ماتي كيف البنات تلبسي و نخرجو ديك الجلابة المنمرة تگولي مخيطينها لك مع لحمك و لا فورمة كيف البنات معرت كيف تصاحبت معاك ساعة دروك تفكيت نتي فطريق و انا فطريق
نادية: قلبك عامر الخوينز ها ياله تحلك الفم اتريكت الكار غادي و الكوا بادي ياخانز الحالة ريحتك كي جيفة و انا لي قابلة علك (قطعات و بركات تبكي و تنتف فشعرها ) الخانز لاخر و الله لا بقات فيه كنت حاسباه راجل الله يلگيها ليه انا بغيت ليك تشتيتة فشانطي انا بغيت ليه العجز الجنسي و لكن و الله تا نرد دقتي غابلاتي (جمعات لوقفة مني سمعات الباب تحل كان باها لي جا مشات عندو خدات تقدية سخنات ليه غداه تاهوا و حطات ليه ياكل و تربعات حداه )طيحني  التيتيز الرجاوي💚
By: kawtar Ben
الجزء الثالث:
نادية: نوض نصيب ليك العصير ابا
باباها: لا غاگلسي ناكل غا هادشي
نادية: را صبنت ليك الحوايج و درتهم فالماريو و صبابطك حكيتهم لك تاهوما
باباها: مزيان
نادية: تامن بيكالاتك حكيتها
باها: گولي اش بغيتي بلا تريگيل
نادية : باغا نمشي لتيران
باها: شنو
نادية: باغا نمشي لتيران نتفرج فالرجاء
باها: غاتنوضي من قدامي قبل مانحيد السمطة و نوريك تيران فالسما
نادية: ميمتك ابا الله يحفضك الله يخلي ليك وليداتك را ماغانمشيش بوحدي غانمشي انا و ادم الله يطول فعمرك ابا
باها: گلت ليك لا هيا لا و نوضي تهزي قبل مانزوقك
نادية: (بدات كتغبن ماشي دموع تماسيح لا كتنخسس من نيتها من جهة على بوركابي لي تصدمات فيه و من جهة على الحگرة لي عيشة فيها) واا فبلادي ضلمووني هىء هىء انا لي ماعندي زهر هىء هىء هىء انا لي محگورة لا قراية لا خدمة تامن الخرجة مانخرج كي الناس هىء هىء با راك عارفني نموت عالرجا و باغا نمشي مع ادم ابا ميمتك الله يخلي ليك ماعزيز علك ابا و الله تا نخرجو قبل مايسالي الماتش و نگلسو غي فجيهة الدريات
باها: مسحي خناينك راك وليتي مرة و باقا تهرني كي بنت عندها سبع سنين اول و اخر مرة غاتمشي لتيران و ماتفرحيش بزاف غانوصي عليك ادم دوري هاه ولا هاه را سمطة كتسناك
نادية : (دغيا مسخات دموعها و خنونتها و توحلت بكية لضحكة) عااش الملك العز اباا راك تما ابا احسن اب فدينا ( تلاحت عليه عنقاتو و بقات تبوس ليه فراسو)
باها: ماعرفت راسي واش والد بنت ولا زوفري
نادية: عطيني ابا باش نجيب الگرعة
باها: و الگرعة لاش
نادية: باغا نديرها مع العدس لعشا حيت طلبت هشام ايلا داني نطيبها ليه لعشا
باها: هشا انا في خضرة فوق طعام نتي متافقة معاه
نادية: لا لا ابا لا را گلت ليه ايلا بغيتي نتا راك كولشي
باها: هكاك ياله ها فلوس الگرعة و هاني غادي نعس (جمعات دنيا دغيا على انغام "نسهر بليل💚" كملات مشات لبسات جلابتها المنمرة و خرجات تشري الگرعة شراتها و تمات راجعة لدار فطريق بانت ليها خت سيمو غادة لحمام

طيحني التيتيز الرجاوي💚
By: kawtar Ben
الجزء الرابع:
نادية : ههههع لقيتها ليوما ناخد حقي منك اسي سيمو غي بلاتي نفدي فيك الجديد و القديم (شداتها بجرية ديريكت لدارهم  هزات جمعات سطولة ديال الحمام فيقات باها خدات من عندو بزز ربعمية ديال الحمام عشرة دراهم تخلص بيها و عشرة دراهم تخبيها باش تزيد عليها تصيب شعرها نهار السبت ماعلينا مشات لحمام خلصات دخلات حطات سطولتها حدى سطولة ديال خت  سيمو لي أصلا ماكتعرفهاش و دخلات لسخون لقاتها كتحك تماك گلسات حداها تاهيا كتحك
نادية: ختي تحكي ليا و نحك ليك
ختو: اه واخا اري نحك ليك انا لولة
نادية: واخا هاكي (حكات ليها ضهرها و جات نوبت نادية باش تحك ليها تاهيا كسلاتها و بدات كتحك ليها سيدة ترخات خلاتها تحك كيف بغات شوية بشوية بدات نادية تحك و تگول ماحكيت البلاصة لي دازت منها تهردها و تخليها حمرة)
ختو: صافي اختي براكة براكة طيبتيني
نادية: اويلي حي على الخوينزة تي تسرحي خانحك ليك اويلي تگولي عام ماعمتي فين كنتي مخبية هاد الوسخ كولو
ختو: اناري اختي را ماشي غي كتحكي راك كتحفري
نادية: دابا شنو شتك كتعيري فيا لا
ختو: لا اختي غي حيدي خانوض فحالاتي بناقص من حكانك
نادية: سمعو العياالات سمعووو گاتلك ماكنعرفش نحك و شوفو الشعرية لي خرجت منها شوفو العيالات
ختو: تي سكتي براكة من شوهة امتا گلت لك ماكتحكيش مزيان
نادية: (هزات سطل تا خواتو و عطاتعا بيه لراس) أنا خانزة هاه انا خانزة يا الخانزة هيا (تلاحت عليها تنتف و تگول مانتفت و العيالات ناضو يفكو و الطيابات تاهوما دخلو ماهزوها من فوقها تا كلاتها مزيان)
ختو: عقلي عقلي أبنت ال*حبة و الله لا بقات فمك
نادية: الا وصلتي لترمتك غاخوريها ا خانزة الفشلوق